Rashmika Mandanna: ಪೋಷಕರನ್ನು ನೆನೆದು ಭಾವುಕರಾದ ರಶ್ಮಿಕಾ, ಶ್ರೀವಲ್ಲಿ ಪೋಸ್ಟ್​ಗೆ ನೆಟ್ಟಿಗರು ಫಿದಾ

ರಶ್ಮಿಕಾ ಮಂದಣ್ಣ ಸದ್ಯ ಸಾಲು ಸಾಲು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ಬಾಲಿವುಡ್, ಟಾಲಿವುಡ್ ಸೇರಿಂದತೆ ಸಿನಿಮಾಗಲ ಶೂಟಿಂಗ್​ ಗಾಗಿ ಓಡಾಡುತ್ತಿರುವ ರಶ್ಮಿಕಾ ದಳಪತಿ ವಿಜಯ್ ಜೊತೆ ವಾರಿಸು ಚಿತ್ರದಲ್ಲಿ ನಟಿಸುತ್ತಿದ್ದಾರೆ.

ಯುವ ಪ್ರೇಕ್ಷಕರ ಮನ ಸೂರೆಗೊಂಡಿರುವ ಈ ಚೆಲುವೆಗೆ ಬಾಲಿವುಡ್, ಕಾಲಿವುಡ್ ನಿಂದಲೂ ಸರಣಿ ಆಫರ್ ಗಳು ಬರುತ್ತಿವೆ. ಅಲ್ಲದೇ ಸೌತ್ ಇಂಡಸ್ಟ್ರಿಯ ಎಲ್ಲಾ ಸ್ಟಾರ್​ ನಟರ ಜೊತೆ ನಟಿಸುತ್ತಿರುವ ರಶ್ಮಿಕಾ ಟಾಫ್ ನಟಿಯರಲ್ಲಿ ಒಬ್ಬರಾಗಿದ್ದಾರೆ.

ತೆಲುಗಿನ ಜೊತೆಗೆ ಕನ್ನಡದ ಈ ಚೆಲುವೆ ಪ್ಯಾನ್ ಇಂಡಿಯಾ ಮಟ್ಟದಲ್ಲಿಯೂ ಮಿಂಚುತ್ತಿದ್ದಾರೆ. ಇತ್ತೀಚೆಗೆ ಸುಕುಮಾರ್ ನಿರ್ದೇಶನದ 'ಪುಷ್ಪ' ಚಿತ್ರದಲ್ಲಿ ಶ್ರೀವಲ್ಲಿಯಾಗಿ ನಟಿಸಿದ್ದಾರೆ.

ಇನ್ನು, ರಶ್ಮಿಕಾ ಮಂದಣ್ಣ ಎಷ್ಟೇ ಬ್ಯುಸಿ ಇದ್ದರೂ ತಮ್ಮ ಕುಟುಂಬದ ಜೊತೆ ಪ್ರತ್ಯೇಕವಾಗಿ ಸಮಯ ಕಳೆಯುತ್ತಾರೆ. ಸಮಯ ಸಿಕ್ಕಾಗಲೆಲ್ಲಾ ಕರ್ನಾಟಕದಲ್ಲಿರುವ ತಮ್ಮ ಮನೆಗೆ ಬಂದು ಮನೆಯವರ ಜೊತೆ ಕಾಲ ಕಳೆದು ಹೋಗುತ್ತಾರೆ.

ರಶ್ಮಿಕಾ ಅವರ ಫ್ಯಾಮಿಲಿ ಫೋಟೋಗಳನ್ನು ಅವರು ಪೋಸ್ಟ್ ಮಾಡಿದ ಪ್ರತಿ ಬಾರಿ ಆನ್‌ಲೈನ್ ಮಾಧ್ಯಮದಲ್ಲಿ ಟ್ರೆಂಡ್ ಆಗುತ್ತದೆ. ಅದೇ ರೀತಿ ಇದೀಗ ಅವರು ಹಂಚಿಕೊಂಡಿರುವ ಪೋಟೋವೊಂದು ಸಖತ್ ವೈರಲ್ ಆಗಿದ್ದು, ನೆಟ್ಟಗರು ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.

ತಂದೆ-ತಾಯಿಯರ ಮದುವೆಯ ದಿನ ಎಂದು ತಿಳಿದು ಸ್ವಲ್ಪ ತಡವಾಗಿ ವಿಶ್ ಮಾಡಿ ಅದಕ್ಕೆ ಭಾವನಾತ್ಮಕವಾಗಿ ಪೋಸ್ಟ್ ಮಾಡಿರುವ ರಶ್ಮಿಕಾ, . ನನ್ನನ್ನು ಈ ಜಗತ್ತಿಗೆ ಕರೆತಂದಿದ್ದಕ್ಕಾಗಿ, ನಾನು ನಿಮ್ಮನ್ನು ಪ್ರೀತಿಸುವಂತೆ ಬದುಕಿದ್ದಕ್ಕಾಗಿ ತುಂಬಾ ಧನ್ಯವಾದಗಳು. ನಾನು ಈ ಮಟ್ಟಕ್ಕೆ ಬರಲು ನೀವೇ ಕಾರಣ. ನಾನು ನಿಮಗೆ ಸದಾ ಋಣಿಯಾಗಿರುತ್ತೇನೆ ಎಂದು ರಶ್ಮಿಕಾ ಬರೆದುಕೊಂಡು ಇನ್ಸ್ಟಾಗ್ರಾಂ ನಲ್ಲಿ ಪೋಸ್ಟ್ ಮಾಡಿದ್ದಾರೆ.

ರಶ್ಮಿಕಾ ಸದ್ಯ ದಳಪತಿ ವಿಜಯ್ ಜೊತೆ ಸಿನಿಮಾದಲ್ಲಿ ಕೆಲಸ ಮಾಡುತ್ತಿದ್ದಾರೆ. ಚಿತ್ರವನ್ನು ವಂಶಿ ಪೈಡಿಪಲ್ಲಿ ನಿರ್ದೇಶಿಸುತ್ತಿದ್ದಾರೆ.ನಿರ್ಮಾಪಕರಾದ ದಿಲ್ ರಾಜು, ಶಿರೀಶ್, ಪರಮ್ ವಿ ಪೊಟ್ಲೂರಿ ಮತ್ತು ಪರ್ಲ್ ವಿ ಪೊಟ್ಲೂರಿ ಶ್ರೀ ವೆಂಕಟೇಶ್ವರ ಕ್ರಿಯೇಷನ್ಸ್ ಮತ್ತು ಪಿವಿಪಿ ಬ್ಯಾನರ್‌ಗಳಲ್ಲಿ ಸಹ-ನಿರ್ಮಾಣ ಮಾಡುತ್ತಿದ್ದಾರೆ. ಈ ಚಿತ್ರಕ್ಕೆ ವಾರಿಸು ಎಂದು ಹೆಸರಿಡಲಾಗಿದೆ.