Sanjjanaa Galrani: 'ಗಂಡ-ಹೆಂಡತಿ' ಬಾಳಲ್ಲಿ ರಂಗು ತುಂಬಿದ ಕಂದಮ್ಮ! ಮಗನ ಬಗ್ಗೆ ಸಂಜನಾ ಮನದ ಮಾತು

ನಟಿ ಸಂಜನಾ ಗಲ್ರಾನಿ ಗುರುವಾರ ತಮ್ಮ ಮೊದಲನೆಯ ಗಂಡು ಮಗುವಿಗೆ ಜನ್ಮ ನೀಡಿದ್ದಾರೆ. ನಟಿಯನ್ನು ಬೆಂಗಳೂರಿನ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದ್ದ ಅವರು, ಬೆಳ್ಳಂಬೆಳಗ್ಗೆ ಮಗುವಿಗೆ ಜನ್ಮ ನೀಡಿದ್ದಾರೆ.

ನನ್ನ ಮಗು ದೊಡ್ಡದಾಗಿದೆ, ಆದ್ದರಿಂದ ಸಾಮಾನ್ಯ ಹೆರಿಗೆ ಆಗುವುದು ಅಪಾಯ ಎಂದು ನನಗೆ ವೈದ್ಯರು ತಿಳಿಸಿದ್ದರು. ಇದು ಸಿ-ಸೆಕ್ಷನ್ ಆಗಿದ್ದರಿಂದ, ನನ್ನ ಕುಟುಂಬವು ಸರಿಯಾದ ದಿನ ಮತ್ತು ಸಮಯವನ್ನು ಆಯ್ಕೆ ಮಾಡಿದೆ ಮತ್ತು ನಾನು ಗುರುವಾರ ಮುಂಜಾನೆ ಮಗುವಿಗೆ ಜನ್ಮ ನೀಡಿದ್ದೇನೆ ಎಂದು ಸಂಜನಾ ಹೇಳಿಕೊಂಡಿದ್ದಾರೆ.

ತಾಯ್ತನದ ಈ ಹೊಸ ಹಂತದ ಬಗ್ಗೆ ನಾನು ಉತ್ಸುಕಳಾಗಿದ್ದೇನೆ. ನನ್ನ ಬದುಕಿನಲ್ಲಿ ಏನಿದೆ ಎಂಬುದನ್ನು ಅರ್ಥಮಾಡಿಕೊಳ್ಳಲು ಇದು ಒಳ್ಳೆಯ ಸಮಯವಾಗಿದೆ.

ಇನ್ನು ನನ್ನ ಜೊತೆ ನನ್ನ ಪ್ರೀತಿಪಾತ್ರರು ಇದ್ದರು ಹಾಗಾಗಿ ನನಗೆ ಯಾವುದೇ ತೊಂದರೆಯಾಗಿಲ್ಲ ಮತ್ತು ನನ್ನ ಮಗನನ್ನು ಇನ್ನೂ ಚೆನ್ನಾಗಿ ತಿಳಿದುಕೊಳ್ಳಲು ನಾನು ಕಾಯಲು ಸಾಧ್ಯವಿಲ್ಲ ಎಂದು ಸಂಜನಾ ಸಂತಸ ವ್ಯಕ್ತಪಡಿಸಿದ್ದಾರೆ.

ತನ್ನ ಆತ್ಮೀಯ ಗೆಳೆಯರಲ್ಲಿ ಒಬ್ಬರಾದ ಮತ್ತು ಹೈದರಾಬಾದ್‌ನ ಸ್ತ್ರೀರೋಗತಜ್ಞ ಡಾ ಶಿಲ್ಪಿ ರೆಡ್ಡಿ ಅವರ ವಿಶೇಷ ಬೆಂಬಲದಿಂದ ನನ್ನ ಗರ್ಭಾವಸ್ಥೆಯಲ್ಲಿ ಬಹಳಷ್ಟು ಸಮಸ್ಯೆಗಳು ನಿವಾರಣೆಯಾಗಿದೆ ಎಂದು ಸಂಜನಾ ಡಾಕ್ಟರ್ ಸಹಾಯವನ್ನು ನೆನೆದಿದ್ದಾರೆ.

ಡಾಕ್ಟರ್ ನನ್ನ ಜೊತೆ ಇದ್ದರು. ಹೆರಿಗೆಯ ದಿನ ಸಹ ನನ್ನ ಪಕ್ಕದಲ್ಲಿದ್ದು ಧೈರ್ಯ ತುಂಬಿದ್ದಾರೆ. ಹೈದರಾಬಾದ್‌ಗೆ ಹಿಂತಿರುಗುವ ಮೊದಲು ನನ್ನ ಹೆರಿಗೆಯ ಮೂಲಕ ನನ್ನ ವೈದ್ಯರಿಗೆ ಸಹಾಯ ಮಾಡಿದ್ದರು. ನನ್ನ ಬಗ್ಗೆ ಕಾಳಜಿ ವಹಿಸುವ ಅವರಂತಹ ಸ್ನೇಹಿತರನ್ನು ಪಡೆದ ನಾನು ತುಂಬಾ ಲಕ್ಕಿ ಎಂದಿದ್ದಾರೆ ಸಂಜನಾ.

ಮೊದಲ ಮಗುವಿನ ನಿರೀಕ್ಷೆಯಲ್ಲಿ ಇದ್ದ ಸಂಜನಾ ಈ ಕುರಿತು ಅವರು ಮಾಧ್ಯಮಗಳ ಜೊತೆ ಮಾಹಿತಿ ಹಂಚಿಕೊಂಡಿದ್ದಾರೆ. 2022ರ ಮೇ ತಿಂಗಳಲ್ಲಿ ಮಗುವಿನ ಆಗಮನ ಆಗಲಿದೆ ಎಂದು ತಿಳಿಸಿದ್ದರು.

ಸದ್ಯ ಸಂಜನಾ ಹಾಗೂ ಕುಟುಂಬದವರು ಸಂತಸದಲ್ಲಿದ್ದಾರೆ. ಕುಟುಂಬಕ್ಕೆ ಹೊಸ ಸದಸ್ಯನ ಆಗಮನವಾಗಿರುವ ಸಂತಸದಲ್ಲಿ ಸಂಜನಾ ಮತ್ತು ಡಾ. ಅಜೀಜ್ ಪಾಷಾ ಇದ್ದು, ಸೋಶಿಯಲ್ ಮೀಡಿಯಾದಲ್ಲಿಸಂಜನಾ ಅಭಿಮಾನಿಗಳು ಮಗುವಿನ ಆಗಮನಕ್ಕೆ ಶುಭ ಕೋರುತ್ತಿದ್ದಾರೆ. ಇನ್ನು, ಸಂಜನಾ ಈ ಮೊದಲೇ ತಮಗೆ ಗಂಡು ಮಗುವಾಗುವ ನಿರೀಕ್ಷೆಯಿದೆ ಎಂದು ಹೇಳಿಕೊಂಡಿದ್ದರು. ಅವರ ಆಸೆಯಂತೆ ಇದೀಗ ಸಂಜನಾ ದಂಪತಿಗೆ ಮುದ್ದಾದ ಗಂಡು ಹುಟ್ಟಿದೆ.