Ankita Kundu: ಬೋಲ್ಡ್ ಡ್ರೆಸ್ ಧರಿಸಿದ್ದ ಸರಿಗಮಪ ಅಂಕಿತಾ ಕುಂಡು ಟ್ರೋಲ್!

ಸರಿಗಮಪ ಲಿಟಲ್ ಚಾಂಪಿಯನ್ ಶೋ ನೋಡಿದವರು ಅಂಕಿತಾ ಕುಂಡು ಅವರನ್ನು ಮರೆಯಲು ಸಾಧ್ಯವಿಲ್ಲ. ಪಶ್ಚಿಮ ಬಂಗಾಳದ ಈ ಹುಡುಗಿ ಸುಮಧುರವಾಗಿ ಕನ್ನಡದಲ್ಲಿ ಹಾಡಿ ಕನ್ನಡಿಗರ ಮನಸು ಗೆದ್ದಿದ್ದಾರೆ. ಭಾಷೆಯ ತಡೆಯ ಹೊರತಾಗಿಯೂ ಅಂಕಿತಾ ಎಲ್ಲರ ಮನಸು ಗೆದ್ದರು.

ಅಂಕಿತಾ ಸುಶ್ರಾವ್ಯವಾಗಿ ಹಾಡುವುದನ್ನು ಕೇಳಿ ಅವರ ಅಭಿಮಾನಿಗಳ ಸಂಖ್ಯೆ ಹೆಚ್ಚಾಯಿತು. ಅವರ ಹಾಡುಗಳೂ ಫೇಮದ್ ಆದವು. ರಿಯಾಲಿಟಿ ಶೋನಲ್ಲಿ ಫೈನಲ್ ತನಕವೂ ತಲುಪಿದ್ದಾರೆ ಈ ಸುಂದರಿ.

ಆದರೆ ನಂತರ ಅಂಕಿತಾ ಕುಂಡು ಅವರ ಲುಕ್ ಕಂಪ್ಲೀಟ್ ಚೇಂಜ್ ಆಯಿತು. ಅಂಕಿತಾ ಅವರು ಹೇರ್ ಕಟ್ ಮಾಡಿಸಿಕೊಂಡು ಟಾಮ್ ಬಾಯ್ ಲುಕ್​ನಲ್ಲಿಯೇ ಕಾಣಿಸಿಕೊಳ್ಳಲಾರಂಭಿಸಿದರು. ಅವರ ಹೇರ್​ಸ್ಟೈಲ್ ಡ್ರೆಸ್ಸಿಂಗ್​ ಎಲ್ಲವೂ ಬದಲಾಯಿತು.

ಇತ್ತೀಚೆಗೆ ಅಂಕಿತಾ ಒಂದು ಸ್ಟ್ರೈಪ್ ಸ್ಲೀವ್ ಇರುವಂತಹ ಕ್ರಾಪ್​ಟಾಪ್ ಧರಿಸಿ ಕ್ಯಾಮೆರಾಗೆ ಪೋಸ್ ಕೊಟ್ಟರು. ಪ್ಯಾಂಟ್ ಧರಿಸಿ ಅದರ ಮೇಲೆ ಚಿಕ್ಕ ಕ್ರಾಪ್ ಟಾಪ್ ಧರಿಸಿದ್ದರು ಅಂಕಿತಾ.

ಆದರೆ ಅಂಕಿತಾ ಅವರ ಈ ಲುಕ್ ಭಾರೀ ಟ್ರೋಲ್ ಆಗಿದೆ. ಅವರ ಕನ್ನಡ ಅಭಿಮಾನಿಗಳು ಅವರ ಈ ಲುಕ್ ಬಗ್ಗೆ ಟ್ರೋಲ್ ಮಾಡಿ ಹೀಗೆಲ್ಲಾಮಾಡ್ತಾರಾ ಎಂದು ಪ್ರಶ್ನೆ ಕೇಳುತ್ತಿದ್ದಾರೆ.

ಹೇಗಿದ್ದವಳು ಹೇಗಾದಳು. ಮೊದಲಿನ ಲುಕ್ ಇಲ್ಲ ಆ ಮೇಕಪ್ ಬಟ್ಟೆ ಯಾವುದು ಒಪ್ಪಿಲ್ಲ. ಹೆಸರಿದೆ, ಪ್ರತಿಭೆ ಇದೆ ಉಳಿಸಿಕೊಳ್ಳುವ ಪ್ರಯತ್ನ ಮಾಡಿ ಎಂದು ನೆಟ್ಟಿಗರು ಕಮೆಂಟ್ ಮಾಡಿದ್ದಾರೆ.

ಮುಂದಿನ ರಶ್ಮಿಕ ಆಗ್ತಾಳೋ ಏನೋ? ಎಂದು ಇನ್ನೊಬ್ಬರು ಕಮೆಂಟ್ ಮಾಡಿದ್ದಾರೆ. ಇನ್ನೂ ಕೆಲವರು ನಮ್ಮ ಕನ್ನಡ ಸಂಸ್ಕೃತಿಯನ್ನು ಹಾಳುಮಾಡಬೇಡ ಎಂದು ಕಮೆಂಟ್ ಮಾಡಿದ್ದಾರೆ.

ಬರ್ತಾ ಬರ್ತಾ ಕುದುರೆ ಕತ್ತೆ ಆಯ್ತು ಎಂದಿದ್ದಾರೆ ಒಬ್ಬರು. ಯಾವಾಗಲೂ ಸಂಸ್ಕೃತಿಯನ್ನು ಪಾಲಿಸು ಆಗ ಸಂಸ್ಕೃತಿ ನಿನ್ನನ್ನು ಪಾಲಿಸುತ್ತೆ ಎಂದಿದ್ದಾರೆ ಇನ್ನೊಬ್ಬರು.

ಈ ರೀತಿ ಕಾಣಿಸಿಕೊಂಡಿದ್ದಕ್ಕಾಗಿ ಬಹಳಷ್ಟು ಜನರು ಅಂಕಿತಾ ಅವರನ್ನು ಟ್ರೋಲ್ ಮಾಡಿದ್ದಾರೆ. ಮಂದ ಬೆಳಕಿನಲ್ಲಿ ಅಂಕಿತಾ ಕ್ಯಾಮೆರಾಗೆ ಪೋಸ್ ಕೊಟ್ಟಿದ್ದಾರೆ.