Meena: ಸೆಕೆಂಡ್ ಇನ್ನಿಂಗ್ಸ್​ನಲ್ಲೂ ನಟಿ ಕೈಯಲ್ಲಿ ಸಾಲು ಸಾಲು ಸಿನಿಮಾ; ಡಬಲ್ ಆಯ್ತು ನಟಿ ಮೀನಾ ಸಂಭಾವನೆ!

ಮೀನಾ ಅನೇಕ ತಮಿಳು, ತೆಲುಗು ಹಾಗೂ ಕನ್ನಡ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಇದೀಗ ಸದ್ಯ 2ನೇ ಇನ್ನಿಂಗ್ಸ್ ಆರಂಭಿಸಲು ಮೀನಾ ಮುಂದಾಗಿದ್ದಾರೆ. ಹಲವು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ಮದ್ರಾಸ್ ನಗರದಲ್ಲಿ ಹುಟ್ಟಿ ಬೆಳೆದ ಮೀನಾ ತೆಲುಗು, ತಮಿಳು ಮತ್ತು ಮಲಯಾಳಂ ಚಿತ್ರಗಳಲ್ಲಿ ನಟಿಸಿ ಫೇಮಸ್ ಆಗಿದ್ದಾರೆ.

ಇತ್ತೀಚೆಗಷ್ಟೇ ಮೀನಾ ಪತಿ ಕೊರೊನಾ ಸೋಂಕಿನಿಂದಾಗಿ ಸಾವನ್ನಪ್ಪಿದ್ದರು. ಪತಿಯ ಸಾವಿನ ದುಃಖದಿಂದ ಕಂಗೆಟ್ಟಿದ್ದ ಮೀನಾ ಈಗ ಆ ನೋವಿನಿಂದ ಚೇತರಿಸಿಕೊಳ್ತಿದ್ದಾರೆ. ಈ ವೇಳೆ ನಟಿ ಮೀನ ಒಂದು ಪ್ರಮುಖ ನಿರ್ಧಾರ ಕೈಗೊಂಡಿದ್ದಾರೆ.

ಮೀನಾ ತಮ್ಮ ಮುಂಬರುವ ಚಿತ್ರಗಳ ಸಂಭಾವನೆ ಹೆಚ್ಚಿಸಲು ನಿರ್ಧರಿಸಿದ್ದಾರೆ ಎಂದು ವರದಿಯಾಗಿದೆ. ಹೊಸ ಪ್ರಾಜೆಕ್ಟ್ ಗಳಿಗೂ ಮೀನಾ ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರೆ ಎನ್ನಲಾಗ್ತಿದೆ.

ಮೀನಾಗೆ ಈಗ 46 ವರ್ಷವಾದರೂ ಅವರ ಕ್ರೇಜ್ ಮಾತ್ರ ಸ್ವಲ್ಪವೂ ಕಡಿಮೆಯಾಗಿಲ್ಲ. ದೃಶ್ಯ ಸರಣಿಯಲ್ಲಿ ಮೀನಾ ತಮ್ಮ ಅಭಿನಯದಿಂದ ಮತ್ತಷ್ಟು ಅಭಿಮಾನಿಗಳನ್ನು ಹೊಂದಿದ್ದಾರೆ. ಆಫರ್ ಗಳು ಹೆಚ್ಚಾಗುತ್ತಿದ್ದು, ಸಂಭಾವನೆ ಹೆಚ್ಚಿಸಿಕೊಳ್ಳಲು ಮೀನಾ ನಿರ್ಮಾನಿಸಿದ್ದಾರೆ ಎಂದು ವರದಿಯಾಗಿದೆ.

ಇಂಡಸ್ಟ್ರಿಯಿಂದ ಕೇಳಿಬರುತ್ತಿರುವ ಮಾಹಿತಿಯ ಪ್ರಕಾರ ಮೀನಾ 1 ಚಿತ್ರಕ್ಕಾಗಿ 20 ಲಕ್ಷ ರೂಪಾಯಿ ಸಂಭಾವನೆಗೆ ಬೇಡಿಕೆ ಇಟ್ಟಿದ್ದಾರಂತೆ. ಕಳೆದ ವರ್ಷಕ್ಕೆ ಹೋಲಿಸಿದರೆ ಮೀನಾ ತಮ್ಮ ಸಂಭಾವನೆಯನ್ನು ಭಾರೀ ಪ್ರಮಾಣದಲ್ಲಿ ಹೆಚ್ಚಿಸಿಕೊಂಡಿದ್ದಾರೆ ಎಂದು ವರದಿಯಾಗಿದೆ. ಆದರೆ ಪತಿ ತೀರಿಕೊಂಡ ಬಳಿಕ ಮಗಳ ಭವಿಷ್ಯವನ್ನು ಗಮನದಲ್ಲಿಟ್ಟುಕೊಂಡು ಸಂಭಾವನೆ ವಿಚಾರದಲ್ಲಿ ಮೀನಾ ಈ ನಿರ್ಧಾರ ಕೈಗೊಂಡಿದ್ದಾರಂತೆ.

ಮೀನಾ ಅವರು ತೆಲುಗು ಮತ್ತು ತಮಿಳು ಚಿತ್ರಗಳಲ್ಲಿ ಬಾಲನಟಿಯಾಗಿ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟಿದ್ದಾರೆ. ರಜನಿಕಾಂತ್, ಕಮಲಹಾಸನ್ ಮತ್ತು ಇತರ ನಟರೊಂದಿಗೆ ಬಾಲನಟಿಯಾಗಿ ನಟಿಸಿದ ಅವರು ನಂತರ ನಾಯಕಿಯಾದರು. ಮುತ್ತು, ಯಜಮಾನ್, ವೀರ ಮತ್ತು ಅವ್ವೈ ಷಣ್ಮುಗಿ ಅವರ ತಮಿಳು ಸಿನಿಮಾಗಳು ಸೂಪರ್ ಹಿಟ್ ಆಗಿವೆ.

ಮೀನಾ ಸೆಪ್ಟೆಂಬರ್ 16, 1975 ರಂದು ಮದ್ರಾಸ್ನಲ್ಲಿ ಜನಿಸಿದರು. ಮೀನಾ ಅವರ ತಂದೆ ದುರೈರಾಜ್ ತಮಿಳುನಾಡಿನಲ್ಲಿ ನೆಲೆಸಿರುವ ತೆಲುಗು ಕುಟುಂಬಕ್ಕೆ ಸೇರಿದವರು. ತಮಿಳುನಾಡಿನ ಸರ್ಕಾರಿ ಶಾಲೆಯೊಂದರಲ್ಲಿ ಶಿಕ್ಷಕರಾಗಿ ಕೆಲಸ ಮಾಡುತ್ತಿದ್ದರು. ಆಕೆಯ ತಾಯಿ ರಾಜಮಾಲಿಕಾ ಕೂಡ ಆ ದಿನಗಳ ತಮಿಳು ಚಲನಚಿತ್ರ ನಟಿಯಾಗಿದ್ದಾರೆ.

ತೆಲುಗಿನಲ್ಲಿ ವೆಂಕಟೇಶ್ ಮತ್ತು ಮೀನಾ ಅವರು ಸುಂದರ ಕಾಂಡ, ಚಂಟಿ, ಸೂರ್ಯ ವಂಶಮ್ ಸೇರಿದಂತೆ ಮುಂತಾದ ಯಶಸ್ವಿ ಚಿತ್ರ ನೀಡಿದ್ದಾರೆ. ಕನ್ನಡದಲ್ಲೂ ಪುಟ್ನಂಜ ಸೇರಿದಂತೆ ಕೆಲ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಮೀನಾ 1991 ರಿಂದ 2000 ರವರೆಗೆ ಸುಮಾರು 1 ದಶಕದ ಕಾಲ ತೆಲುಗು ಮತ್ತು ತಮಿಳು ಚಿತ್ರಗಳಲ್ಲಿ ಸ್ಟಾರ್ ನಾಯಕಿಯಾಗಿ ಮಿಂಚಿದ್ದಾರೆ.