Actress Karunya Ram: ತಮ್ಮ ಏರಿಯಾ ಗುಂಡಿಗಳನ್ನು ಮುಚ್ಚಿದ ಕಾರುಣ್ಯ ರಾಮ್, ನಟಿ ಕೆಲಸಕ್ಕೆ ಜನರ ಮೆಚ್ಚುಗೆ!

ಸ್ಯಾಂಡಲ್‍ವುಡ್ ನಟಿ, ವಜ್ರಕಾಯ ಬೆಡಗಿ ಕಾರುಣ್ಯ ರಾಮ್ ಸದ್ಯ ಸುದ್ದಿಯಲ್ಲಿದ್ದಾರೆ. ಅದು ಸಿನಿಮಾ ಅಥವಾ ನಟನೆಯಿಂದ ಅಲ್ಲ. ರಸ್ತೆಯಲ್ಲಿನ ಗುಂಡಿಗಳನ್ನು ಮುಚ್ಚುವ ಮೂಲಕ.

ರಾತ್ರೋರಾತ್ರಿ ತಮ್ಮ ರಾಜರಾಜೇಶ್ವರಿ ನಗರ ಏರಿಯಾದ ರಸ್ತಿ ಗುಂಡಿಗಳನ್ನು ಮುಚ್ಚಿದ್ದಾರೆ. ರಾತ್ರಿ 11 ಗಂಟೆಗೆ ಸ್ನೇಹಿತರ ಜೊತೆ ಸೇರಿ ಗುಂಡಿಗಳನ್ನು ಮುಚ್ಚಿದ್ದಾರೆ.

ಸರ್ಕಾರ ಅಥವಾ ಜನಪ್ರತಿನಿಧಿಗಳನ್ನು ಬೈಯುವ ಬದಲು, ನಾವೇ ನಮ್ಮ ಏರಿಯಾದ ಒಂದೊಂದು ಗುಂಡಿಗಳನ್ನು ಮುಚ್ಚಿದ್ರೆ ಸಾಕು, ಗುಂಡಿಗಳು ಇರುವುದಿಲ್ಲ ಎಂದು ನಟಿ ಕಾರುಣ್ಯ ರಾಮ್ ಹೇಳಿದ್ದಾರೆ.

ಇವರು ಗುಂಡಿಗಳನ್ನು ಮುಚ್ಚುವಾಗ ಓಡಾಡುವ ಜನ ನಿಂತು, ನಟಿ ಅವರು ಕೆಲಸಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರಂತೆ. ಒಳ್ಳೆಯ ಕೆಲಸ ಮಾಡ್ತಾ ಇದ್ದೀರಿ ನಿಮಗೆ ಒಳ್ಳೆಯದಾಗಲಿ ಎಂದಿದ್ದಾರಂತೆ.

ನಟಿ ಗುಂಡಿ ಮುಚ್ಚಲು 2 ಘಟನೆಗಳು ಕಾರಣವಂತೆ. ಕಾರುಣ್ಯ ಅವರು ಸ್ನೇಹಿತರ ಪೋಷಕರು ಗಾಡಿ ಓಡಿಸುವಾಗ ರಸ್ತೆ ಗುಂಡಿಗೆ ಬಿದ್ದು ಆಸ್ಪತ್ರೆ ಸೇರಿದ್ದರಂತೆ. ಅದರಲ್ಲಿ ಒಬ್ಬರು ಮೃತರಾಗಿದ್ದಾರಂತೆ.

ಇನ್ನು, ನಟಿ ಕಾರುಣ್ಯ ರಾಮ್ ಅವರ ಮುಂದೆ ಹುಡುಗಿಯೊಬ್ಬಳು ಗಾಡಿ ಮೇಲಿಂದ ಬಿದ್ದಳಂತೆ. ಜೀವನ ಮುಖ್ಯ. ಅದಕ್ಕೆ ನನಗೆ ಗುಂಡಿ ಮುಚ್ಚಬೇಕು ಎಂದು ಅನ್ನಿಸಿತು ಎಂದು ಹೇಳಿದ್ದಾರೆ.

ಜನರು ಮನಸ್ಸು ಮಾಡಬೇಕು. ಜನ ಮನಸ್ಸು ಮಾಡಿದ್ರೆ ಬೆಂಗಳೂರನ್ನು ಗುಂಡಿ ಮುಕ್ತ ಮಾಡಬಹುದು ಎಂದು ನಟಿ ಕಾರುಣ್ಯ ರಾಮ್ ಹೇಳಿದ್ದಾರೆ.

ನಟಿ ಕಾರುಣ್ಯ ರಾಮ್ ಅವರು ಸಂಸ್ಕಾರ ಟ್ರಸ್ಟ್ ಮೂಲಕ ಹಲವು ಸೇವೆಗಳನ್ನು ಮಾಡ್ತಾ ಇದ್ದಾರೆ. ಕೋವಿಡ್ ಟೈಮ್‍ನಲ್ಲೂ ಹಲವರಿಗೆ ಸಹಾಯ ಮಾಡಿದ್ದಾರೆ.