Anita Bhat: ಅಡಲ್ಟ್ ಸಿನಿಮಾ​ ಹೀರೋಯಿನ್​ನಂತೆ ಕಾಣ್ತೀಯ ಎಂದವನಿಗೆ ಸ್ಯಾಂಡಲ್​ವುಡ್​ ನಟಿ ಕ್ಲಾಸ್​!

ನಿನ್ನ ಪೂಜೆಗೆ ಬಂದೇ ಮಾದೇಶ್ವರ ಈ ಹಾಡನ್ನು ಯಾರದರೂ ಮರೆಯೋಕೆ ಸಾಧ್ಯನಾ. ಇದೊಂದೇ ಹಾಡು ಅಂತಲ್ಲ. ಈ ಸಿನಿಮಾದ ಎಲ್ಲ ಹಾಡುಗಳೂ ಸೂಪರ್ ಡೂಪರ್ ಹಿಟ್​ ಎಂದರೆ ತಪ್ಪಾಗಲ್ಲ.

ಸೈಕೋ ಸಿನಿಮಾದ ಹಾಡುಗಳು ಈಗಲೂ ಜನಗಳ ಫೇವರೇಟ್ ಸಾಂಗ್ಸ್​ ಎಂದರೆ ತಪ್ಪಾಗಲ್ಲ. ಈ ಸಿನಿಮಾದಲ್ಲಿ ಮುದ್ದು ಮುಖದ ಚೆಲುವೆ ಅನಿತಾ ಭಟ್​ ನಟಿಯಾಗಿ ಕಾಣಿಸಿಕೊಂಡಿದ್ದರು. ಈ ಸಿನಿಮಾ ದೊಡ್ಡ ಮಟ್ಟದಲ್ಲಿ ಹೆಸರು ಮಾಡದಿದ್ರೂ ಜನಗಳ ಮನಸ್ಸು ಗೆದಿತ್ತು.

ಇದಾದ ಬಳಿಕ ಅನಿತಾ ಭಟ್​ ಒಂದಿಷ್ಟು ಸಿನಿಮಾಗಳಲ್ಲಿ ಕಾಣಿಸಿಕೊಂಡಿದ್ದರು. ಇತ್ತೀಚೆಗೆ ಅನಿತಾ ಭಟ್​ ನಟನೆಯ ಬೆಂಗಳೂರು 69 ಎಂಬ ಸಿನಿಮಾ ರಿಲೀಸ್​ ಆಗಿತ್ತು. ಅನಿತಾ ಭಟ್​ ಸೋಷಿಯಲ್​ ಮೀಡಿಯಾದಲ್ಲೂ ಆ್ಯಕ್ಟೀವ್​ ಆಗಿದ್ದಾರೆ.

ಇದೀಗ ಈ ನಟಿಗೆ ಕೆಲವರು ಸೋಷಿಯಲ್​ ಮೀಡಿಯಾದಲ್ಲಿ ಕೆಟ್ಟದಾಗಿ ಕಾಮೆಂಟ್ ಮಾಡಿದ್ದಾರೆ. ನೀವು ನೋಡೋದಕ್ಕೆ ಪೋರ್ನ್ ನಟಿ ಥರ ಕಾಣಿಸ್ತೀರಾ ಎಂದವರ ವಿರುದ್ಧ ಅನಿತಾ ಭಟ್​ ಗರಂ ಆಗಿದ್ದಾರೆ.

ಕೆಲವು ಖಾತೆಗಳಿಂದ ತಮಗೆ ನಿರಂತರವಾಗಿ ಅವಹೇಳನಕಾರಿ ಮಸೇಜ್ ಗಳು ಬರುತ್ತಿವೆ ಎಂದು ಸೋಷಿಯಲ್ ಮೀಡಿಯಾದಲ್ಲಿ ನಟಿ ಅನಿತಾ ಬರೆದುಕೊಂಡಿದ್ದಾರೆ.

ಇದರಲ್ಲಿ ಒಬ್ಬರು ಒಬ್ಬ ತಮ್ಮನ್ನು ಅಶ್ಲೀಲ (Porn) ಚಿತ್ರಗಳ ನಟಿ (Actress) ಎಂದು ಕರೆದಿರುವ ಕುರಿತು ಹೇಳಿಕೊಂಡಿದ್ದಾರೆ. ಯಾವ ಅಶ್ಲೀಲ ಚಿತ್ರದಲ್ಲಿ ನಟಿಸಿದ್ದೇನೆ ಎಂದು ಬಹಿರಂಗ ಪಡಿಸಿ ಎಂದು ಅನಿತಾ ಸವಾಲು ಹಾಕಿದ್ದಾರೆ.

ಇಂತಹ ಬೆದರಿಕೆಗೆ ನಾನು ಜಗ್ಗುವುದಿಲ್ಲ ಎಂದು ಅನಿತಾ ಭಟ್​ ಬರೆದುಕೊಂಡಿದ್ದಾರೆ. ತಮ್ಮ ಬಗ್ಗೆ ಕೆಟ್ಟದ್ದಾಗಿ ಕಾಮೆಂಟ್ ಮಾಡುವವರು ಹೆಸರಿನ ಸಮೇತ ಟ್ವಿಟರ್ ಖಾತೆಯಿಂದಲೇ ಅನಿತಾ ಬೆಂಗಳೂರು ಪೊಲೀಸರಿಗೆ ಟ್ಯಾಗ್ ಮಾಡಿದ್ದಾರೆ.

ಅನಿತಾ ಭಟ್​ 15ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ಅಭಿನಯಿಸಿದ್ದಾರೆ. ಜೊತೆಗೆ ಕನ್ನಡದ ದೊಡ್ಡ ರಿಯಾಲಿಟಿ ಶೋ ಬಿಗ್​ಬಾಸ್​ನಲ್ಲೂ ಕೂಡ ಭಾಗವಹಿಸಿದ್ದರು. ಇದಾದ ಬಳಿಕ ಸೂಪರ್​ ಹಿಟ್ ಸಿನಿಮಾ ಟಗರು ಚಿತ್ರದಲ್ಲೂ ಕಾಣಿಸಿಕೊಂಡಿದ್ದರು.