Shah Rukh Khan: ಮಗನನ್ನು ಜೈಲಿನಿಂದ ಬಿಡಿಸುವಾಗ ಶಾರುಖ್ ಹೇಳಿದ್ದೇನು? ಸಮೀರ್-ಕಿಂಗ್ ಖಾನ್ ನಡುವಿನ ಚಾಟ್ ವೈರಲ್!

ಆರ್ಯನ್ ಖಾನ್ ಅವರನ್ನು ಬಿಡುಗಡೆ ಮಾಡಲು ಸಮೀರ್ ವಾಂಖೆಡೆ , ಶಾರುಖ್ ಖಾನ್ ಮತ್ತು ಅವರ ಕುಟುಂಬಕ್ಕೆ 25 ಕೋಟಿ ರೂಪಾಯಿಗೆ ಬೇಡಿಕೆಯಿಟ್ಟಿದ್ದರು ಎನ್ನುವ ಆರೋಪವಿದ್ದು, ಈ ಬಗ್ಗೆ ತನಿಖೆ ಕೂಡ ನಡೆಯುತ್ತಿದೆ.

ಈ ವಿಚಾರವಾಗಿ ಸಮೀರ್ ವಾಂಖೆಡೆ ಮತ್ತು ಶಾರುಖ್ ಖಾನ್ ಹಲವು ಬಾರಿ ಮಾತಾಡಿದ್ದಾರೆ. ಜೊತೆಯೇ ಅವರು ತಮ್ಮ ವಾಟ್ಸಾಪ್ ಚಾಟ್​ಗಳನ್ನು ಹಂಚಿಕೊಂಡಿದ್ದಾರೆ. ಈ ಬಗ್ಗೆ ನ್ಯೂಸ್ 18 ಲೋಕಮಾತ್​ಗೆ ವಿಶೇಷ ಮಾಹಿತಿ ಸಿಕ್ಕಿದೆ.

ಶಾರುಖ್ ಖಾನ್ ತಮ್ಮ ಪುತ್ರ ಆರ್ಯನ್ ಖಾನ್ ಅವರನ್ನು ರಕ್ಷಿಸುವಂತೆ ಸಮೀರ್ ವಾಂಖೆಡೆಗೆ ಮನವಿ ಮಾಡಿರುವ ವಿಚಾರ ಚಾಟ್​ನಿಂದ ಹೊರಬಿದ್ದಿದೆ. ಈ ಚಾಟ್​ನಲ್ಲಿ, ಶಾರುಖ್ ಖಾನ್ ಸಮೀರ್ ವಾಂಖೆಡೆಗೆ ನಾನು ತಂದೆ ಮತ್ತು ನೀವು ಸಹ ತಂದೆ. ನನ್ನ ಮಗ ಕಳೆದುಹೋಗಬಹುದು ಆದರೆ ಅವನನ್ನು ನೋಡಿಕೊಳ್ಳಿ. ಈ ನಿಟ್ಟಿನಲ್ಲಿ ನಾವು ಮಾಡಬಹುದಾದ ಎಲ್ಲವನ್ನೂ ನಾವು ಮಾಡುತ್ತೇವೆ ಎಂದು ಹೇಳಿದ್ದಾರೆ.

ನಟ ಶಾರುಖ್ ಖಾನ್, ಸಮೀರ್ ವಾಂಖೆಡೆಗೆ ಒಂದಲ್ಲ ಹಲವು ಬಾರಿ ಇಂತಹದೊಂದು ಮನವಿ ಮಾಡಿದ್ದಾರೆ. ನಟ ಶಾರುಖ್ ಖಾನ್ ಫೇಮಸ್ ನಟರಾಗಿದ್ದರೂ ಮಗನಿಗಾಗಿ ಅಧಿಕಾರಿ ಮುಂದೆ ಪರಿ ಪರಿಯಾಗಿ ಬೇಡಿಕೊಂಡಿದ್ದಾರೆ.

ಮಗನನ್ನು ಉಳಿಸಿಕೊಳ್ಳಲು ತಂದೆ ಹರಸಾಹಸಪಟ್ಟಿದ್ದಾರೆ. ಶಾರುಖ್ ಮತ್ತು ಸಮೀರ್ ವಾಂಖೆಡೆ ನಡುವಿನ ಮಾತುಕತೆ ಬಾಂಬೆ ಹೈಕೋರ್ಟ್​ನಲ್ಲಿ ವಿಚಾರಣೆ ವೇಳೆ ಬೆಳಕಿಗೆ ಬಂದಿದೆ. ಆರ್ಯನ್ ಖಾನ್ ನನ್ನು ಬಂಧಿಸಿದಾಗ ಆರ್ಯನ್ ಖಾನ್ ಅವರನ್ನು ಚಾರ್ಜ್ ಶೀಟ್​ನಲ್ಲಿ ಆರೋಪಿ ದಾಖಲಾಗಿತ್ತು.

ಆರ್ಯನ್ ಖಾನ್ ವಿರುದ್ಧ ಸೆಕ್ಷನ್ 27ರ ಅಡಿಯಲ್ಲಿ ಆರೋಪ ಹೊರಿಸಲಾಗಿತ್ತು. ಬಳಿಕ ಸಲ್ಲಿಸಿದ ಚಾರ್ಜ್ ಶೀಟ್ನಿಂದ ಆರ್ಯನ್ ಖಾನ್ ಹೆಸರನ್ನು ಕೈಬಿಡಲಾಯಿತು. ಈ ಸಂಪೂರ್ಣ ಘಟನೆ ಮೇ 25-27 ರಂದು ನಡೆದಿದೆ.

ಸಮೀರ್ ವಾಂಖೆಡೆ ಮತ್ತು ಎನ್​ಸಿಬಿ ಮುಂಬೈ ವಲಯದ ಇಬ್ಬರು ಮಾಜಿ ಜೂನಿಯರ್​ಗಳ ವಿರುದ್ಧ ಸಿಬಿಐ ಎಫ್ಐಆರ್ ದಾಖಲಿಸಿದೆ. ವಾಂಖೆಡೆ ಮತ್ತು ಇಬ್ಬರು ಅಧಿಕಾರಿಗಳು ಡ್ರಗ್ಸ್ ದಂಧೆ ಪ್ರಕರಣವನ್ನು ನಿರ್ವಹಿಸುವಾಗ ನಿಯಮಗಳನ್ನು ಬ್ರೇಕ್ ಮಾಡಿದ್ದಾರೆ ಎನ್ನುವ ಆರೋಪವಿದೆ

ಕೊನೆಯ ಕ್ಷಣದಲ್ಲಿ ಆರ್ಯನ್ ಖಾನ್ ಮತ್ತು ಅವರ ಸ್ನೇಹಿತ ಅರ್ಬಾಜ್ ಮರ್ಚೆಂಟ್ ಹೆಸರನ್ನು ಎಫ್ಆರ್ಐಗೆ ಸೇರಿಸಲಾಗಿದೆ. ಮೂಲ ಮಾಹಿತಿ ಪತ್ರದಲ್ಲಿ ಇನ್ನೂ ಕೆಲವು ಶಂಕಿತರ ಹೆಸರನ್ನು ಕೈಬಿಡಲಾಗಿದೆ ಎಂಬ ಆರೋಪ ಕೇಳಿಬಂದಿದೆ.