Pooja Gandhi: ಬಸವಣ್ಣನ ವಚನ ಬರೆದ ಪೂಜಾ ಗಾಂಧಿ, ಮುಂಗಾರು ಮಳೆ ನಟಿಗೆ ಮತ್ತೆ ಮೆಚ್ಚುಗೆ!

ಮುಂಗಾರುಮಳೆ ಸಿನಿಮಾ ಎಷ್ಟು ಹಿಟ್ ಆಗಿತ್ತು ಎಂದು ಎಲ್ಲರಿಗೂ ಗೊತ್ತಿರುವ ವಿಚಾರವೇ, ಆ ಸಿನಿಮಾ ಮೂಲಕ ಪೂಜಾ ಗಾಂಧಿ ಖ್ಯಾತಿ ಹೊಂದಿದರು. ಮುಂಗಾರುಮಳೆ ಸಿನಿಮಾ ಮೂಲಕ ಖ್ಯಾತಿ ಹೊದಿರುವ ಬೆಂಗಾಲಿ ಹುಡುಗಿ ಪೂಜಾ ಗಾಂಧಿ ಕನ್ನಡ ಪ್ರೇಮ ಎಲ್ಲರಿಗೂ ಇಷ್ಟ ಆಗಿದೆ.

ನಟಿ ಪೂಜಾ ಗಾಂಧಿ ಬಸವಣ್ಣನವರ ವಚನ ಬರೆದು ಶುಭಾಶಯ ತಿಳಿಸಿದ್ದಾರೆ. ನಟಿಯ ಕನ್ನಡ ಅಕ್ಷರಕ್ಕೆ ಮತ್ತೆ ಮೆಚ್ಚುಗೆ ವ್ಯಕ್ತವಾಗಿದೆ. ಎಲ್ಲರೂ ಸೂಪರ್ ಎಂದಿದ್ದಾರೆ.

ಅನುಭವ ಮಂಟಪವೆಂಬ ಜಗತ್ತಿನ ಮೊದಲು ಸಂಸತ್ತು ಸ್ಥಾಪಿಸಿದ ಮಹಿಳೆಯರಿಗೆ ಅವರ ಹಕ್ಕು ಮತ್ತು ಗೌರವವನ್ನು ದೊರಕಿಸಿಕೊಟ್ಟ, ಮಾನವರೆಲ್ಲರೂ ಕೂಡಲಸಂಗಮನ ಮಕ್ಕಳೇ ಎಂದು ಪೂಜಾ ಗಾಂಧಿ ಬರೆದಿದ್ದಾರೆ.

ದಯವೇ ಧರ್ಮದ ಮೂಲ, ಕಾಯಕವೇ ಕೈಲಾಸ ಮತ್ತು ಅರಿವೇ ಗುರು ಎಂಬ ಮೂರು ಅಸ್ತ್ರಗಳಿಂದ ನಾವೆಲ್ಲಾರೂ ಜಗದೀಶ್ವರರಾಗಬಹುದೆಂದು, 900 ವರ್ಷಗಳ ಹಿಂದೆಯೇ ತೋರಿಸಿಕೊಟ್ಟ ಮಹಾನ್ ಮಾನವತಾವದಿ, ಆರಾಧ್ಯ ದೈವ, ಬಸವೇಶ್ವರರ ಜಯಂತಿತ ಶುಭಸಂದರ್ಭದಲ್ಲಿ ಕನ್ನಡಿಗರೆಲ್ಲಾರಿಗೂ ನನ್ನ ಶುಭಾಶಯಗಳು ಎಂದು ಪೂಜಾ ಗಾಂಧಿ ತಿಳಿಸಿದ್ದಾರೆ.

ಮುಂಗಾರುಮಳೆ ಸಿನಿಮಾ ಮಾಡುವಾಗ ಪೂಜಾ ಗಾಂಧಿಗೆ ಕನ್ನಡ ಬರುತ್ತಿರಲಿಲ್ಲ. ಏಕೆಂದರೆ ಅವರು ಬೆಂಗಾಲಿ ಚೆಲುವೆ. ಆದ್ರೆ ಈಗ ತುಂಬಾ ಚೆಂದವಾಗಿ ಕನ್ನಡ ಬರೆಯುತ್ತಿದ್ದಾರೆ.

ಅಷ್ಟೇ ಅಲ್ಲದೇ ಪೂಜಾ ಗಾಂಧಿ ಅವರು ಕೆಲ ದಿನಗಳಿಂದ ಕನ್ನಡ ಹಾಡುಗಳು, ವಚನಗಳನ್ನು ಬರೆಯುತ್ತಿದ್ದಾರೆ. ಅವುಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡ್ತಾ ಇರುತ್ತಾರೆ. ಪೂಜಾ ಗಾಂಧಿ ಅವರ ಕನ್ನಡ ಪ್ರೇಮಕ್ಕೆ ಭಾರೀ ಮೆಚ್ಚುಗೆ ವ್ಯಕ್ತವಾಗಿದೆ. ಇಲ್ಲೇ ಇದ್ದು ಕನ್ನಡ ಮರೆಯುವರ ಮಧ್ಯೆ ನೀವು ವಿಭಿನ್ನವಾಗಿ ಕಾಣ್ತೀರಿ ಎಂದು ಹೇಳಿದ್ದಾರೆ.

ಪೂಜಾ ಗಾಂಧಿಯವರು ಅದ್ಭುತವಾದ ನಟನೆ ಮೂಲಕ ಕನ್ನಡಿಗರಿಗೆ ಇಷ್ಟವಾಗಿದ್ದಾರೆ. ಪೂಜಾ ಗಾಂಧಿ ಮುಖ್ಯ ಪಾತ್ರದಲ್ಲಿ ಅಭಿನಯಿಸಿದ್ದ ಸಿನಿಮಾ ದಂಡುಪಾಳ್ಯ. ಈ ಸಿನಿಮಾದಲ್ಲಿ ಅತ್ಯುತ್ತಮ ಕನ್ನಡ ನಟಿಗಾಗಿ ಫಿಲ್ಮ್ ಫೇರ್ ಪ್ರಶಸ್ತಿ ಲಭಿಸಿದೆ.

ಮುಂಗಾರು ಮಳೆ ಸಿನಿಮಾ ಬಳಿಕ ಪೂಜಾಗಾಂಧಿ 'ಮಿಲನ', ತಾಜ್‍ಮಹಲ್, ಬುದ್ಧಿವಂತ, ಕೃಷ್ಣ, ಹಲವು ಸಿನಿಮಾಗಳಲ್ಲಿ ನಟಿಸಿ ಹೆಸರು ಮಾಡಿದ್ದಾರೆ.