Naresh-Aamani: ಸಿನಿಮಾ ಶೂಟಿಂಗ್ ವೇಳೆ ನಟ ನರೇಶ್ ಮಾಡಿದ್ದೇನು? ಟಾಲಿವುಡ್ ನಟಿಯ ಶಾಕಿಂಗ್ ಸ್ಟೇಟ್​ಮೆಂಟ್!

ಹಿರಿಯ ನಾಯಕಿ ಆಮಣಿ ತನ್ನ ನಟನೆ ಮೂಲಕವೇ ಮನೆ ಮಾತಾಗಿದ್ರು. ಇತ್ತೀಚಿನ ದಿನಗಳಲ್ಲಿ ನಟ ನರೇಶ್, ಪವಿತ್ರಾ ಲೋಕೇಶ್ ಜೊತೆಗಿನ ಸಂಬಂಧದ ಬಗ್ಗೆ ಭಾರೀ ಸುದ್ದಿಯಲ್ಲಿದ್ದಾರೆ. 4ನೇ ಮದುವೆ ಸಜ್ಜಾಗ್ತಿರುವ ನಟ ನರೇಶ್ ಬಗ್ಗೆ ಹಿರಿಯ ನಟಿ ಆಮಾನಿ ಮಾತಾಡಿದ್ದಾರೆ.

ಸಿನಿಮಾ ಇಂಡಸ್ಟ್ರಿಯಲ್ಲಿ ಒಳ್ಳೆ ಹೆಸರು ಮಾಡಿರುವ ಅಮಾನಿ, ಹೆಚ್ಚಾಗಿ ಗೃಹಿಣಿ ಪಾತ್ರದಲ್ಲೇ ಕಾಣಿಸಿಕೊಂಡಿದ್ದಾರೆ. ಅನೇಕ ಸಿನಿಮಾಗಳಲ್ಲಿ ತಮ್ಮ ಅಭಿನಯದ ಮೂಲಕವೇ ಪ್ರಭಾವ ಬೀರಿದ್ದಾರೆ. ಹೆಂಡತಿ ಎಂದರೆ ಹೀಗಿರಬೇಕು ಎನ್ನುವಂತೆ ನಟಿಸಿದ್ದಾರೆ. ಆಮಾನಿ ಅವರು ಮಿಸ್ಟರ್ ಪೆಲ್ಲಂ, ಶುಭಲಗ್ನಂ, ಜಂಬಲಕಿಡಿ ಪಂಬ, ಶುಭ ಸಂಕಲ್ಪಂ ಮುಂತಾದ ಅನೇಕ ಹಿಟ್ ಸಿನಿಮಾಗಳಲ್ಲಿ ನಟಿಸಿದ್ದಾರೆ.

ಮೊದಲು ತಮಿಳಿನಲ್ಲಿ ಕೆಲವು ಚಿತ್ರಗಳಲ್ಲಿ ನಟಿಸಿದ ಆಮನಿ ನಂತರ 'ಜಂಬಲಕಿಡಿ ಪಂಬ' ಚಿತ್ರದ ಮೂಲಕ ಟಾಲಿವುಡ್​ಗೆ ಎಂಟ್ರಿ ಕೊಟ್ಟಿದ್ದರು. ಇವಿವಿ ಸತ್ಯನಾರಾಯಣ ಸಿನಿಮಾ ಮೂಲಕ ತೆಲುಗು ಪ್ರೇಕ್ಷಕರಿಗೆ ಪರಿಚಯವಾದ್ರು ಅಮಾನಿ ಈ ಚಿತ್ರದಲ್ಲಿ ತಾನು ನಿರ್ವಹಿಸಿದ ಪಾತ್ರದ ಬಗ್ಗೆ ಈಗ ಮಾತಾಡಿದ್ದಾರೆ.

ಇತ್ತೀಚಿನ ಸಂದರ್ಶನವೊಂದರಲ್ಲಿ ಆಮನಿ ತಮ್ಮ ಸಿನಿಮಾಗೆ ಸಂಬಂಧಿಸಿದ ಹಲವು ವಿಷಯಗಳನ್ನು ಹಂಚಿಕೊಂಡಿದ್ದಾರೆ. ತನ್ನ ವೃತ್ತಿಜೀವನದಲ್ಲಿ ತಾನು ಎದುರಿಸಿದ ಕಷ್ಟಗಳು ಮತ್ತು ಅವಮಾನಗಳನ್ನು ಆಕೆ ನೆನಪಿಸಿಕೊಂಡಿದ್ದಾರೆ. ಜಂಬಲಕಿಡಿ ಪಂಬ ಚಿತ್ರದಲ್ಲಿ ನರೇಶ್ ಜೊತೆಗಿನ ಸೀನ್ ಬಗ್ಗೆ ಮಾತಾಡಿದ್ದಾರೆ.

ಈ ಸಿನಿಮಾದಲ್ಲಿ ಹಿರಿಯ ನಟ ನರೇಶ್ ನಾಯಕ ನಟರಾಗಿದ್ರು. ಸಿನಿಮಾದಲ್ಲಿ ಡ್ರಿಂಕ್ಸ್ ಮಾಡುವ ದೃಶ್ಯವಿತ್ತು. ನಟ ನಿಜವಾಗಿಯೇ ಡ್ರಿಂಕ್ಸ್ ಕುಡಿದು ನಟನೆ ಮಾಡಿದ್ರು. ಜಂಬಲಕಿಡಿ ಪಂಬಾ ಸಿನಿಮಾದಲ್ಲಿ ಡ್ರಗ್ ಸೀನ್ ಇರುತ್ತೆ ಅಂತ ಹೇಳಲೇ ಇಲ್ಲ. ಶೂಟಿಂಗ್ ಸ್ಪಾಟ್ ಗೆ ಹೋದ ಮೇಲೆ ಆ ಸೀನ್ ಮಾಡೋದು ಬೇಡ ಎಂದು ಆಮನಿ ಹೇಳಿದ್ದಾರೆ.

ಬಾಟಲಿಯಲ್ಲಿ ಕೂಲ್ ಡ್ರಿಂಕ್ ಕೊಡ್ತಾರೆ ಎಂದುಕೊಂಡೆ. ಆದರೆ ನರೇಶ್ ನಿಜವಾದ ಬಿಯರ್ ಕೊಟ್ಟರು. ನಿರ್ದೇಶಕರು ಒಂದು ಶಾಟ್ ಹೇಳಿದರು. ಆಗ ನಾಯಕ ನರೇಶ್ ಕೂಡ ಬಿಯರ್ ಕುಡಿದೇ ನಟಿಸಿದ್ರು. ನಾನು ಕೂಡ ಬಿಯರ್ ಕುಡಿದೆ ನಟನೆ ಮಾಡಿದ್ದೇನೆ ಎಂದು ಆಮನಿ ಹೇಳಿದ್ದಾರೆ.

ಚಿತ್ರರಂಗಕ್ಕೆ ಬಂದ ವೇಳೆ ನನಗೆ ಕೆಲವರು ಹೊಸಬರು ಅಂತ ಸಾಕಷ್ಟು ತೊಂದರೆ ಕೊಟ್ಟಿದ್ದಾರೆ ಎಂದೂ ಆಮಣಿ ಹೇಳಿದ್ದಾರೆ. ಒಮ್ಮೊಮ್ಮೆ ನಾನು ತಪ್ಪಾದ ಹಾದಿ ಆಯ್ಕೆ ಮಾಡಿಕೊಂಡಿದ್ದೇನೆ ಎನಿಸತೊಡಗಿತ್ತು ಎಂದು ಆಮನಿ  ಹೇಳಿದ್ದಾರೆ.

ಬೇಡಿಕೆ ನಟಿಯಾಗಿದ್ದ ಟೈಮ್​ನಲ್ಲೇ ಮದುವೆಯಾಗಿ ಕೆಲ ವರ್ಷಗಳ ಕಾಲ ಚಿತ್ರರಂಗದಿಂದ ದೂರ ಉಳಿದಿದ್ದ ಆಮನಿ, ಚಂದಮಾಮ ಕಥೆಗಳು ಚಿತ್ರದ ಮೂಲಕ 2ನೇ ಇನ್ನಿಂಗ್ಸ್ ಆರಂಭಿಸಿದ್ದರು. ಸದ್ಯ ಅವರಿಗೆ ಕ್ಯಾರೆಕ್ಟರ್ ಆರ್ಟಿಸ್ಟ್ ಆಗಿ ಒಳ್ಳೆಯ ಅವಕಾಶಗಳು ಬರುತ್ತಿವೆ.