Aishwarya Bhaskaran: ಮುಚ್ಕೊಂಡು ಕೆಲಸ ಮಾಡ್ಬೇಕು, ಲಕ್ಷ್ಮಿ ಪುತ್ರಿ ಐಶ್ವರ್ಯಾ ಹೀಗ್ಯಾಕಂದ್ರು?

ಕನ್ನಡದ ಖ್ಯಾತ ನಟಿ ಲಕ್ಷ್ಮಿ ಅವರ ಪುತ್ರಿ ಐಶ್ವರ್ಯಾ ಭಾಸ್ಕರನ್ ಅವರು ಸೌತ್ ಸಿನಿಮಾ ಇಂಡಸ್ಟ್ರಿಯಲ್ಲಿ ಬೇಡಿಕೆಯ ನಟಿಯಾಗಿದ್ದವರು. ಸೌತ್​ನ ಸ್ಟಾರ್ ನಟರಿಗೆ ಜೋಡಿಯಾಗಿ ನಟಿಸಿದ್ದಾರೆ.

ಕನ್ನಡ, ತಮಿಳು, ತೆಲುಗು, ಮಲಯಾಳಂ ಸಿನಿಮಾದಲ್ಲಿ ಹಲವಾರು ಸಿನಿಮಾ ಮಾಡಿ ಸೌತ್​ನಲ್ಲಿ ಸಾಕಷ್ಟು ಅಭಿಮಾನಿಗಳನ್ನು ಗಳಿಸಿದ್ದಾರೆ. ಐಶ್ವರ್ಯಾ ಅವರು ಯೂಟ್ಯೂಬ್ ಚಾನೆಲ್ ಶುರು ಮಾಡಿದ್ದಾರೆ.

ಸ್ಟಾರ್ ಸೆಲೆಬ್ರಿಟಿಗಳು ಇತ್ತೀಚಿನ ದಿನಗಳಲ್ಲಿ ಯೂಟ್ಯೂಬ್ ಚಾನೆಲ್ ಆರಂಭಿಸುತ್ತಿದ್ದಾರೆ. ಇದೇನು ವಿಶೇಷವಲ್ಲ. ಆದರೆ ಐಶ್ವರ್ಯಾ ವಿಚಾರದಲ್ಲಿ ಇದು ರಾಂಗ್ ಆಗಿದೆ.

ಸ್ಟಾರ್ ಲೆಜೆಂಡ್ ನಟಿಯ ಮಗಳು ನೀವು. ಪ್ರೊಡಕ್ಷನ್ ಹೌಸ್ ತೆರೆಯುವುದು ಬಿಟ್ಟು ಯೂಟ್ಯೂಬ್ ಚಾನೆಲ್ ಶುರು ಮಾಡಿದ್ದೀರಲ್ಲ ಎಂದು ನೆಟ್ಟಿಗರು ಟ್ರೋಲ್ ಮಾಡಿದ್ದಾರೆ.

ಇದರ ಬಗ್ಗೆ ಐಶ್ವರ್ಯಾ ಅವರು ದಿಟ್ಟತನದಿಂದ ಪ್ರತಿಕ್ರಿಯಿಸಿದ್ದಾರೆ. ನನ್ನ ಕೆಪಾಸಿಟಿ ಎಷ್ಟಿದೆ ಅಷ್ಟನ್ನು ಮಾಡಬಹುದು. ಸಾಧ್ಯವಾದನ್ನು ಮಾಡಲಾಗುವುದಿಲ್ಲ ಎಂದಿದ್ದಾರೆ.

ದೊಡ್ಡ ನಟಿಯ ಮಗಳು, ದೊಡ್ಡ ಮನೆಯ ಮಗಳು ಎಂದು ಹೆತ್ತರವರಿಗೆ ಹಿಂಸೆ ಕೊಡಬಾರದು. ಇದು ತುಂಬಾ ಅಸಹ್ಯ. ನಮ್ಮ ಕೆಲಸ ನಾವು ಮಾಡಿಕೊಳ್ಳಬೇಕು ಎಂದು ನೇರವಾಗಿ ಹೇಳಿದ್ದಾರೆ ನಟಿ.

ನನ್ನ ತಾಯಿ ರಿಯಲ್ ಸ್ಟಾರ್. ನಾನು ಅಂಥಹ ಲೆಜೆಂಡ್ ಅಲ್ಲ. ನಾನು ನನ್ನ ಜೀವನ ಪೂರ್ತಿ ಕೆಲಸ ಮಾಡುತ್ತೇನೆ. ಯಾರ ಮೇಲೂ ಅವಲಂಬಿತೆಯಾಗಿ ಬದುಕುವುದಿಲ್ಲ. ನನ್ನ ಸಾವಿನ ನಂತರ ಅಂತ್ಯಕ್ರಿಯೆಗೂ ಹಣ ಇಟ್ಟು ಹೋಗುತ್ತೇನೆ ಎಂದಿದ್ದಾರೆ ಐಶ್ವರ್ಯಾ.

18 ವರ್ಷ ಆಗೋ ತನಕ ನನ್ನ ಜವಾಬ್ದಾರಿ ನನ್ನ ತಾಯಿಯದ್ದು. ಅವರು ವಿದ್ಯಾಭ್ಯಾಸ ಕೊಟ್ಟಿದ್ದಾರೆ. ಹಾಗಿರುವಾಗ ಮುಚ್ಕೊಂಡು ನಾವು ನಮ್ಮ ಕೆಲಸ ಮಾಡಬೇಕು ಎಂದಿದ್ದಾರೆ ನಟಿ.

ದೊಡ್ಡೋರಾದ ಮೇಲೆ ಮಕ್ಕಳು ತಂದೆ ತಾಯಿಯ ಬಳಿ ಸಹಾಯ ಕೇಳೋದು, ಹಣ ಕೇಳೋದು ತಪ್ಪು. ಅವರಿಗೆ ಭಾರವಾಗಿರಬಾರದು ಎಂದು ಹೇಳಿದ್ದಾರೆ.

ಐಶ್ವರ್ಯಾ ಅವರು ಒಂದು ಹಿಂದಿ ಸಿನಿಮಾದಲ್ಲಿ ನಟಿಸಿದ್ದಾರೆ. ಅದನ್ನು ಬಿಟ್ಟು ಎಲ್ಲವೂ ಸೌತ್ ಸಿನಿಮಾಗಳು.

ತಾಯಿ ಹಾಗೂ ಅಜ್ಜಿಯೊಂದಿಗೆ ನಟಿ ಐಶ್ವರ್ಯಾ ಭಾಸ್ಕರನ್. ಹಲವು ವರ್ಷಗಳ ಹಿಂದೆ ಮೂರು ತಲೆಮಾರಿನ ಈ ಫೋಟೋ ಮ್ಯಾಗಜಿನ್ ಒಂದರ ಮುಖಪುಟದಲ್ಲಿ ಬಂದಿತ್ತು.