Love Birds: ಮದುವೆ ಆದ್ಮೇಲೆ ಮಂಗ ಆಗಿದ್ದು ಡಾರ್ಲಿಂಗ್ ಕೃಷ್ಣನಾ, ಮಿಲನಾನಾ?

ಲವ್ ಮಾಕ್ಟೇಲ್ ಸಿನಿಮಾ ಮೂಲಕ ಮೋಡಿ ಮಾಡಿದ್ದ ಜೋಡಿ ಡಾರ್ಲಿಂಗ್ ಕೃಷ್ಣ ಮತ್ತು ಮಿಲನಾ ನಾಗರಾಜ್ ಲವ್ ಬರ್ಡ್ಸ್ ಗಳಾಗಿ ಕಾಣಿಸಿಕೊಳ್ಳಲು ಸಿದ್ಧರಾಗಿದ್ದಾರೆ.

ಲವ್ ಬರ್ಡ್ಸ್ ಚಿತ್ರದ ಟ್ರೇಲರ್ ರಿಲೀಸ್ ಆಗಿದ್ದು, ಟ್ರೇಲರ್ ಜನರಿಗೆ ಇಷ್ಟ ಆಗಿದೆ. ಪ್ರೀತಿಸಿ ಮದುವೆಯಾದವರು ಮೊದಲು ಹೇಗಿರುತ್ತಾರೆ. ದಿನ ಕಳೆದಂತೆ ಹೇಗೆ ಆಡ್ತಾರೆ ಎಂದು ತೋರಿಸಿ ಕೊಡಲಾಗಿದೆ.

ಸ್ಯಾಂಡಲ್‍ವುಡ್‍ನ ರಿಯಲ್ ಲವ್ ಬರ್ಡ್ಸ್ ಮತ್ತೆ ತೆರೆ ಮೇಲೆ ಕಾಣಿಸಿಕೊಳ್ಳಲು ಸಜ್ಜಾಗಿದ್ದಾರೆ. ಮದುವೆ ಆದ ಮೇಲೆ ಯಾರು ಮಂಗ ಆದ್ರು ಅನ್ನೋದೆ ಪ್ರಶ್ನೆ ಆಗಿದೆ.

ಡಾರ್ಲಿಂಗ್ ಕೃಷ್ಣ ವಿಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡಿದ್ದಾರೆ. ಅದರಲ್ಲಿ ಮಿಲನಾಗೆ ಕೇಳ್ತಾರೆ. ಮನುಷ್ಯ ಮಂಗನಿಂದ ಮಾನವ ಆಗೋಕೆ ತುಂಬಾ ಟೈಂ ಹಿಡಿಯಿತು. ಆದ್ರೆ ಮನುಷ್ಯ ಮಂಗ ಆಗೋಕೆ ಮದುವೆ ಆದ್ರೆ ಸಾಕಲ್ವಾ ಎಂದು ಕೇಳ್ತಾರೆ.

ಕೃಷ್ಣನ ಪ್ರಶ್ನೆಗೆ ಮಿಲನಾ ಅವರು, ಮದುವೆ ಆದ ಮೇಲೆ ನೀನು ಮಂಗ ಆದ್ಯಾ? ನಾನು ಆಗಿದೀನಾ ಎಂದು ಕೇಳ್ತಾರೆ. ಅಲ್ಲದೇ ಲವ್ ಬರ್ಡ್ಸ್ ಟ್ರೇಲರ್ ನೋಡಿ ಕಾಮೆಂಟ್ ಮಾಡಿ ಎಂದು ಹೇಳಿದ್ದಾರೆ.

ಲವ್ ಬರ್ಡ್ಸ್ ಚಿತ್ರದಲ್ಲಿ ನಟಿ ಸಂಯುಕ್ತಾ ಹೊರನಾಡು ಲಾಯರ್ ಪಾತ್ರ ಮಾಡುತ್ತಿದ್ದಾರೆ. ಸಿನಿಮಾದಲ್ಲಿ ನಟ-ನಟಿ ಡಿವೋರ್ಸ್ ತೆಗೆದುಕೊಳ್ಳಲು ಇವರ ಬಳಿಯೇ ಬರ್ತಾರೆ.

ಲವ್ ಬರ್ಡ್ಸ್ ಸಿನಿಮಾದ ರಿಲೀಸ್ ಡೇಟ್ ಅನೌನ್ಸ್ ಆಗಿದೆ. ಪ್ರೇಮಿಗಳ ದಿನ ಮುಗಿದ ಮೇಲೆ ಅಂದರೆ ಫೆಬ್ರವರಿ-17  ಲವ್  ಬರ್ಡ್ಸ್​ ಚಿತ್ರ  ಎಲ್ಲೆಡೆ ರಿಲೀಸ್ ಆಗಲಿದೆ.

ಡೈರೆಕ್ಟರ್ ಪಿ.ಸಿ.ಶೇಖರ್ ಈ ಸಿನಿಮಾವನ್ನು ನಿರ್ದೇಶಿಸಿದ್ದಾರೆ. ಈಗಾಗಲೇ ಲವ್ ಮಾಕ್ಟೇಲ್ ಮೂಲಕ ಜನರ ಮನಸ್ಸು ಕದ್ದ ಜೋಡಿ, ಲವ್ ಬರ್ಡ್ಸ್ ಆಗಿ ಇಷ್ಟ ಆಗ್ತಾರಾ ನೋಡಬೇಕು.