Yash-Radhika Pandit: ಮದುವೆ ವಾರ್ಷಿಕೋತ್ಸವ ಸಂಭ್ರಮದಲ್ಲಿ ರಾಕಿಂಗ್ ಸ್ಟಾರ್ ಯಶ್​-ರಾಧಿಕಾ ಪಂಡಿತ್!

ಕನ್ನಡ ಚಿತ್ರರಂಗದ ಹಿಟ್ ಜೋಡಿ ನಟ ಯಶ್ ಮತ್ತು ರಾಧಿಕಾ ಪಂಡಿತ್ ಮದುವೆ ಆಗಿ 6 ವರ್ಷ ಆಯ್ತಂತೆ. ನಿಮ್ಮ ಜೊತೆ ಜೀವನ ಮಾಡಿದ್ದು ಮ್ಯಾಜಿಕಲ್ ಎನ್ನಿಸುತ್ತೆ ಎಂದು ಯಶ್​ಗೆ ರಾಧಿಕಾ ಪಂಡಿತ್ ಹೇಳಿದ್ದಾರೆ.

ಈ ಆರು ವರ್ಷಗಳ ವೈವಾಹಿಕ ಜೀವನವು ನಿಮ್ಮೊಂದಿಗೆ ಮಾಂತ್ರಿಕವಾಗಿದ್ದರೂ, ನೈಜವಾಗಿಸಿದ್ದಕ್ಕಾಗಿ ಧನ್ಯವಾದಗಳು. ವಿವಾಹ ವಾರ್ಷಿಕೋತ್ಸವದ ಶುಭಾಶಯಗಳು. ಲವ್ ಯೂ ಎಂದು ರಾಧಿಕಾ ಪಂಡಿತ್ ಪೋಸ್ಟ್ ಹಾಕಿಕೊಂಡಿದ್ದಾರೆ.

ಸಿನಿಮಾ ಶೂಟಿಂಟ್ ವೇಳೆ ಇಬ್ಬರ ನಡುವೆ ಪರಿಚಯವಾಗಿ, ಸ್ನೇಹವಾಗಿ, ಪ್ರೀತಿಯಾಗಿತ್ತು. ಹಲವು ವರ್ಷಗಳ ಪ್ರೀತಿಯ ನಂತರ  2016 ಡಿಸೆಂಬರ್ 9 ರಂದು ಮದುವೆ ಆಗಿದ್ದರು.

ಸಂತಸ ಜೀವನ ನಡೆಸುತ್ತಿದ್ದ ಯಶ್-ರಾಧಿಕಾ ದಂಪತಿಯ ಇನ್ನಷ್ಟು ಸಂತೋಷವನ್ನು ಹೆಚ್ಚಿಸಲು ಐರಾ ಬಂದಳು. ಹೌದು 2018 ಡಿಸೆಂಬರ್ 2ರಂದು ಮಗಳು ಹುಟ್ಟಿದ್ದಾಳೆ.

ಒಂದು ವರ್ಷದ ನಂತರ 2019 ರಲ್ಲಿ, ಮಗ ಯಥರ್ವ್ ಜನಿಸಿದನು. ಅಲ್ಲಿಗೆ ಯಶ್ ಮತ್ತು ರಾಧಿಕಾ ಪಂಡಿತ್ ಅವರದ್ದು ಪರಿಪೂರ್ಣ ಕುಟುಂಬ ಎನ್ನಿಸಿದೆ.

ಮದುವೆಯಾದಾಗಿನಿಂದ ಇಬ್ಬರು ಒಬ್ಬರನ್ನೊಬ್ಬರು ಅರ್ಥ ಮಾಡಿಕೊಂಡು ಸುಂದರವಾದ ಜೀವನ ಸಾಗಿಸುತ್ತಿದ್ದಾರೆ. ಸದ್ಯ ರಾಧಿಕಾ ಪಂಡಿತ್ ಅವರು ತಮ್ಮ ಮಕ್ಕಳ ಲಾಲನೆ ಪಾಲನೆಯಲ್ಲಿ ಬ್ಯುಸಿ ಆಗಿದ್ದಾರೆ.

ನಟ ಯಶ್ ಅವರು ಸಿನಿಮಾ ಶೂಟಿಂಗ್ ನಲ್ಲಿ ಎಷ್ಟೇ ಬ್ಯುಸಿ ಇದ್ದರೂ, ಪತ್ನಿ, ಮಕ್ಕಳಿಗೆ ಸಮಯ ನೀಡುತ್ತಾರೆ. ಯಶ್ ಅವರ ಈ ಗುಣ ಎಲ್ಲರಿಗೂ ತುಂಬಾ ಇಷ್ಟ ಆಗುತ್ತೆ.

ರಾಧಿಕಾ ಪಂಡಿತ್ ಕುಟುಂಬ ಎಲ್ಲಾ ಹಬ್ಬಗಳ್ನು ಸಂಭ್ರಮದಿಂದ ಮಾಡ್ತಾರೆ. ಅಲ್ಲದೇ ಅಭಿಮಾನಿಗಳಿಗಾಗಿ ಸಂತಸದ ವಿಷಯವನ್ನು ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡ್ತಾರೆ. ಅಭಿಮಾನಿಗಳು ಇಷ್ಟ ಪಡ್ತಾರೆ.