Amit Shah ಹುಟ್ಟುಹಬ್ಬಕ್ಕೆ ಟ್ವೀಟ್​ ಮಾಡಿ ಟ್ರೋಲ್​ ಆದ Sara Ali Khan..!

ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ಸಕ್ರಿಯವಾಗಿರುವ ನಟಿ ಸಾರಾ ಅಲಿ ಖಾನ್​ ಅವರು ಆಗಾಗ ಸುದ್ದಿಯಲ್ಲಿರುತ್ತಾರೆ. ಅದು ತಮ್ಮ ಸಿನಿಮಾ, ಫಿಟ್ನೆಸ್ ಹಾಗೂ ಡ್ರೆಸ್​ ವಿಷಯಕ್ಕೆ ಅವರು ಸದ್ದು ಮಾಡುವುದುಂಟು. ಆದರೆ,ಈ ಸಲ ಅವರು ಬೇರೆಯದ್ದೇ ವಿಷಯದಿಂದ ಚರ್ಚೆಯ ವಿಷಯವಾಗಿದ್ದಾರೆ.

ಇನ್​ಸ್ಟಾಗ್ರಾಂನಲ್ಲಿ ಆ್ಯಕ್ಟೀವ್ ಆಗಿರುವ ಸಾರಾ ಅಲಿ ಖಾನ್​ ಟ್ವೀಟ್​ ಮಾಡುವುದು ತುಂಬಾ ವಿರಳ. ಹೀಗಿರುವಾಗ ಈ ನಟಿ ಅಮಿತ್​ ಶಾ ಅವರ ಹುಟ್ಟುಹಬ್ಬಕ್ಕೆ ವಿಶ್​ ಮಾಡಿ ಒಂದು ಟ್ವೀಟ್​ ಮಾಡಿದ್ದಾರೆ.

ಕೇಂದ್ರ ಗೃಹ ಮಂತ್ರಿ ಅಮಿತ್​ ಶಾ ಅವರಿಗೆ ಹುಟ್ಟುಹಬ್ಬದ ಶುಭಾಶಯ ಎಂದು ಬರೆದು ಮಾಡಿದ ಟ್ವೀಟ್​ ನೋಡಿದ ನೆಟ್ಟಿಗರು ಅವರನ್ನು ಟ್ರೋಲ್ ಮಾಡಲಾರಭಿಸಿದ್ದಾರೆ.

ಸಾರಾ ಅಲಿ ಖಾನ್​ ಟ್ವೀಟ್​ ನೋಡಿದ ಕೂಡಲೇ ಸಾಕಷ್ಟು ಮೀಮ್ಸ್​ ಹಾಗೂ ವ್ಯಂಗ್ಯವಾದ ಪೋಸ್ಟ್​ಗಳು ಹರಿದಾಡಲಾರಂಭಿಸಿಚೆ. ಎನ್​ಸಿಬಿ ಭಯವಿದೆಯಾ ಅದಕ್ಕೆ ಈ ಟ್ವೀಟ್​ ಮಾಡಿದ್ದಾ ಎಂದೆಲ್ಲ ನೆಟ್ಟಿಗರು ಪ್ರಶ್ನಿಸುತ್ತಿದ್ದಾರೆ.

ಸಾರಾ ಕಾ ನಾಮ್​ ಕಾಟ್​ ದೋ .... ಅಂದರೆ ಸಾರಾ ಅವರ ಹೆಸರು ತೆಗದು ಹಾಕಿ ಎಂದು ಅಮಿತ್​ ಶಾ ಅವರು ಎನ್​ ಸಿಬಿ ಅಧಿಕಾರಿಗಳಿಗೆ ಹೇಳುತ್ತಿರುವಂತೆ ಮೀಮ್ಸ್​ ಮಾಡಲಾಗುತ್ತಿದೆ.

ಈ ಹಿಂದೆಯೇ ಸಾರಾ ಅಲಿ ಖಾನ್​ ಮಾದಕ ವಸ್ತು ಪ್ರಕರಣದಲ್ಲಿ ವಿಚಾರಣೆ ಎದುರಿಸಿದ್ದಾರೆ. ಗೋವಾದಲ್ಲಿದ್ದ ಸಾರಾ ಆಗ ವಿಚಾರಣೆಗೆಂದು ಮುಂಬೈಗೆ ಬಂದಿದ್ದರು.

ಈಗ ಮತ್ತೆ ಬಾಲಿವುಡ್​ನಲ್ಲಿ ಮಾದಕ ವಸ್ತು ಪ್ರಕರಣದ ವಿಷಯ ಮತ್ತೆ ಸುದ್ದಿಯಲ್ಲಿದ್ದು,ಈ ಪ್ರಕರಣದಲ್ಲಿ ಸ್ಟಾರ್​ ಕಿಡ್ಸ್​ಗಳ ವಿಚಾರಣೆ ನಡೆಯುತ್ತಿದೆ. ಇದೇ ಕಾರಣದಿಂದ ಭಯಪಟ್ಟು ಸಾರಾ ಈಗ ಈ ಟ್ವೀಟ್​ ಮಾಡುವ ಮೂಲಕ ತಾವು ತಪ್ಪಿಸಕೊಳ್ಳಲು ಪ್ರಯತ್ನಿಸುತ್ತಿದ್ದಾರೆ ಎಂದು ಕೆಲವರು ಆರೋಪಿಸುತ್ತಿದ್ದಾರೆ.