KGF - 2 ಜೊತೆ ಬಿಡುಗಡೆ ಆಗುತ್ತಿದೆ ಕಾಂತಾರಾ, ರಾಘವೇಂದ್ರ ಸ್ಟೋರ್ಸ್ ಚಿತ್ರದ ಟೀಸರ್, ಏನಿದು ಹೊಂಬಾಳೆ ಫಿಲ್ಮಂ ಹೊಸ ಫ್ಲಾನ್?

ಭಾರತೀಯ ಚಿತ್ರರಂಗವೇ ಕಾತುರದಿಂದ ಕಾಯುತ್ತಿರುವ ಕನ್ನಡದ ಬಹುನಿರೀಕ್ಷಿತ ಕೆಜಿಎಫ್ ಚಾಪ್ಟರ್ 2 ಚಿತ್ರವು ನಾಳೆ ಅದ್ದೂರಿಯಾಗಿ ಬಿಡುಗಡೆಯಾಗಲಿದೆ. ಈ ನಡುವೆ ಹೊಂಬಾಳೆ ಫಿಲ್ಮ್ಸಂ ಹೊಸ ಘೋಷಣೆಯೊಂದನ್ನು ಮಾಡಿದ್ದು, ಕೆಜಿಎಫ್ 2 ಜೊತೆ ಕನ್ನಡ ಮತ್ತೆರಡು ಚಿತ್ರದ ಟೀಸರ್ ಬಿಡುಗಡೆ ಮಾಡುವುದಾಗಿ ತಿಳಸಿದೆ.

ಈಗಾಗಲೇ ಕೆಜಿಎಫ್ 2 ಚಿತ್ರದ ಮೇಲೆ ಬೆಟ್ಟದಷ್ಟು ನಿರೀಕ್ಷೆ ಹೊಂದಿದ್ದು, ಚಿತ್ರತಂಡ ದಿನೇ ದಿನೇ ಹೊಸ ಹೊಸ ಮಾಹಿತಿ ಹೊರಹಾಕುತ್ತಿದೆ. ಅಂತೆಯೇ ಇಂದು ಸಹ ಚಿತ್ರದ ‘ಸುಲ್ತಾನ್‘ ಲಿರಿಕಲ್ ವಿಡಿಯೋ ಸಾಂಗನ್ನು ಬಿಡುಗಡೆ ಮಾಡಿದ್ದು, ಚಿತ್ರದ ಮೇಲಿನ ನಿರೀಕ್ಷೆ ದಿಪ್ಪಟ್ಟಾಗಿದೆ.

iದರ ನಡುವೆ ಹೊಂಬಾಳೆ ಫಿಲ್ಮ್ಸಂ ಚಿತ್ರತಂಡ ಹೊಸ ಘೋಷಣೆ ಮಾಡಿದ್ದು, ಇಂದು ರಾತ್ರಿ ರಿಷಭ್ ಶೆಟ್ಟಿ ನಿರ್ದೇಶನದ ಹೊಂಬಾಳೆ ಫಿಲ್ಮ್ಸಂ ಬ್ಯಾನರ್​ನಲ್ಲಿಮ ಮೂಡಿಬರುತ್ತಿರುವ ‘ಕಾಂತಾರೌ ಚಿತ್ರದ ಟೀಸರ್​ ನ್ನು 10:44ಕ್ಕೆ ಬಿಡುಗಡೆ ಮಾಡುವುದಾಗಿ ತಿಳಿಸಿದೆ.

ಅದರಂತೆಯೇ ನಟ ನವರಸ ನಾಯಕ ಜಗ್ಗೇಶ್ ಅಭಿನಯದ ಹಾಗೂ ಹೊಂಬಾಳೆ ಬ್ಯಾನರ್​ನ ರಾಘವೇಂದ್ರ ಸ್ಟೋರ್ಸ್ ಚಿತ್ರದ ಟೀಸರ್​ ಸಹ ಇಂದು ರಾತ್ರಿ 10:45ಕ್ಕೆ ರಿಲೀಸ್ ಮಾಡುವುದಾಗಿ ತಿಳಿಸಿದ್ದು, ಅಭಿಮಾನಿಗಳಲ್ಲಿ ಕಾತುರತೆ ಹೆಚ್ಚಿದೆ.

ಇನ್ನು, ಕಾಂತಾರ ಚಿತ್ರಕ್ಕೆ ಹೊಭಾಳೆ ಫಿಲ್ಮ್ಸಂ ಬಂಡವಾಳ ಹೂಡುತ್ತಿದ್ದರೆ ಕಥೆ ಮತ್ತು ನಿರ್ದೇಶನವನ್ನು ರಿಷಭ್ ಶೆಟ್ಟಿ ಅವರು ಮಾಡುತ್ತಿದ್ದು, ಟೀಸರ್​ ಮೇಲೆ ನಿರೀಕ್ಷೆ ಹೆಚ್ಚಿದೆ.

ಇದರೊಂದಿಗೆ ನವರಸ ನಾಯಕ ಜಗ್ಗೇಶ್ ಅಭಿನಯದ ಹಾಗೂ ಸಂತೋಷ್ ಆನಂದ್ ರಾಮ್ ನಿರ್ದೇಶನದ ರಾಘವೇಂದ್ರ ಸ್ರೋರ್ಸ್ ಚಿತ್ರದ ಟೀಸರ್​ ಸಹ ಇಂದು ಬಿಡುಗಡೆ ಮಾಡಲಾಗುತ್ತಿದೆ. ಇದರೊಂದಿಗೆ ಈ 2 ಚಿತ್ರದ ಟೀಸರ್​ ಅನ್ನು ಕೆಜಿಎಫ್ 2 ಚಿತ್ರದ ಮದ್ಯದಲ್ಲಿ ಪ್ರದರ್ಶಿಸಲಾಗುತ್ತದೆ ಎಂಬ ಮಾತುಗಳೂ ಸಹ ಕೇಳಿಬರುತ್ತಿದೆ.

ಇನ್ನು, ರಾಕಿಂಗ್ ಸ್ಟಾರ್​ ಯಶ್ ಅಭಿನಯದ ಕೆಜಿಎಫ್ 2 ಚಿತ್ರವು ನಾಳೆ ಪ್ರಪಂಚದಾದ್ಯಂತ ಭರ್ಜರಿಯಾಗಿ ಬಿಡುಗಡೆಯಾಗಲಿದೆ. ಈಗಾಗಲೇ ಟಿಕೇಟ್​ಗಳು ಸೋಲ್ಡ್ ಔಟ್​ ಆಗಿದ್ದು, ಬಿಡುಗಡೆಗೂ ಮುನ್ನವೇ ಅನೇಕ ದಾಖಲೆಗಳನ್ನು ಬರೆಯುತ್ತಿರುವ ಕೆಜಿಎಫ್ ಬಿಡುಗಡೆ ನಂತರ ಯಾವ ದಾಖಲೆಗಳನ್ನು ಮಾಡಲಿದೆ ಎಂದು ಕಾದುನೋಡಬೇಕಿದೆ.