Aryan Khan​ ಜತೆಗಿನ Photo ಹಂಚಿಕೊಂಡ Suhana Khan​: ಫೋಟೋ ವೈರಲ್​

ವಿದೇಶದಲ್ಲಿ ಸಿನಿಮಾ ಕುರಿತಾದ ಕೋರ್ಸ್​ ಮಾಡುತ್ತಿರುವ ಶಾರುಖ್​ ಖಾನ್​ ಅವರ ಮಗಳು ಸುಹಾನಾ ಖಾನ್ ಅವರು ನಿನ್ನೆ ಸಂಜೆ ತಮ್ಮ ಇನ್​ಸ್ಟಾಗ್ರಾಂನಲ್ಲಿ ಸಹೋದರ ಆರ್ಯನ್ ಖಾನ್​ ಜತೆಗಿನ ಒಂದು ಫೋಟೋ ಶೇರ್​ ಮಾಡಿದ್ದಾರೆ.

ಆರ್ಯನ್​ ಖಾನ್​ ಹಾಗೂ ಸುಹಾನಾ ಖಾನ್​ ತಮ್ಮ ಅಪ್ಪನ ಜತೆಗಿರುವ ಹಳೇ ಫೋಟೋವನ್ನು ಸುಹಾನಾ ಹಂಚಿಕೊಂಡಿದ್ದಾರೆ. ಅದರಲ್ಲಿ ಬಾಲ್ಯದಲ್ಲಿ ಆರ್ಯನ್ ಹಾಗೂ ಸುಹಾನಾ ಅಪ್ಪನ ಜತೆ ಸಖತ್ ಕ್ರೇಜಿಯಾಗಿ ಪೋಸ್​ ಕೊಟ್ಟಿದ್ದಾರೆ.

ಆರ್ಯನ್ ಖಾನ್​ ಮನೆಗೆ ಮರಳಲಿರುವ ಖುಷಿಯಲ್ಲಿ ಸುಹಾನಾ ಖಾನ್​ ಈ ಚಿತ್ರವನ್ನು ಶೇರ್​ ಮಾಡಿದ್ದು, ಲವ್​ ಯೂ ಎಂದು ಬರೆದುಕೊಂಡಿದ್ದಾರೆ. ಸುಹಾನಾ ಮಾಡಿರುವ ಈ ಪೋಸ್ಟ್​ಗೆ ಶನಾಯಾ ಕಪೂರ್​ ಸೇರಿದಂತೆ ಸಾಕಷ್ಟು ಮಂದಿ ಸೆಲೆಬ್ರಿಟಿಗಳು ಪ್ರತಿಕ್ರಿಯಿಸಿದ್ದಾರೆ.

ಮಾದಕ ವಸ್ತು ಪ್ರಕರಣದಲ್ಲಿ ಆರ್ಯನ್​ ಖಾನ್​ ಅವರಿಗೆ ಜಾಮೀನು ಮಂಜೂರಾಗಿದ್ದು, ಶಾರುಖ್ ಖಾನ್​, ಗೌರಿ ಖಾನ್​ ಈಗ ನೆಮ್ಮದಿಯ ನಿಟ್ಟುಸಿರು ಬಿಟ್ಟಿದ್ದಾರೆ.

ಸುಹಾನಾ ಖಾನ್​ ಅವರು ಸಾಮಾಜಿಕ ಜಾಲತಾಣದಲ್ಲಿ ತಮ್ಮ ಸಹೋದರರಾದ ಅಬ್ರಂ ಖಾನ್​ ಹಾಗೂ ಆರ್ಯನ್ ಖಾನ್ ಜತೆಗಿನ ಚಿತ್ರಗಳನ್ನು ಆಗಾಗ ಹಂಚಿಕೊಳ್ಳುತ್ತಿರುತ್ತಾರೆ. ಜೊತೆಗೆ ತಮ್ಮ ವಿದೇಶಿ ಸ್ನೇಹಿತರ ಜತೆಗಿನ ಚಿತ್ರಗಳಿಂದಾಗಿ ಹೆಚ್ಚಾಗಿ ಸುದ್ದಿಯಲ್ಲಿರುತ್ತಾರೆ.