Actress Ashvini: ಸೂಪರ್ ಫೋಟೋಶೂಟ್​ನಲ್ಲಿ ಮಿಂಚಿದ ಮುದ್ದುಲಕ್ಷ್ಮಿ ಅಶ್ವಿನಿ, ನಟಿಯ ಲುಕ್​ ನೋಡಿ ಫ್ಯಾನ್ಸ್ ಫಿದಾ

ನಿರೂಪಕಿಯಾಗಿದ್ದ ಅಶ್ವಿನಿ ನಟಿಯಾಗಿ ಜನರ ಮನ ಗೆದ್ದಿರುವುದರಲ್ಲಿ ಯಾವುದೇ ಅನುಮಾನವಿಲ್ಲ. ಅವರೆಂದರೆ ಅಭಿಮಾನಿಗಳಿಗೆ ಬಹಳ ಇಷ್ಟ.

ಬಹಳಷ್ಟು ಆಫರ್ ಬಂದರೂ ಸಹ ನಿರಾಕರಿಸಿದ್ದ ನಟಿಯ ಮೊದಲ ಸೀರಿಯಲ್ ಅನುರಾಗ ಸಂಗಮ. ನಂತರ ಅವರು ಧಾರಾವಾಹಿ ಲೋಕದಲ್ಲಿ ಮಿಂಚಿದ್ದು ಎಲ್ಲರಿಗೂ ಗೊತ್ತಿದೆ.

ಉದಯ ಮ್ಯೂಸಿಕ್ನಲ್ಲಿ ನಿರೂಪಣೆ ಮಾಡುವ ಮೂಲಕ ಕಿರುತೆರೆ ಲೋಕಕ್ಕೆ ಕಾಲಿಟ್ಟವರು ಈ ನಟಿ. ನಂತರ ಅವರು ನಟಿಯಾಗಿ ಜನರಿಗೆ ಇಷ್ಟವಾಗಿದ್ದಾರೆ.

ಮೂಲತಃ ಮೈಸೂರಿನವರಾದ ಅಶ್ವಿನಿ, ಡಿಗ್ರಿ ಮುಗಿದ ನಂತರ ಆ್ಯಂಕರ್ ಆಗಿ ಕೆಲಸಕ್ಕೆ ಸೇರಿದ್ದರು. ಉತ್ತಮ ಆ್ಯಂಕರ್ ಆಗಿ ಸಹ ಹೆಸರು ಮಾಡಿದ್ದರು.

ಕಾಲೇಜು ದಿನಗಳಲ್ಲಿ ರಂಗಭೂಮಿಯಲ್ಲಿ ಸಕ್ರಿಯವಾಗಿದ್ದ ಅವರಿಗೆ ನಟನೆಯ ಮೇಲೆ ಆಸಕ್ತಿ ಇತ್ತು. ಹಾಗಾಗಿ ಅವರಿಗೆ ನಟನೆ ಸರಾಗವಾಗಿ ಒಲಿದಿತ್ತು.

ಮೊದಲ ಧಾರಾವಾಹಿ ಅನುರಾಗ ಸಂಗಮದ ನಂತರ ಕುಲವಧು ಧಾರಾವಾಹಿಯಲ್ಲಿ ಸಹ ನಟಿಸಿ, ಒಂದರ ನಂತರ ಒಂದು ಅದ್ಬುತ ಅವಕಾಶಗಳನ್ನು ಪಡೆದುಕೊಂಡಿದ್ದಾರೆ.

ಈ ಕುಲವಧು ಧಾರಾವಾಹಿಯಲ್ಲಿ ನೆಗೆಟಿವ್ ಪಾತ್ರದಲ್ಲಿ ಕಾಣಿಸಿಕೊಂಡು ಜನರ ಬಳಿ ಸೈ ಎನಿಸಿಕೊಂಡಿದ್ದರು. ನಂತರ ಗಿರಿಜಾ ಕಲ್ಯಾಣ ಧಾರಾವಾಹಿಯಲ್ಲಿ ನಟಿಸುವ ಅವಕಾಶವನ್ನು ಪಡೆದರು.

ಸಹನಟಿಯಾಗಿ ನಟಿಸುತ್ತಿದ್ದ ಅಶ್ವಿನಿ ಮುದ್ದುಲಕ್ಷ್ಮಿ ಧಾರಾವಾಹಿಯ ಮೂಲಕ ನಾಯಕಿಯಾದರು. ಇದೀಗ ಅಶ್ವಿನಿ ಕಿರುತೆರೆ ಲೋಕದಲ್ಲಿ ಅದ್ಭುತ ನಟಿ ಎನಿಸಿಕೊಂಡಿದ್ದಾರೆ.

ಆದರೆ ಮುದ್ದುಲಕ್ಷ್ಮಿ ಧಾರಾವಾಹಿಯ ನಂತರ ಅವರು ಎಲ್ಲೂ ಕಾಣಿಸಿಕೊಂಡಿಲ್ಲ. ಹಾಗಾಗಿ ಅಭಿಮಾನಿಗಳು ನೀವು ಎಲ್ಲಿದೀರಾ ಎಂದು ಕೇಳುತ್ತಿದ್ದಾರೆ. ಯಾವ ಧಾರಾವಾಹಿ ಒಪ್ಪಿಕೊಂಡಿಲ್ವಾ? ಎಂದು ಪ್ರಶ್ನಿಸುತ್ತಿದ್ದಾರೆ.

ಸೋಷಿಯಲ್ ಮೀಡಿಯಾದಲ್ಲಿ ಬಹಳ ಆಕ್ಟೀವ್ ಇರುವ ಅಶ್ವಿನಿ, ಈ ಬಗ್ಗೆ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ಅಲ್ಲದೇ ಆಗಾಗ ಅವರ ಫೋಟೋಗಳನ್ನು ಹಂಚಿಕೊಳ್ಳುವ ಮೂಲಕ ಅಭಿಮಾನಿಗಳ ಜೊತೆ ಸಂಪರ್ಕದಲ್ಲಿರುತ್ತಾರೆ.