Sathish Ninasam: ಸತೀಶ್​ ನೀನಾಸಂ ಸಿನಿ ಜೀವನದಲ್ಲಿ ನಿನ್ನೆ ಮರೆಯಲಾಗದ ದಿನವಂತೆ..!

ಸತೀಶ್​ ನೀನಾಸಂ ಸದ್ಯ ಮೈಸೂರಿನಲ್ಲಿ ಚಿತ್ರೀಕರಣದಲ್ಲಿ ಬ್ಯುಸಿಯಾಗಿದ್ದಾರೆ.

ಹರಿಪ್ರಿಯಾ ನಾಯಕಿಯಾಗಿ ನಟಿಸುತ್ತಿರುವ ಪೆಟ್ರೋಮ್ಯಾಕ್ಸ್​ ಸಿನಿಮಾದ ಚಿತ್ರೀಕರಣದ ಬರದಿಂದ ಸಾಗುತ್ತಿದೆ.

ಇದರ ನಡುವೆಯೇ ಅವರ ಬಹು ನಿರೀಕ್ಷಿತ ಸಿನಿಮಾ ದಸರಾ ಚಿತ್ರದ ಚಿತ್ರೀಕರಣಕ್ಕೂ ಕಿಕ್​ ಸ್ಟಾರ್ಟ್​ ಸಿಕ್ಕಿದೆ.

ಇತ್ತೀಚೆಗಷ್ಟೆ ರಚಿತಾ ರಾಮ್​ ಜೊತೆಯಾಗಿರುವ ಮ್ಯಾಟ್ನಿ ಹಾಗೂ ಹರಿಪ್ರಿಯಾ ಅವರೊಂದಿಗೆ ನಟಿಸುತ್ತಿರುವ ಪೆಟ್ರೋಮ್ಯಾಕ್ಸ್​ ಸಿನಿಮಾಗಳ ಚಿತ್ರೀಕರಣ ಒಂದೇ ದಿನ ಆರಂಭವಾಗಿತ್ತು.

ಈಗ ಈ ಎರಡು ಸಿನಿಮಾಗಳ ಜೊತೆಗೆ ದಸರಾ ಸಹ ಸೇರಿಕೊಂಡಿದೆ. ಈ ಮೂರು ಸಿನಿಮಾಗಳ ಚಿತ್ರೀಕರಣ ಏಕ ಕಾಲದಲ್ಲಿ ನಡೆಯುತ್ತಿದೆ.

ಈ ವಿಷಯವನ್ನು ಸಾಮಾಜಿಕ ಜಾಲತಾಣದಲ್ಲಿ ಸತೀಶ್​ ನೀನಾಸಂ ಖುಷಿಯಿಂದ ಹಂಚಿಕೊಂಡಿದ್ದಾರೆ.

ಇಂದು ನನ್ನ ವೃತ್ತಿ ಜೀವನದಲ್ಲಿ ಮರೆಯಲಾಗದ ದಿನ. ನನ್ನ ಮೂರು ಚಿತ್ರಗಳ, ಚಿತ್ರೀಕರಣ ಒಂದೇ ದಿನದಲ್ಲಿ ನಡೆಯುತ್ತಿದೆ ನಟ ಸತೀಶ್ ನಿನ್ನೆ​ ಪೋಸ್ಟ್​ ಮಾಡಿದ್ದಾರೆ.

'ಮ್ಯಾಟ್ನಿ' ಮತ್ತು 'ದಸರಾ' ಬೆಂಗಳೂರಿನಲ್ಲಿ ಚಿತ್ರೀಕರಿಸುತ್ತಿದ್ದರೇ, ಮೈಸೂರಿನಲ್ಲಿ 'ಪೆಟ್ರೊಮ್ಯಾಕ್ಸ್​' ಚಿತ್ರದ ಚಿತ್ರೀಕರಣ ನಡೆಯುತ್ತಿದೆ. ಈ ಸೌಭಾಗ್ಯ ದೊರಕಲು ಇಷ್ಟು ವರ್ಷದ ನಿಮ್ಮ ಪ್ರೀತಿ ಕಾರಣ. ಲವ್ ಯೂ ಆಲ್... ಎಂದು ಖುಷಿ ಹಂಚಿಕೊಂಡಿದ್ದಾರೆ ಈ ನಟ.

ಮನೋಹರ್​ ಕಾಂಪಲ್ಲಿ, ರಚಿತಾ ರಾಮ್​ ಹಾಗೂ ಸತೀಶ್​ ಕಾಂಬಿನೇಷನ್​ನಲ್ಲಿ ಮೂಡಿಬರುತ್ತಿರುವ ಸಿನಿಮಾ ಮ್ಯಾಟ್ನಿ.

ದಸರಾ ಸಿನಿಮಾವನ್ನು ಅರವಿಂದ್​ ಶಾಸ್ತ್ರಿ ನಿರ್ದೇಶಿಸುತ್ತಿದ್ದಾರೆ.

ದಸರಾ ಸಿನಿಮಾದಲ್ಲಿ ಶರ್ಮಿಳಾ ಮಾಂಡ್ರೆ ಹಾಗೂ ರುಕ್ಮಿಣಿ ವಿಜಯ್​ ಕುಮಾರ್ ಸತೀಶ್​ ಅವರಿಗೆ ಜೊತೆಯಾಗಿದ್ದಾರೆ.

ನಟ ಸತೀಶ್​ ನೀನಾಸಂ