Rakshit Shetty: ಸಪ್ತ ಸಾಗರದಾಚೆ ಎಲ್ಲೋ ಸಿನಿಮಾ ಶೂಟಿಂಗ್ ಎಲ್ಲಿಗೆ ತಲುಪಿತು?

ಹೇಮಂತ್​ ರಾವ್​ ನಿರ್ದೇಶನದಲ್ಲಿ ರಕ್ಷಿತ್​ ಶೆಟ್ಟಿ ಹಾಗೂ ರುಕ್ಮಿಣಿ ಅಭಿನಯಿಸುತ್ತಿರುವ ಬಹು ನಿರೀಕ್ಷಿತ ಸಿನಿಮಾ ಸಪ್ತ ಸಾಗರದಾಚೆ ಎಲ್ಲೋ ಸಿನಿಮಾದ ಶೂಟಿಂಗ್ ಎಲ್ಲಿಗೆ ತಲುಪಿತು?

ಇದೀಗ ನಿರ್ದೇಶಕ ಹೇಮಂತ್ ಅವರು ಶೂಟಿಂಗ್ ಸೆಟ್​​ನಿಂದ ಕೆಲವೊಂದು ಫೋಟೋಗಳನ್ನು ಇನ್​ಸ್ಟಾಗ್ರಾಮ್​ನಲ್ಲಿ ಶೇರ್ ಮಾಡಿದ್ದಾರೆ.

ರಕ್ಷಿತ್​ ಶೆಟ್ಟಿ ಹಾಗೂ ರುಕ್ಮಣಿ ಅಭಿನಯದ ಸಪ್ತ ಸಾಗರದಾಚೆ ಎಲ್ಲೋ ಸಿನಿಮಾವನ್ನು ಹೇಮಂತ್​ ರಾವ್​ ನಿರ್ದೇಶನ ಮಾಡುತ್ತಿದ್ದು, ಶೂಟಿಂಗ್​ ಜೋರಾಗಿ ನಡೆಯುತ್ತಿದೆ.

ಕೊರೋನಾ ಸಂದರ್ಭದಲ್ಲಿ ಸಿನಿಮಾದ ಶೂಟಿಂಗ್​ಗೆ ಸ್ವಲ್ಪಮಟ್ಟಿಗೆ ಬ್ರೇಕ್ ಬಿದ್ದಿತ್ತು. ಆದರೆ ಈಗ ಮತ್ತೆ ಮೊದಲಿನ ವೇಗ ಪಡೆದು ಶೂಟಿಂಗ್ ಸಾಗುತ್ತಿದೆ.

ಸಿನಿಮಾದ ಸೆಕೆಂಡ್ ಹಾಫ್​ನ ಫಸ್ಟ್ ಶೆಡ್ಯೂಲ್ ಶೂಟಿಂಗ್ ಮುಕ್ತಾಯವಾಗಿದೆ. ಸೆಟ್​ನಲ್ಲಿ ಸಾಕಷ್ಟು ಫನ್ ಮಾಡಿದೆವು ಎಂದು ನಿರ್ದೇಶಕ ಬರೆದಿದ್ದಾರೆ.

ಇದರಲ್ಲಿ ರಕ್ಷಿತ್ ಶೆಟ್ಟಿ ಹಾಗೂ ಇತರ ಪಾತ್ರಧಾರಿಗಳ ಕ್ಲೋಸಪ್ ಲುಕ್ ಹಾಗೂ ತಂಡದ ಫೋಟೋಗಳೂ ಇವೆ.

ಹೇಮಂತ್ ಅವರು 10 ಫೋಟೋಗಳನ್ನು ಶೇರ್ ಮಾಡಿದ್ದು ಸಿನಿ ಪ್ರೇಮಿಗಳು ಈ ಹೊಸ ಅಪ್ಡೇಟ್​ನಿಂದ ಖುಷಿಗೊಂಡಿದ್ದಾರೆ.

ಈ ಫೋಟೋಗಳು ಸುಮಾರು 6 ಸಾವಿರಕ್ಕೂ ಹೆಚ್ಚು ಲೈಕ್ಸ್ ಗಳಿಸಿದ್ದುಅಭಿಮಾನಿಗಳು ಸಿನಿಮಾ ರಿಲೀಸ್ ಡೇಟ್ ಅನೌನ್ಸ್ ಮಾಡಿ ಎಂದು ಕಾಮೆಂಟ್​ನಲ್ಲಿ ಕೇಳಿದ್ದಾರೆ.

ರಿಲೀಸ್ ಯಾವಾಗ? ಟ್ರೈಲರ್ ಯಾವಾಗ ಬಿಡ್ತೀರಾ ಎಂದು ಅಭಿಮಾನಿಗಳು ಕುತೂಹಲದಿಂದ ಪ್ರಶ್ನೆ ಮಾಡುತ್ತಿದ್ದು ಬಿಡುಗಡೆಗೂ ಮುನ್ನ ಸಿನಿಮಾ ಹವಾ ಜೋರಾಗಿದೆ ಎನ್ನಬಹುದು.

ರಕ್ಷಿತ್ ಶೆಟ್ಟಿಯನ್ನು ಇಲ್ಲಿ ಡಿಫರೆಂಟ್​ ಲುಕ್​ನಲ್ಲಿ ಕಾಣಬಹುದಾಗಿದೆ.