Satish Kaushik: ವಿವಾಹಿತನಿಂದ ಗರ್ಭಿಣಿಯಾಗಿದ್ದ ಸ್ಟಾರ್ ನಟಿ! ಡೋಂಟ್ ವರಿ, ನಾನು ನಿನ್ನ ಮದ್ವೆಯಾಗ್ತೀನಿ ಎಂದಿದ್ರು ಸತೀಶ್ ಕೌಶಿಕ್

ಬಾಲಿವುಡ್​ನ ಖ್ಯಾತ ನಟ ನಿಧನರಾಗಿದ್ದಾರೆ. ಸತೀಶ್ ಕೌಶಿಕ್ ಹೃದಯಾಘಾತದಿಂದ ಮೃತಪಟ್ಟಿದ್ದಾರೆ. ಆದರೆ ಅವರ ಕುರಿತು ಕೆಲವು ಆಸಕ್ತಿಯ ಸಂಗತಿಗಳು ಈಗ ವೈರಲ್ ಆಗಿವೆ. ಸತೀಶ್ ಎಷ್ಟೋ ಸಹ ಕಲಾವಿದರಿಗೆ ಆಪ್ತ ಸ್ನೇಹಿತರಾಗಿದ್ದರು. ಅವರಲ್ಲಿ ನಟಿ ನೀನಾ ಗುಪ್ತಾ ಕೂಡಾ ಒಬ್ಬರು.

ಸತೀಶ್ ಕೌಶಿಕ್ ಹಾಗೂ ನಟ ಅನುಪಮ್ ಖೇರ್ ನಡುವಿನ ಬಾಂಡಿಗ್ ಎಲ್ಲರಿಗೂ ಗೊತ್ತು. ಆದರೆ ಸತೀಶ್ ಕೌಶಿಕ್ ಅವರಲ್ಲಿ ಮದುವೆ ಪ್ರಸ್ತಾಪ ಮಾಡಿದ ವಿಚಾರ ನಿಮಗೆ ಗೊತ್ತೇ? ಇದು ಇವರಿಬ್ಬರ ಸಂಬಂಧದ ಸೀಕ್ರೆಟ್.

ನೀನಾ ಗುಪ್ತಾ ಗರ್ಭಿಣಿ ಎಂದು ತಿಳಿದಾಗ ಕೌಶಿಕ್ ಅವರು 1989ರಲ್ಲಿಯೇ ನಾನು ನಿನ್ನನ್ನು ಮದುವೆಯಾಗುತ್ತೇನೆ ಎಂದಿದ್ದರು. ನೀನಾ ಅವರು ಒಬ್ಬಂಟಿ ತಾಯಿಯಾಗಿ ಮಗುವನ್ನು ಬೆಳೆಸಬೇಕಾದ ಪರಿಸ್ಥಿತಿ ಇತ್ತು.

ನೀನಾ ಗುಪ್ತಾ ಅವರು ಸಿಂಗಲ್ ಆಗಿ ಮಗುವನ್ನು ಬೆಳೆಸುವವರಿದ್ದರು. ಆ ಸಂದರ್ಭದಲ್ಲಿ ಮದುವೆಯಾಗಿ ಆ ಮಗು ತನ್ನದೇ ಎಂದು ಜವಾಬ್ದಾರಿ ತೆಗೆದುಕೊಳ್ಳಲು ಮುಂದೆ ಬಂದಿದ್ದರಂತೆ ಸತೀಶ್. ಇದನ್ನು ನಟಿ ತಮ್ಮ ಪುಸ್ತಕದಲ್ಲಿ ರಿವೀಲ್ ಮಾಡಿದ್ದಾರೆ.

ಡೋಂಟ್ ವರಿ. ಮಗು ಗಾಢ ಬಣ್ಣದ ಚರ್ಮದಲ್ಲಿ ಹುಟ್ಟಿದರೂ ಆ ಮಗು ನನ್ನದು ಎಂದು ನೀನು ಹೇಳಬಹುದು. ನಾವು ಮದುವೆಯಾಗುವ. ಯಾರಿಗೂ ಡೌಟ್ ಬರದು ಎಂದು ಗರ್ಭಿಣಿಯಾಗಿದ್ದ ನೀನಾಗೆ ಧೈರ್ಯಹೇಳಿದ್ದರು ಎಂದು ನೀನಾ ರಿವೀಲ್ ಮಾಡಿದ್ದಾರೆ. ಬಾಂಬೆ ಟೈಮ್ಸ್ ಜೊತೆಗಿನ ಇಂಟರ್​ವ್ಯೂನಲ್ಲಿ ಸತೀಶ್ ಇದನ್ನು ದೃಢಪಡಿಸಿದ್ದರು. ನೀನಾಳನ್ನು ಒಬ್ಬಂಟಿಯಾಗಿ ಬಿಡಲು ನಾನು ಸಿದ್ಧನಿರಲಿಲ್ಲ ಎಂದು ನೆನಪಿಸಿಕೊಂಡಿದ್ದರು.

ಆ ಸಮಯದಲ್ಲಿ ಒಬ್ಬ ಯುವತಿ ಮದುವೆಯಾಗದೇ ಮಗುವನ್ನು ಹೆರಲು ಸಿದ್ಧಳಾಗಿದ್ದನ್ನು ನಾನು ಪ್ರಶಂಸಿದ್ದೆ. ಆದರೆ ನಾನೊಬ್ಬ ಗೆಳೆಯನಾಗಿ ಅವರಿಗೆ ಧೈರ್ಯ, ವಿಶ್ವಾಸ ತುಂಬಲು ಬಯಸಿದ್ದೆ ಎಂದಿದ್ದಾರೆ.

ನೀವು ನೀನಾ ಅವರ ಪುಸ್ತಕದಲ್ಲಿ ಏನು ಓದುತ್ತೀರೋ ಅದೆಲ್ಲವೂ ಅವರ ಸ್ನೇಹಿತನಾಗಿ ನಾನು ತೋರಿಸಿದ ಆತ್ಮೀಯತೆಯಾಗಿತ್ತು. ತಾನು ಒಬ್ಬಂಟಿ ಎಂದು ಆಕೆ ಫೀಲ್ ಮಾಡದಿರಲಿ ಎಂದು ನಾನು ಬಯಸಿದ್ದೆ. ಸ್ನೇಹಿತರು ಇರುವುದೇ ಅದಕ್ಕೆ ಅಲ್ಲವೇ ಎಂದು ಪ್ರಶ್ನಿಸಿದ್ದರು ಸತೀಶ್.

ನಾನು ಮದುವೆಯಾಗುತ್ತೇನೆ ಎಂದಾಗ ಅಲ್ಲಿ ಹಾಸ್ಯ ತುಂಬಿತ್ತು, ಗೌರವವಿತ್ತು, ಕಾಳಜಿ ಇತ್ತು, ಸಪೋರ್ಟ್ ಇತ್ತು. ನಾನಿದ್ದೀನಲ್ಲ, ನೀನ್ಯಾಕೆ ಚಿಂತೆ ಮಾಡುತ್ತೀ ಎಂದು ಕೇಳಿದ್ದರು ಸತೀಶ್. ಗೆಳೆಯನ ಮಾತಿಗೆ ಕಣ್ತುಂಬಿಕೊಂಡಿದ್ದರು ನೀನಾ ಗುಪ್ತಾ. ಅಲ್ಲಿಂದ ಅವರ ಗೆಳೆತನ ಮತ್ತಷ್ಟು ಗಟ್ಟಿಯಾಗಿತ್ತು.

ಸತೀಶ್ ಅವರು ಹೃದಯಾಘಾತದಿಂದ ಮೃತಪಟ್ಟಿದ್ದಾರೆ. ಈ ವಿಚಾರವನ್ನು ಅವರ ಗೆಳೆಯ ಅನುಪಮ್ ಖೇರ್ ಟ್ವೀಟ್ ಮೂಲಕ ರಿವೀಲ್ ಮಾಡಿದ್ದಾರೆ.

ಸತೀಶ್ ಅವರು ಕುಂದನ್ ಶಾ ಅವರ ಜಾನೆ ಭೀ ದೋ ಯಾರೋ ಮೂಲಕ ಕೆರಿಯರ್ ಆರಂಭಿಸಿದ್ದರು. ನಂತರ ವೋ 7 ದಿನ್, ಉಡ್ತಾ ಪಂಜಾಬ್, ಭಾಗಿ 3, ಶರ್ಮಾಜಿ ನಮ್ಕೀನ್, ಥಾರ್​ನಲ್ಲಿ ನಟಿಸಿದ್ದರು.

ಅವರ ಅಗಲಿಕೆ ಇಂಡಸ್ಟ್ರಿಗೆ ದೊಡ್ಡ ಆಘಾತವಾಗಿದೆ. ಕಂಗನಾ ಅವರ ಎಮರ್ಜೆನ್ಸಿಯಲ್ಲಿಯೂ ಸತೀಶ್ ನಟಿಸಿದ್ದರು. ಸಿನಿಮಾ ರಿಲೀಸ್ ಆಗುವ ಮುನ್ನವೇ ನಟ ಅಗಲಿದ್ದಾರೆ.

ನಟಿ ನೀನಾ ಗುಪ್ತಾ ಅವರು ಇತ್ತೀಚೆಗೆ ಮಗಳು ಮಸಾಬಾ ಅವರ ಮದುವೆ ಮಾಡಿದ್ದರು. ನೀನಾ ಈಗಲೂ ಸಿನಿಮಾಗಳಲ್ಲಿ ಸಕ್ರಿಯರಾಗಿದ್ದಾರೆ.