Sara Ali Khan: ಬ್ರೇಕಪ್ ನೋವಿನಲ್ಲಿ ಬಾಲಿವುಡ್ ನಟಿ, ಸ್ಟಾರ್​ ಕಿಡ್​ಗೆ ಪ್ರೇಮ ವೈಫಲ್ಯ

ಬಾಲಿವುಡ್ ನಟಿ ಸಾರಾ ಅಲಿ ಖಾನ್ ಅವರು ಇತ್ತೀಚೆಗೆ ತಮ್ಮ ಬ್ರೇಕಪ್ ಬಗ್ಗೆ ಮಾತನಾಡಿದ್ದಾರೆ. ಈವರೆಗೂ ಬ್ರೇಕಪ್ ಲವ್ ಬಗ್ಗೆ ಮಾತನಾಡದ ನಟಿ ಇದೀಗ ಮನಸಿನಲ್ಲಿದ್ದ ನೋವನ್ನು ಬಿಚ್ಚಿಟ್ಟಿದ್ದಾರೆ.

2020ರ ಬಗ್ಗೆ ಮಾತನಾಡಿದ ನಟಿ ಆ ವರ್ಷ ಬ್ರೇಕಪ್​ನಿಂದ ಶುರುವಾಯಿತು ಎಂದು ಹೇಳಿದ್ದಾರೆ. ಆದರೆ ವ್ಯಕ್ತಿಯ ಹೆಸರು ರಿವೀಲ್ ಮಾಡಿಲ್ಲ. ಆ ವರ್ಷ ನಟಿ ತಾವು ಅನುಭವಿಸಿದ ನೋವಿನ ಬಗ್ಗೆ ತಿಳಿಸಿದ್ದಾರೆ. ತನ್ನ ಸ್ಥಿತಿ ಕೆಡುತ್ತಲೇ ಇತ್ತು ಎಂದಿದ್ದಾರೆ.

2020ರಲ್ಲಿ ಸಾರಾ ಅಲಿ ಖಾನ್ ಅವರು ಕಾರ್ತಿಕ್ ಆರ್ಯನ್ ಜೊತೆ ಲವ್ ಆಜ್​ ಕಲ್ 2 ಹಾಗೂ ವರುಣ್ ಧವನ್ ಜೊತೆ ಕೂಲಿ ನಂಬರ್ 1 ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದರು. ಎರಡೂ ಸಿನಿಮಾ ದೊಡ್ಡ ಸದ್ದೇನೂ ಮಾಡಲಿಲ್ಲ.

ಸಾರಾ ಅಲಿ ಖಾನ್ ಕಾರ್ತಿಕ್ ಆರ್ಯನ್ ಜೊತೆ ಡೇಟ್ ಮಾಡುತ್ತಿದ್ದರು ಎನ್ನಲಾಗಿತ್ತು. ಅವರು ಆ ಕುರಿತು ಏನೂ ಹೇಳದಿದ್ದರೂ 2020 ಫೆಬ್ರವರಿಯಲ್ಲಿ ಅವರ ಸಿನಿಮಾ ರಿಲೀಸ್ ಆಗುವ ಮೊದಲೇ ಬ್ರೇಕಪ್ ಮಾಡಿಕೊಂಡಿದ್ದಾರೆ ಎನ್ನಲಾಗಿದೆ.

2020ರ ಬಗ್ಗೆ ಮಾತನಾಡಿದ ಸಾರಾ ಅಲಿ ಖಾನ್ ಅದು ನನ್ನ ಬದುಕಿನ ಕೆಟ್ಟ ಸಮಯ ಎಂದಿದ್ದಾರೆ. ಆ ವರ್ಷ ಬ್ರೇಕಪ್​ನಿಂದ ಶುರುವಾಯ್ತು ಎಂದಿದ್ದಾರೆ. ಸಿನಿಮಾ ಹೆಚ್ಚು ಟ್ರೋಲ್ ಆದರೂ ಆಕೆಯ ಪರ್ಸನಲ್ ಲೈಫ್ ಸಮಸ್ಯೆಗಳೇ ಇದ್ದ ಕಾರಣ ಆ ಟೀಕೆಗಳು ಅಷ್ಟು ಬಾಧಿಸಿಲ್ಲ ಎಂದಿದ್ದಾರೆ.

ಕೆಲವೊಮ್ಮೆ ನಿಮ್ಮನ್ನು ಟ್ರೋಲ್ ಮಾಡಿದ್ದರಲ್ಲಿ ಅರ್ಥ ಇದೆ ಎಂದು ನಿಮಗೆ ತಿಳಿದಾಗ ಅದು ನೋವುಂಟು ಮಾಡುತ್ತದೆ. ಆದರೆ ನಮ್ಮ ಪರ್ಸನಲ್ ಸಮಸ್ಯೆಗಳೆದುರು ಅವೆಲ್ಲಾ ತುಂಬಾ ಕ್ಷುಲ್ಲಕವಾಗುತ್ತದೆ, ಆ ಸಂದರ್ಭದಲ್ಲಿ ಅಪ್ರಸ್ತುತವಾಗುತ್ತದೆ. ನೀವು ಎದೆಗುಂದಿದರೆ, ದುಃಖಿತರಾಗಿದ್ದರೆ, ದಣಿದಿದ್ದರೆ, ಭಯಗೊಂಡಿದ್ದರೆ ಅದುವೇ ಮುಖ್ಯವಾಗುತ್ತದೆ, ಬೇರೆ ಯಾವುದೂ ನಿಮ್ಮನ್ನು ಬಾಧಿಸುವುದಿಲ್ಲ ಎಂದಿದ್ದಾರೆ.

2018ರಲ್ಲಿ ನಟಿ ಕಾಫಿ ವಿತ್ ಕರಣ್​ನಲ್ಲಿ ಬಂದಾಗ ಕರಣ್ ಕಾರ್ತಿಕ್ ಹಾಗೂ ಸಾರಾ ಡೇಟ್ ಮಾಡುತ್ತಿದ್ದಾರೆ ಎನ್ನುವ ವಿಚಾರ ರಿವೀಲ್ ಮಾಡಿದ್ದರು. ಅಲ್ಲಿ ಅವರಿಬ್ಬರು ಡೇಟಿಂಗ್ ಹಿಂಟ್ ಸಿಕ್ಕಿತ್ತು.

ಸಾರಾ ಅಲಿ ಖಾನ್ 2021ರಲ್ಲಿ ಅಟ್ರಾಂಗಿ ರೇ ಸಿನಿಮಾದಲ್ಲಿ ಧನುಷ್ ಹಾಗೂ ಅಕ್ಷಯ್ ಕುಮಾರ್ ಜೊತೆ ನಟಿಸಿದ್ದರು. ಈ ಸಿನಿಮಾದ ಹಾಡು ವೈರಲ್ ಆಗಿತ್ತು.

ನಟಿ ಬಹಳಷ್ಟು ದೇವಸ್ಥಾನ, ಪ್ರವಾಸಿ ತಾಣಗಳಿಗೆ ಭೇಟಿ ಕೊಡುತ್ತಲೇ ಇರುತ್ತಾರೆ. ಅವರ ಫೋಟೋಗಳು ಆಗಾಗ ವೈರಲ್ ಆಗುತ್ತವೆ.