ನಿಮಗೆ ವಯಸ್ಸಾಗಿದೆ ಎಂದ ಟ್ವೀಟಿಗನಿಗೆ ಮೈಚಳಿ ಬಿಡಿಸಿದ ಸ್ಯಾಂಡಲ್​ವುಡ್​ ಹಿರೋಯಿನ್!

ಸಾಮಾಜಿಕ  ಜಾಲತಾಣದಲ್ಲಿ ನಟ-ನಟಿಯರು ಸಕ್ರಿಯರಾಗಿರುತ್ತಾರೆ. ಸಿನಿಮಾ ಸುದ್ದಿಗಳಿಗೆ ಸಂಬಂಧಿಸಿದ ವಿದ್ಯಾಮಾನಗಳನ್ನು ಹಂಚಿಕೊಳ್ಳುತ್ತಿರುತ್ತಾರೆ. ಈ ವಿಚಾರಕ್ಕೆ ಸಂಭಂದಿಸಿದಂತೆ ನೆಟ್ಟಿಗರು ಕೂಡ ಪ್ರತಿಕ್ರಿಯಿಸುವುದು, ಟೀಕಿಸುವುದು ಸರ್ವೆ ಸಾಮಾನ್ಯ.

ಕೆಲವೊಮ್ಮೆ ನೆಟ್ಟಿಗರ ಟೀಕೆ ಕಲಾವಿದರಿಗೆ ಬೇಸರ ಉಂಟು ಮಾಡಿದ ಸಂಗತಿಗಳು ಇವೆ. ಇನ್ನು ಕೆಲವು ಕಲಾವಿದರು ಖಾರವಾಗಿ ಪ್ರತಿಕ್ರಿಯೆ ನೀಡಿರುವ ಘಟನೆಗಳು ಕಾಣಬಹುದು.

ಅದರಂತೆ ಸ್ಯಾಂಡಲ್​ವುಡ್​ ನಟಿ ಅನು ಪ್ರಭಾಕರ್  ಅವರನ್ನು ಟ್ವಿಟ್ಟಿಗನೊಬ್ಬ ಟೀಕಿಸಿದ್ದಕ್ಕೆ ಖಡಕ್ ಆಗಿ ಉತ್ತರ ಕೊಟ್ಟಿದ್ದಾರೆ.

ಮಂಗಳೂರು ಮೂಲಕ  ನಟಿ ಅನು ಪ್ರಭಾಕರ್ ಸ್ಯಾಂಡಲ್​ವುಡ್​  ಹಲವಾರು ಚಿತ್ರಗಳಲ್ಲಿ ನಾಯಕಿಯಾಗಿ ನಟಿಸಿದ್ದರು. ಮಾತ್ರವಲ್ಲದೆ ಹಿಂದೊಮ್ಮೆ ಬೇಡಿಕೆ ನಟಿಯಾಗಿ ಗುರುತಿಸಿಕೊಂಡಿದ್ದರು. ಸಂಸಾರದ ಜವಾಬ್ದಾರಿಯ ಕಾರಣಕ್ಕಾಗಿ ನಟನೆಯಿಂದ ಕೊಂಚ ಬಿಡುವು ಪಡೆದುಕೊಂಡಿದ್ದರು.

ಕಳೆದ ವರ್ಷ ಅನು ಪ್ರಭಾಕರ್ ‘ಅನುಕ್ತ‘ ಸಿನಿಮಾದಲ್ಲಿ ಅತಿಥಿ ಪಾತ್ರಕ್ಕೆ ಬಣ್ಣ ಹಚ್ಚಿದ್ದರು. ಪ್ರಸ್ತುತ ನಟಿ ಸಾರಾ ಅಬೂಬಕರ್ ಅವರ ಕಾದಂಬರಿ ಆಧಾರಿತ ‘ಸಾರಾ ವಜ್ರ‘ ಸಿನಿಮಾವೊಂದರಲ್ಲಿ ನಟಿಸುತ್ತಿದ್ದಾರೆ. ಈ ಸಿನಿಮಾವನ್ನು ಶ್ವೇತಾ ಶೆಟ್ಟಿ ನಿರ್ದೇಶಿಸುತ್ತಿದ್ದಾರೆ.

ಈ ಸಿನಿಮಾದಲ್ಲಿ ಅನು ಪ್ರಭಾಕರ್ ‘ನಫೀಜಾ‘ ಪಾತ್ರಕ್ಕೆ ಜೀವ ತುಂಬಿದ್ದಾರೆ. ಸದ್ಯ ಈ ಸಿನಿಮಾದ ಡಬ್ಬಿಂಗ್ ಹಂತದಲ್ಲಿದ್ದು, ಶೀಘ್ರವೇ ಆಡಿಯೋ ಬಿಡುಗಡೆ ಮಾಡಲು ಚಿತ್ರತಂಡ ಸಿದ್ಧತೆ ನಡೆಸುತ್ತಿದೆ.

ಈ ಮಧ್ಯೆ ಟ್ವಿಟ್ಟರ್​ನಲ್ಲಿ ಮಧುಸೂದನ್ ಎಂಬಾತ ಅನುಪ್ರಭಾಕರ್ ಅವರ ನಟನೆಯ ಬಗ್ಗೆ ‘ನಿಮ್ಮ ಸ್ವಲ್ಪ ವಯಸ್ಸಾಗಿದೆ‘ ಎಂದು ಟೀಕಿಸಿದ್ದಾರೆ.

ಮಧುಸೂದನ್ ಅವರ ಟೀಕಿಗೆ ‘ವಯಸ್ಸು ಆದ್ರೆ ಕೆಲಸ ನಿಲ್ಲಿಸಬೇಕಾ ಮಧು? ನೀವು ನನ್ನ ಸಿನಿಮಾ ನೋಡೋ ಅವಶ್ಯಕತೆ ಇಲ್ಲ ಬಿಡಿ!!! ಕಲಾವಿದರಾಗಿ ನಮ್ಮನ್ನಾ ಇಷ್ಟಪಡೋರು ನೋಡತಾರೆ!’ ಎಂದು ಅನು ಪ್ರಭಾಕರ್ ಖಡಕ್ ಉತ್ತರ ನೀಡಿದ್ದಾರೆ.

ಮಧುಸೂದನ್ ಅವರ ಟೀಕೆ ಟ್ವಿಟ್ಟಿಗರು ಕೂಡ ಕ್ಲಾಸ್ ತೆಗೆದುಕೊಂಡಿದ್ದಾರೆ. ಯಾರೋ ಇವನು ಫೇಮಸ್ ಆಗೋಕೆ ಈ ರೀತಿ ಮಾಡ್ತಿದ್ದಾನೆ. ಬಿಡಿ ಇಂತ ಚಿಲ್ಲರೆಗಳಿಗೆ ತಲೆಕೆಡಿಸ್ಕೋ ಬೇಡಿ ಎಂದು ಕಾಮೆಂಟ್ ಬರೆದಿದ್ದಾರೆ

ಅನು ಪ್ರಭಾಕರ್ 1990ರಿಂದ ಅವರು ಕನ್ನಡ ಚಲನಚಿತ್ರರಂಗದಲ್ಲಿ ಅಭಿನಯಿಸಲು ಪ್ರಾರಂಭಿಸಿದರು.

ನಟ ವಿಷ್ಣುವರ್ಧನ್ ಸೇರಿದಂತೆ ಮೇರು ನಟರೊಂದಿಗೆ ಅನು ಫ್ರಬಾಕರ್ ನಟಿಸಿದ್ದಾರೆ

ಬಾಲನಟಿಯಾಗಿ ಚಿತ್ರರಂಗ ಪ್ರವೇಶಿಸಿದ ಅನು ಇಲ್ಲಿಯವರೆಗೆ ಸುಮಾರು 80 ಸಿನಿಮಾಗಳಲ್ಲಿ ನಟಿಸಿದ್ದಾರೆ.

ರಘು ಮುಖರ್ಜಿ ಅವರನ್ನು ಮದುವೆಯಾಗಿರುವ ಅನುಗೆ ಒಂದೂವರೆ ವರ್ಷದ ಮಗಳಿದ್ದಾಳೆ.

ಪತಿ ರಘು ಮುಖರ್ಜಿ ಮತ್ತು ಮಗಳು ನಂದನಾ ಜೊತೆ ಅನು ಫ್ರಭಾಕರ್