Actor Lakshman Death: ಹಿರಿಯ ಖಳನಟ ಲಕ್ಷ್ಮಣ್ ಇನ್ನಿಲ್ಲ, ಹೃದಯಾಘಾತದಿಂದ ನಿಧನ!

ಕನ್ನಡ ಚಿತ್ರರಂಗದಲ್ಲಿ ಒಂದು ಕಾಲದಲ್ಲಿ ಖಳ ನಟರಾಗಿ ಗುರುತಿಸಿಕೊಂಡಿದ್ದ ಲಕ್ಷ್ಮಣ್ ಅವರು ಸಾವನ್ನಪ್ಪಿದ್ದಾರೆ. ಇಂದು ಮುಂಜಾನೆ 4 ಗಂಟೆಗೆ ಹೃದಯಾಘಾತದಿಂದ ಕೊನೆಯುಸಿರೆಳೆದಿದ್ದಾರೆ.

ಲಕ್ಷ್ಮಣ್ ಅವರು ಬಹಳ ದಿನಗಳಿಂದ ವಯೋಸಹಜ ಕಾಯಿಲೆಯಿಂದ ಬಳಲುತ್ತಿದ್ದರು. ಇಂದು ಮೂಡಲಪಾಳ್ಯದ ನಿವಾಸದಲ್ಲಿ ಕೊನೆಯುಸಿರೆಳೆದಿದ್ದಾರೆ.

ರಾಜ್ ಕುಮಾರ್, ವಿಷ್ಣುವರ್ಧನ್, ಅಂಬರೀಶ್, ರಜನಿಕಾಂತ್ ಸೇರಿದಂತೆ ದಿಗ್ಗಜ ನಟರೊಂದಿಗೆ ನಟರೊಂದಿಗೆ ಲಕ್ಷ್ಮಣ್ ಅವರು ನಟಿಸಿದ್ದರು. ಖಳ ನಾಯಕನಾಗಿ ಮಿಂಚಿದ್ದರು.

ಲಕ್ಷ್ಮಣ ಅವರು 200ಕ್ಕೂ ಹೆಚ್ಚು ಚಿತ್ರಗಳಲ್ಲಿ ವಿಲನ್ ರೋಲ್ ಮಾಡಿ ಹೆಸರು ಪಡೆದಿದ್ದರು.  ಆ ವಿಲನ್ ಪಾತ್ರಕ್ಕೆ ಎಷ್ಟರ ಮಟ್ಟಿಗೆ ಜೀವ ತುಂಬಿದ್ದರು ಎಂದರೆ ಇವರನ್ನು ಜನ ಆಚೆ ನೋಡಿದ್ರೂ ಭಯ ಪಡ್ತಾ ಇದ್ರು.

ಲಕ್ಷ್ಮಣ್ ಅವರು ಬೆಂಗಳೂರಿನಲ್ಲಿ ಜನಿಸಿದ್ದರು. ಇವರ ತಂದೆ ಆರ್ಮಿ ಅಧಿಕಾರಿ ಆಗಿದ್ದರು. ಲಕ್ಷ್ಮಣ್ ಅವರು 8 ಜನ ಮಕ್ಕಳಂತೆ. ಬಡ ಕುಟುಂಬದಲ್ಲಿ ಬೆಳೆದ ಲಕ್ಷ್ಮಣ್ ಕರುನಾಡಿನಲ್ಲೇ ಮಿಂಚಿದ್ದರು.

ಲಕ್ಷ್ಮಣ್ ಅವರು ಎಸ್‍ಎಸ್‍ಎಲ್‍ಸಿ ವರೆಗೂ ಓದಿದ್ದಾರೆ. ಬಡತನ ಇದ್ದ ಕಾರಣ ಓದು ವಿಟ್ಟು, ಕಾರ್ಖಾನೆಯಲ್ಲಿ ಕೆಲಸಕ್ಕೆ ಸೇರಿದ್ರಂತೆ. ವಾರಕ್ಕೆ 15 ರೂಪಾಯಿ ಸಿಕ್ತಿತ್ತಂತೆ.

ಲಕ್ಷ್ಮಣ್ ಅವರು ಹೆಚ್ಚಾಗಿ ಅಂಬರೀಶ್ ಸಿನಿಮಾಗಳಿಗೆ ವಿಲನ್ ಆಗಿ ನಟಿಸಿದ್ದಾರೆ. ಅಂಬರೀಶ್ ಅವರ ಸಿನಿಮಾ ಅಂದ್ರೆ ಇವರೇ ವಿಲನ್ ಆಗಬೇಕಿತ್ತಂತೆ.

ಲಕ್ಷ್ಮಣ್ ಅವರು ಸಾವಿಗೆ ಸಿನಿಮಾ ರಂಗದ ಗಣ್ಯರು ಸಂತಾಪ ವ್ಯಕ್ತಪಡಿಸಿದ್ದು. ಅವರ ಕುಟುಂಬಕ್ಕೆ ಸಾಂತ್ವನ ಹೇಳಿದ್ದಾರೆ.