Gouthami Jadav: ನಯನತಾರಾ ಮದುವೆ ಲುಕ್​ ರೀ ಕ್ರಿಯೇಟ್ ಮಾಡಿದ ಗೌತಮಿ ಜಾದವ್, ಹೇಗಿದೆ ನೀವೂ ನೋಡಿ

ಳೆದ ಐದು ವರ್ಷಗಳಿಂದ ಪ್ರೀತಿಯಲ್ಲಿದ್ದ ನಯನತಾರಾ ಜೂನ್ 9ರಂದು ಹಸೆಮಣೆ ಏರಿದ್ದರು. ನಯನತಾರಾ ಅವರ ಪ್ರೀತಿ ಮತ್ತು ಮದುವೆ ಸುದ್ದಿಗಳು ಯಾವಾಗಲೂ ನೆಟ್ನಲ್ಲಿ ಟ್ರೆಂಡಿಂಗ್ ಆಗಿರುತ್ತದೆ. ನಯನತಾರಾ ವಿಘ್ನೇಶ್ ಅವರ ಲವ್ ಸ್ಟೋರಿ ಮತ್ತು ಮದುವೆಯ ಬಗ್ಗೆ ಲೆಕ್ಕವಿಲ್ಲದಷ್ಟು ಸುದ್ದಿಗಳಿವೆ. ಹಾಗೆಯೆ ಅವರ ಮದುವೆಯ ಲುಕ್ ಕೂಡ ಫುಲ್ ಟ್ರೆಂಡಿಂಗ್ ಇದೆ.

ಇದೀಗ ಸತ್ಯ ಧಾರಾವಾಹಿಯ ಗೌತಮಿ ಜಾದವ್ ಈ ಲುಕ್​ ಅನ್ನು ರೀ ಕ್ರಿಯೇಟ್ ಮಾಡಿದ್ದು, ಕೆಂಪು ಸೀರೆಯಲ್ಲಿ ಸುಂದರವಾಗಿ ಕಾಣುತ್ತಿದ್ದಾರೆ. ನಟಿಯ ಈ ಫೋಟೋಗಳು ಫುಲ್ ವೈರಲ್ ಆಗಿದ್ದು, ಅಭಿಮಾನಿಗಳು ಕಾಮೆಂಟ್​ ಮಾಡುತ್ತಿದ್ದಾರೆ.

ಗೌತಮಿಗೆ ನಯನತಾರಾ ಎಂದರೆ ಬಹಳ ಇಷ್ಟವಂತೆ. ಅಲ್ಲದೇ, ಗೌತಮಿ ವೆರೈಟಿ ಲುಕ್​ನಲ್ಲಿ ಆಗಾಗ ಫೋಟೋಶೂಟ್​ ಮಾಡಿಸುತ್ತಾರೆ. ಇದೀಗ ತಮ್ಮ ಫೇವರೇಟ್ ಹೀರೋಯಿನ್​ ಲುಕ್​ನಲ್ಲಿ ರೆಡಿಯಾಗಿ ಪೋಸ್​ ಕೊಟ್ಟಿದ್ದಾರೆ.

ಡಾರ್ಕ್ ರೆಡ್​ ಸೀರೆಯಲ್ಲಿ ನಟಿ ಮಿಂಚಿದ್ದು, ಅದಕ್ಕೆ ಗ್ರೀನ್ ಬಣ್ಣದ ಆಭರಣಗಳನ್ನು ಧರಿಸಿದ್ದಾರೆ. ನಯನತಾರಾ ಮದುವೆ ದಿನ ಹೇಗೆ ಕಾಣುತ್ತಿದ್ದರೋ ಅದೇ ಲುಕ್​ನಲ್ಲಿ ಗೌತಮಿ ಕಾಣಿಸಿಕೊಂಡಿದ್ದಾರೆ.

ಗೌತಮಿ ಆಗಾಗ ವಿಭಿನ್ನ ರೀತಿಯಲ್ಲಿ ಫೋಟೋಶೂಟ್​ ಮಾಡಿಸುತ್ತಾರೆ. ಸಾಂಪ್ರದಾಯಿಕ ಉಡುಪಿನಿಂದ ಹಿಡಿದು ವೆಸ್ಟರ್ನ್​ ಲುಕ್​ ಹೀಗೆ ಎಲ್ಲದರಲ್ಲೂ ನಟಿ ಬಹಳ ಸುಂದರವಾಗಿ ಕಾಣುತ್ತಾರೆ. ಅವರ ಫೋಟೋಗಳು ಸಹ ವೈರಲ್ ಆಗುತ್ತದೆ.

ಸತ್ಯ ಇದೀಗ ಪ್ರತಿದಿನ ಹೊಸ ತಿರುವುಗಳ ಮೂಲಕ ಪ್ರೇಕ್ಷಕರನ್ನು ರಂಜಿಸುತ್ತದೆ. ಅಮೂಲ್ ಬೇಬಿ ಕಾರ್ತಿಕ್ ಜೊತೆ ಸತ್ಯಳ ಮದುವೆಯಾಗಿ ಇದೀಗ ಸತ್ಯ ಕೋಟೆ ಮನೆಯ  ಸೊಸೆಯಾಗಿದ್ದಾಳೆ. ಕೋಟೆ ಮನೆಯ ಆಚಾರ ವಿಚಾರ ಸಂಸ್ಕೃತಿಯ ಬಗ್ಗೆ ಏನು ತಿಳಿಯದ ಸತ್ಯ ಅಲ್ಲಿ  ಹಲವಾರು ಸವಾಲುಗಳನ್ನು ಅನುಭವಿಸುತ್ತಿದ್ದಾಳೆ.

ಸತ್ಯ ಎಲ್ಲದಕ್ಕೂ 'ಡೋಂಟ್ ಕೇರ್' ಎನ್ನುವ ಟಾಮ್ ಬಾಯ್ ಶೈಲಿಯ ಹುಡುಗಿ. ಪ್ರತಿ ತಾಯಿಯೂ ತನ್ನ ಮಗಳು ಹೀಗಿರಬೇಕೆಂದು ಬಯಸುವ ವಿಶಿಷ್ಠ ಪಾತ್ರ ಸತ್ಯಳದ್ದು. ನೋಟದಲ್ಲಿ ರಫ್ ಆಂಡ್ ಟಫ್ ಇರುವ ಸತ್ಯ ವಾಸ್ತವದಲ್ಲಿ ತುಂಬಾ ಒಳ್ಳೆಯ ನಡತೆ ಇದ್ದೂ ಎಲ್ಲರಿಗೂ ಸಹಾಯ ಮಾಡುವ ಮನಸ್ಥಿತಿಯುಳ್ಳ ಹುಡುಗಿ.

ಯಾವುದೇ ಪರಿಸ್ಥಿತಿಯಲ್ಲೂ ತಲೆ ಬಾಗದ ದಿಟ್ಟ ಹೆಣ್ಣು ಮಗಳು ಆಕೆ. ಟಾಮ್ ಬಾಯ್ ಎಂದರೆ ಸಾಮಾನ್ಯ ಹುಡುಗಿಯರು ಅಸಾಮಾನ್ಯ ಕೆಲಸ ಮಾಡುವವರು. ಸತ್ಯ ಕೂಡ ಅಂತಹ ಒಬ್ಬಳು ಟಾಮ್ ಬಾಯ್! ಅವಳು ತನ್ನ ತಂದೆ ಮರಣಿಸುತ್ತಿದ್ದಾಗ ತಂದೆಗೆ ನೀಡಿದ ಮಾತಿನಂತೆ ಕುಟುಂಬದ ಜವಾಬ್ದಾರಿ ತೆಗೆದುಕೊಳ್ಳುವ ದಿಟ್ಟ ಹಾಗೂ ಭಯವಿಲ್ಲದ ಯುವತಿ. ಆದರೆ ಈಗ ಗೃಹಿಣಿಯಾಗಿದ್ದು ಮುಮದೆ ಕಥೆಗೆ ಏನು ಟ್ವಿಸ್ಟ್​ ಸಿಗಲಿದೆ ನೋಡಬೇಕು.