ಸರ್ವಧರ್ಮ ಸಮಭಾವ ಎನ್ನುತ್ತಲೇ ಈ ಫೋಟೋಗಳನ್ನು ಹಂಚಿಕೊಂಡ Sara Ali Khan

ಸಾರಾ ಅಲಿ ಖಾನ್​... ನವಾಬನ ಮಗಳು ಇತ್ತೀಚೆಗೆ ಸಿನಿಮಾಗಿಂತ ಹೆಚ್ಚಾಗಿ ತಮ್ಮ ಪ್ರವಾಸದಿಂದಲೇ ಸದ್ದು ಮಾಡುತ್ತಿದ್ದಾರೆ. ಹೌದು, ಕೊಂಚ ಬಿಡುವು ಸಿಕ್ಕರೆ ಸಾಕು ಚಾರಣ, ಪ್ರವಾಸ ಅಂತ ಕುಟುಂಬ ಹಾಗೂ ಸ್ನೇಹಿತರ ಜತೆ ಹೊರಟು ಬಿಡುತ್ತಾರೆ.

ಸಾರಾ ಅಲಿ ಖಾನ್​ ಇತ್ತೀಚೆಗಷ್ಟೆ ಕಾಶ್ಮೀರಕ್ಕೆ ಪ್ರವಾಸಕ್ಕೆ ಹೋಗಿದ್ದರು. ಅಲ್ಲಿ ತೆಗೆದ ಚಿತ್ರಗಳನ್ನು ತಮ್ಮ ಇನ್​ಸ್ಟಾಗ್ರಾಂನಲ್ಲಿ ಹಂಚಿಕೊಡಿದ್ದಾರೆ. ಈ ಫೋಟೋಗಳು ನೆಟ್ಟಿಗರ ಮನ ಗೆದ್ದಿವೆ.

ಸಾರಾ ಅಲಿ ಖಾನ್​ ಯಾವ ಜಾಗಕ್ಕೆ ಭೇಟಿ ಕೊಟ್ಟರೂ ಅಲ್ಲಿರುವ ದೇವಾಲಯ, ಮಸೀದಿ ಹಾಗೂ ಇತರೆ ಧಾರ್ಮಿಕ ಸ್ಥಳಗಳಿಗೆ ಹೋಗಿಯೇ ಬರುತ್ತಾರೆ. ಈ ಹಿಂದೆಯೂ ಅವರು ಇಂತಹ ಸಾಕಷ್ಟು ಚಿತ್ರಗಳನ್ನು ಶೇರ್​ ಮಾಡಿದ್ದಾರೆ.

ಈಗಲೂ ಸಹ ಸರ್ವಧರ್ಮ ಸಮಭಾವ ಎಂದು ಶೀರ್ಷಿಕೆ ಕೊಡುವ ಮೂಲಕ ಕೆಲವು ಫೋಟೋಗಳನ್ನು ಸಾರಾ ಶೇರ್​ ಮಾಡಿದ್ದಾರೆ.

ಸಾರಾ ಅವರು ಕಾಶ್ಮೀರಕ್ಕೆ ಹೋದಾಗ ಅಲ್ಲಿ ಮಸೀದಿ, ದೇವಾಲಯ, ಗುರುದ್ವಾರ ಹಾಗೂ ಚರ್ಚ್​ಗೆ ಹೋಗಿ ಪ್ರಾರ್ಥನೆ ಮಾಡಿದ್ದಾರೆ. ಈ ಚಿತ್ರಗಳನ್ನು ಹಂಚಿಕೊಂಡಿರುವ ನಟಿ ಸರ್ವಧರ್ಮ ಸಮಭಾವ ಎಂಬ ಸಂದೇಶ ಸಾರಿದ್ದಾರೆ.

ಸಾರಾ ಅಲಿ ಖಾನ್​ ಅವರು ಈ ಹಿಂದೆ ದೇವಾಲಯಕ್ಕೆ ಭೇಟಿ ನೀಡಿದ್ದ ಫೋಟೋ ಹಂಚಿಕೊಂಡಾಗ ಕೆಲ ನೆಟ್ಟಿಗರು ಟ್ರೋಲ್​ ಮಾಡಿದ್ದರು.

ಸಾರಾ ಅಲಿ ಖಾನ್ ಅವರ ಕೈಯಲ್ಲಿ ಸಾಕಷ್ಟು ಚಿತ್ರಗಳಿವೆ. ತಮ್ಮ ಅಭಿನಯದ ಮೂಲಕ ದೊಡ್ಡ ಅಭಿಮಾನಿ ಬಳಗವನ್ನೇ ಹೊಂದಿದ್ದಾರೆ ಈ ನಟಿ.