Pooja Gandhi: 'ಮುಂಗಾರು ಮಳೆ' ಪೂಜಾ ಗಾಂಧಿ ಹ್ಯಾಂಡ್ ರೈಟಿಂಗ್ ವೈರಲ್, ಕನ್ನಡ ಪ್ರೇಮಕ್ಕೆ ಜೈ ಎಂದ ಫ್ಯಾನ್ಸ್

ಮುಂಗಾರುಮಳೆ ಸಿನಿಮಾ ಎಷ್ಟು ಹಿಟ್ ಆಗಿತ್ತು ಎಂದು ಎಲ್ಲರಿಗೂ ಗೊತ್ತಿರುವ ವಿಚಾರವೇ, ಆ ಸಿನಿಮಾ ಮೂಲಕ ಪೂಜಾ ಗಾಂಧಿ ಖ್ಯಾತಿ ಹೊಂದಿದರು.

ಮುಂಗಾರುಮಳೆ ಸಿನಿಮಾ ಮಾಡುವಾಗ ಪೂಜಾ ಗಾಂಧಿಗೆ ಕನ್ನಡ ಬರುತ್ತಿರಲಿಲ್ಲ. ಏಕೆಂದರೆ ಅವರು ಬೆಂಗಾಲಿ ಚೆಲುವೆ. ಆದ್ರೆ ಈಗ ತುಂಬಾ ಚೆಂದವಾಗಿ ಕನ್ನಡ ಬರೆಯುತ್ತಿದ್ದಾರೆ.

ಕುವೆಂಪು ವಿಮಾನ ನಿಲ್ದಾಣದ ಉದ್ಘಾಟನೆ ಸಂದರ್ಭದಲ್ಲಿ ಶಿವಮೊಗ್ಗ ಕನ್ನಡಿಗರೆಲ್ಲರಿಗೂ ಪೂಜಾ ಗಾಂಧಿ ಅಭಿನಂದನೆಗಳನ್ನು ಸಲ್ಲಿಸಿದ್ದಾರೆ. ಅವರ ಪೋಸ್ಟ್ ಎಲ್ಲೆಡೆ ಹರಿದಾಡ್ತಾ ಇದೆ.

ಸಿರಿಗನ್ನಡಂ ಗೆಲ್ಗೆ, ಸಿರಿಗನ್ನಡಂ ಬಾಳ್ಗೆ ಎಂದು ಬರಹ ಬರೆದುಕೊಂಡು, ಬಾರಿಸು ಕನ್ನಡ ಡಿಂಡಿಮವ ಹಾಡನ್ನು ಪೂಜಾ ಅವರೇ ಬರೆದಿದ್ದಾರೆ. ಅವರ ಅಕ್ಷರಗಳು ತುಂಬಾ ಮುದ್ದಾಗಿವೆ.

ಅಷ್ಟೇ ಅಲ್ಲದೇ ಪೂಜಾ ಗಾಂಧಿ ಅವರು ಕೆಲ ದಿನಗಳಿಂದ ಕನ್ನಡ ಹಾಡುಗಳು, ವಚನಗಳನ್ನು ಬರೆಯುತ್ತಿದ್ದಾರೆ. ಅವುಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡ್ತಾ ಇರುತ್ತಾರೆ.

ಪೂಜಾ ಗಾಂಧಿ ಅವರ ಕನ್ನಡ ಪ್ರೇಮಕ್ಕೆ ಭಾರೀ ಮೆಚ್ಚುಗೆ ವ್ಯಕ್ತವಾಗಿದೆ. ಇಲ್ಲೇ ಇದ್ದು ಕನ್ನಡ ಮರೆಯುವವರ ಮಧ್ಯೆ ನೀವು ವಿಭಿನ್ನವಾಗಿ ಕಾಣ್ತೀರಿ ಎಂದು ಹೇಳಿದ್ದಾರೆ.

ಪೂಜಾ ಗಾಂಧಿಯವರು ಅದ್ಭುತವಾದ ನಟನೆ ಮೂಲಕ ಕನ್ನಡಿಗರಿಗೆ ಇಷ್ಟವಾಗಿದ್ದಾರೆ.ಪೂಜಾ ಗಾಂಧಿ ಮುಖ್ಯ ಪಾತ್ರದಲ್ಲಿ ಅಭಿನಯಿಸಿದ್ದ ಸಿನಿಮಾ ದಂಡುಪಾಳ್ಯ. ಈ ಸಿನಿಮಾದಲ್ಲಿ ಅತ್ಯುತ್ತಮ ಕನ್ನಡ ನಟಿಗಾಗಿ ಫಿಲ್ಮ್ ಫೇರ್ ಪ್ರಶಸ್ತಿ ಲಭಿಸಿದೆ.

ಮುಂಗಾರು ಮಳೆ ಸಿನಿಮಾ ಬಳಿಕ ಪೂಜಾಗಾಂಧಿ 'ಮಿಲನ', ತಾಜ್‍ಮಹಲ್, ಬುದ್ಧಿವಂತ, ಕೃಷ್ಣ, ಹಲವು ಸಿನಿಮಾಗಳಲ್ಲಿ ನಟಿಸಿ ಹೆಸರು ಮಾಡಿದ್ದಾರೆ.