Pathaan OTT: ಮನೆಯಲ್ಲೇ ನೋಡಿ ಪಠಾಣ್, ಶಾರುಖ್ ಸಿನಿಮಾ ಶೀಘ್ರ ಒಟಿಟಿಗೆ

ಶಾರುಖ್ ಖಾನ್ ದಕ್ಷಿಣದಲ್ಲಿಯೂ ಭಾರೀ ಫಾಲೋವರ್ಸ್​ಗಳನ್ನು ಹೊಂದಿದ್ದಾರೆ. ಆದರೂ ಕಳೆದ ಕೆಲವು ವರ್ಷಗಳಿಂದ ಶಾರುಖ್ ಖಾನ್ ಅವರ ಟ್ರ್ಯಾಕ್ ರೆಕಾರ್ಡ್ ಉತ್ತಮವಾಗಿಲ್ಲ. ಒಂದು ಕಾಲದಲ್ಲಿ ಕಿಂಗ್ ಖಾನ್ ಆಗಿ ಬಾಲಿವುಡ್ ಆಳಿದ ನಟ ಸ್ವಲ್ಪ ಸೋಲನುಭವಿಸಿ ಈಗ ಮತ್ತೆ ಮುನ್ನುಗ್ಗುತ್ತಿದ್ದಾರೆ.

ಶಾರುಖ್ ಅಭಿನಯದ ಆಕ್ಷನ್ ಥ್ರಿಲ್ಲರ್ ಪಠಾಣ್ ವೈರಲ್ ಆಗಿದೆ. ಭಾರೀ ನಿರೀಕ್ಷೆಗಳ ನಡುವೆ ಜನವರಿ 25 ರಂದು ವಿಶ್ವದಾದ್ಯಂತ 7700 ಸ್ಕ್ರೀನ್‌ಗಳಲ್ಲಿ ಚಿತ್ರ ಬಿಡುಗಡೆಯಾಗಿ ಉತ್ತಮ ಪ್ರದರ್ಶನ ಕಾಣುತ್ತಿದೆ. ಈ ಸಿನಿಮಾ ಹಿಂದಿ ಜೊತೆಗೆ ತೆಲುಗು ಮತ್ತು ತಮಿಳು ಭಾಷೆಗಳಲ್ಲಿ ಏಕಕಾಲಕ್ಕೆ ಬಿಡುಗಡೆಯಾಗಿತ್ತು.

ನಮ್ಮ ದೇಶದಲ್ಲಿ ರೂ. 1000 ಕೋಟಿಗೂ ಹೆಚ್ಚು ಗಳಿಸಿದ ಮೊದಲ ಹಿಂದಿ ಚಿತ್ರ ಎಂಬ ಹೆಗ್ಗಳಿಕೆಗೆ ಪಾತ್ರವಾಯಿತು. ನಮ್ಮ ದೇಶದಲ್ಲಿ ರೂ. ಒಟ್ಟು 623 ಕೋಟಿ. ಓವಸೀಸ್ ನಲ್ಲಿ ರೂ. ಒಟ್ಟು 377 ಕೋಟಿ ರೂ ಗಳಿಸಿದೆ. ಕೊರೋನಾ ನಂತರ ಹಿಂದಿ ಚಿತ್ರೋದ್ಯಮದಲ್ಲಿ ರೂ. 1000 ಕೋಟಿಗಳ ಒಟ್ಟು ಕಲೆಕ್ಷನ್ ಮಾಡಿದ ಹಿಂದಿ ಚಿತ್ರವೆಂಬ ದಾಖಲೆ ಪಡೆದಿದೆ.

ಪಠಾಣ್ ಅಮೇರಿಕಾದಲ್ಲಿ ಬಾಹುಬಲಿ 2 ನ ಕಲೆಕ್ಷನ್ ರೆಕಾರ್ಡ್ ಬ್ರೇಕ್ ಮಾಡಿದೆ. ಸಿಕ್ಕಾಪಟ್ಟೆ ವೈರಲ್ ಆಗಿರೋ ಸಿನಿಮಾ ವ್ಯಾಪಮ ಮೆಚ್ಚುಗೆ ಪಡೆದಿದೆ.

ಇತ್ತೀಚೆಗಷ್ಟೇ ಪಠಾಣ್ OTT ಬಿಡುಗಡೆಗೆ ಸಂಬಂಧಿಸಿದಂತೆ ಸ್ಪಷ್ಟತೆ ಬಂದಿದೆ. ಜನಪ್ರಿಯ ಸ್ಟ್ರೀಮಿಂಗ್ ಅಪ್ಲಿಕೇಶನ್ Amazon Prime Video ಈ ಚಿತ್ರದ ಸ್ಟ್ರೀಮಿಂಗ್ ಹಕ್ಕುಗಳನ್ನು ಪಡೆದುಕೊಂಡಿದೆ. ಮೇಲಾಗಿ ಈ ಚಿತ್ರದ ಡಿಜಿಟಲ್ ಹಕ್ಕುಗಳನ್ನು ಸಂಸ್ಥೆಯು ಭಾರಿ ಬೆಲೆ ನೀಡಿ ಪಡೆದುಕೊಂಡಿದೆ ಎನ್ನಲಾಗಿದೆ.

ಪಠಾಣ್ ಚಿತ್ರದ ಸ್ಟ್ರೀಮಿಂಗ್ ಹಕ್ಕುಗಳನ್ನು ಅಮೆಜಾನ್ ಪ್ರೈಮ್ ವಿಡಿಯೋ ಎಲ್ಲಾ ಭಾಷೆಗಳಿಗೆ ಸುಮಾರು 100 ಕೋಟಿ ಬೆಲೆಗೆ ಖರೀದಿಸಿದೆ ಎಂದು ಹೇಳಲಾಗಿದೆ. ಇತ್ತೀಚಿನ ಸಂಗತಿಯೆಂದರೆ ಅಮೆಜಾನ್ ಪ್ರೈಮ್ ವೀಡಿಯೊ ಈ ಸಿನಿಮಾವನ್ನು ಏಪ್ರಿಲ್ ಬದಲಿಗೆ ಮಾರ್ಚ್ 22 ರಂದು ಸ್ಟ್ರೀಮಿಂಗ್‌ ಮಾಡಲಿದೆ ಎನ್ನಲಾಗಿದೆ.

ಅಂತೂ ಈಗ ಸಿನಿ ಪ್ರೇಮಿಗಳು ಪಠಾಣ್ ಒಟಿಟಿ ರಿಲೀಸ್​ಗಾಗಿ ಕಾಯುತ್ತಿದ್ದಾರೆ. ಅಂತೂ ಒಟಿಟಿಯಲ್ಲಿ ಪಠಾಣ್ ಸೌಂಡ್ ಮಾಡಲು ರೆಡಿಯಾಗಿದೆ.