ಹಿಂದಿ ಭಾಷೆಯ ವಿರೋಧಿ ಅಲ್ಲ, ಕನ್ನಡಿಗರು ಕನ್ನಡಕ್ಕೆ ಪ್ರಾಮುಖ್ಯತೆ ಕೊಡಬೇಕು ಎಂದ ಸ್ಯಾಂಡಲ್​ವುಡ್​ ನಿರ್ದೇಶಕ..!

ಕರ್ನಾಟಕದಲ್ಲಿ ಹಿಂದಿ ಹೇರಿಕೆ ಕುರಿತಾಗಿ ವಿರೋಧವಿದೆ. ಬಹಳ ಸಮಯದಿಂದಲೂ ಹಿಂದಿ ಹೇರಿಕೆ ಮಾಡಬಾರದು ಎಂದು ಪ್ರತಿಭಟನೆಗಳೂ ನಡೆಯುತ್ತಿವೆ.

ಆಗಾಗ ಹಿಂದಿ ಹೇರಿಕೆಯ ವಿಷಯದ ಕುರಿತು ಚರ್ಚೆಗಳಾಗುತ್ತಿರುತ್ತವೆ. ಈಗಲೂ ಸ್ಯಾಂಡಲ್​ವುಡ್​ ನಿರ್ದೇಶಕ ಕೆ.ಎಂ. ಚೈತನ್ಯ ಸಹ ಕನ್ನಡ ಬಿಟ್ಟು, ಹಿಂದಯಲ್ಲಿ ಮಾತನಾಡುವ ಕುರಿತು ತಮ್ಮ ಅಭಿಪ್ರಾಯ ಹಂಚಿಕೊಂಡಿದ್ದಾರೆ.

ಪರಾರಿ, ಆಟಗಾರದಂತಹ ಸಿನಿಮಾಗಳನ್ನು ಕೊಟ್ಟಿರುವ ನಿರ್ದೇಶಕ ಕೆ.ಎಂ. ಚೈತನ್ಯ ಅವರಿಗೆ ನಿನ್ನೆ ಟಾಟಾ ಸ್ಕೈ ಗ್ರಾಹಕಸೇವಾ ಸಿಬ್ಬಂದಿಯಿಂದ ಕರೆ ಬಂದಿತ್ತಂತೆ.

ಕರೆ ಮಾಡಿದ್ದವರು ಹಿಂದಿಯಲ್ಲಿ ಮಾತನಾಡಲು ಆರಂಭಿಸಿದ್ದರಂತೆ. ಸ್ವಲ್ಪ ಹೊತ್ತು ಅದನ್ನು ಕೇಳಿಸಿಕೊಂಡ ಚೈತನ್ಯ, ನಂತರ ಕನ್ನಡ ಅಥವಾ ಇಂಗ್ಲಿಷ್​ನಲ್ಲಿ ಮಾತನಾಡುವಂತೆ ಮನವಿ ಮಾಡಿದ್ದರಂತೆ.

ಕನ್ನಡಿಗನಾಗಿ ಬೇರೆ ಭಾಷೆಯಲ್ಲಿ ಅನ್ಯರೊಂದಿಗೆ ಮಾತನಾಡಿದರೆ, ಕೆಲವು ಮಾಹಿತಿ ಅಥವಾ ವಿವರಗಳನ್ನು ಅರಿಯಲು ಆಗುವುದಿಲ್ಲ. ಆದರೆ ನಾವು ಕನ್ನಡಿರಗರು ಬೇರೆ ಭಾಷೆಯವರು ಮಾತನಾಡಿಸಿದಾಗ, ಅವರ ಭಾಷೆ ನಮಗೆ ಬಂದರೆ ಸಾಕು, ಅವರ ಬಳಿ ಅದನ್ನೇ ಮಾತನಾಡಲು ಆರಂಭಿಸುತ್ತೇವೆ ಎಂದು ತಮ್ಮ ಪೋಸ್ಟ್​ನಲ್ಲಿ ಬರೆದುಕೊಂಡಿದ್ದಾರೆ ಚೈತನ್ಯ.

ಆದರೆ ಹಿಂದಿ ಮಾತನಾಡುವವರಲ್ಲಿ ಒಂದು ತಪ್ಪು ಕಲ್ಪನೆ ಇದೆ. ಹಿಂದಿ ಎಲ್ಲರಿಗೂ ಅರ್ಥವಾಗುತ್ತದೆ ಎಂದು. ಆದರೆ ಅದು ತಪ್ಪು.

ಹಿಂದಿ ಮಾತನಾಡುವವರು ಹಾಗೆ ತಿಳಿಯಲು ಒಂದು ಕಾರಣವಿದೆ. ಹಿಂದಿ ರಾಷ್ಟ್ರ ಭಾಷೆ ಎನ್ನುವುದು. ಆದರೆ ಅದು ಸುಳ್ಳು. ದಕ್ಷಿಣ ಭಾರತೀಯರು ಹಿಂದಿಯಷ್ಟೆ ಇಂಗ್ಲಿಷ್​ನಲ್ಲೂ ಮಾತನಾಡುತ್ತಾರೆ ಎಂದು ತಮ್ಮ ಪೋಸ್ಟ್​ನಲ್ಲಿ ಉಲ್ಲೇಖಿಸಿದ್ದಾರೆ.

ನಾನೂ ಹಿಂದಿ ಸಿನಿಮಾ ನೋಡುತ್ತೇನೆ. ಹಿಂಧಿ ಹಾಡುಗಳನ್ನೂ ಕೇಳುತ್ತೇನೆ. ಹಿಂದಿ ಭಾಷೆಯ ವಿರೋಧಿ ಅಲ್ಲ. ಆದರೆ ಹಿಂದಿ ಹೇರಿಕೆ ಕುರಿತು ಅಸಮಾಧಾನವಿದೆ. ಕನ್ನಡಿಗರಾಗಿ ಕನ್ನಡಕ್ಕೆ ಪ್ರಾಮುಖ್ಯ ಕೊಡಬೇಕು ಎನ್ನುತ್ತಾರೆ ಚೈತನ್ಯ.

ಕಚೇರಿಗಳಲ್ಲಿ ನಿಮ್ಮನ್ನು ಯಾರಾದೂ ಹಿಂದಿಯಲ್ಲಿ ಮಾತನಾಡಿಸಿದರೆ, ನೀವು ಕನ್ನಡದಲ್ಲಿ ಮಾತನಾಡಿ, ಅವರಿಗೂ ಕನ್ನಡದಲ್ಲಿ ಮಾತನಾಡುವಂತೆ ಹೇಳಿ ಎಂದೂ ಮನವಿ ಮಾಡಿದ್ದಾರೆ.

ಅಜ್ಜಿಯೊಂದಿಗೆ ನಿರ್ದೇಶಕ ಕೆ.ಎಂ. ಚೈತನ್ಯ

ನಿರ್ದೇಶಕ ಕೆ.ಎಂ. ಚೈತನ್ಯ ಹಾಗೂ ಚಿರಂಜೀವಿ ಸರ್ಜಾ

ನಿರ್ದೇಶಕ ಕೆ.ಎಂ. ಚೈತನ್ಯ ಹಾಗೂ ಚಿರಂಜೀವಿ ಸರ್ಜಾ

ನಿರ್ದೇಶಕ ಕೆ.ಎಂ. ಚೈತನ್ಯ