Sneha Acharya: ಪ್ರೆಗ್ನೆನ್ಸಿ ಫೋಟೋಶೂಟ್‌ ಮಾಡಿಸಲು ನಟಿಯ ಸಾಹಸ, ಶಾಕ್ ಆದ ನೆಟ್ಟಿಗರು!

ಬಿಗ್ ಬಾಸ್ ಕನ್ನಡ ಸೀಸನ್ 6ರ ಸ್ಪರ್ಧಿ, ನಟಿ ಸ್ನೇಹಾ ಆಚಾರ್ಯ ಅವರು ತಾಯಿ ಆಗ್ತಿದ್ದಾರೆ. ಮೊದಲ ಮಗುವಿನ ನಿರೀಕ್ಷೆಯಲ್ಲಿರುವ ನಟಿ ಆ ಖುಷಿಯನ್ನು ಸೋಶಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿದ್ದಾರೆ.

ಬೇಬಿ ಬಂಪ್ ಫೋಟೋ ಹಾಕಿ ಒಂದು ದೊಡ್ಡ ಸಾಹಸವು ಪಾರಂಭವಗಲಿದೆ ಎಂದು ಈ ಹಿಂದೆ ಪೋಸ್ಟ್ ಹಾಕಿಕೊಂಡಿದ್ದರು. ಉದ್ದನೆಯ ಗೌನ್‍ನಲ್ಲಿ ಚೆಂದವಾಗಿ ಫೋಟೋಗೆ ಪೋಸ್ ನೀಡಿದ್ದರು.

ಈಗ ಹೊಸ ಫೋಟೋಶೂಟ್ ಮಾಡಿಸಿದ್ದು, ಕಪಲ್ ಯೋಗ ರೀತಿ ಪೋಸ್ ಕೊಟ್ಟಿದ್ದಾರೆ. ಕಪ್ಪು ಬಣ್ಣದ ಬಾಡಿ ಫಿಟ್ ಸೂಟ್ ಧರಿಸಿದ್ದಾರೆ. ಈ ಫೋಟೋಗಳನ್ನು ನೋಡಿ ನೆಟ್ಟಿಗರು ಶಾಕ್ ಆಗಿದ್ದಾರೆ.

ಸ್ನೇಹಾ ಆಚಾರ್ಯ ಫೋಟೋಗಳಿಗೆ, 'ಕೇವಲ ಗರ್ಭಧಾರಣೆಯ ತೋರಣ. ನನ್ನ 38 ನೇ ವಾರದಲ್ಲಿ ನಾನು ಸೂಪರ್ ಹೀರೋಗಿಂತ ಕಡಿಮೆಯಿಲ್ಲ ಎಂದು ಭಾವಿಸುತ್ತೇನೆ' ಎಂದು ಪೋಸ್ಟ್ ಹಾಕಿಕೊಂಡಿದ್ದಾರೆ.

ಸ್ನೇಹಾ ಆಚಾರ್ಯ ಫೋಟೋ ನೋಡಿ ಎಲ್ಲರೂ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಒಳ್ಳೆಯದಾಗಲಿ ಅಂತ ವಿಶ್ ಮಾಡಿದ್ದಾರೆ. ಸಹ ನಟಿಯರು, ಸ್ನೇಹಿತರು ಕಂಗ್ರಾಟ್ಸ್ ಹೇಳಿದ್ದಾರೆ. ಶೀಘ್ರದಲ್ಲಿಯೇ ಸ್ನೇಹಾ ಆಚಾರ್ಯ ಅವರಿಗೆ ಮಗು ಆಗಲಿದ್ದು, ತಾಯಿ, ಮಗು ಆರೋಗ್ಯವಾಗಿರಿ ಎಂದು ಅಭಿಮಾನಿಗಳು ವಿಶ್ ಮಾಡಿದ್ದಾರೆ.

ನಟಿ ಸ್ನೇಹಾ ಆಚಾರ್ಯ ಅವರು ಸತ್ಯಂ ಶಿವಂ ಸುಂದರಂ, ಸಾಗರ ಸಂಗಮ ಧಾರಾವಾಹಿಯಲ್ಲಿ ನಟಿಸಿದ್ದರು. ಜೋಶ್, ಆಕೆ, ಸಂತು ಸ್ಟ್ರೇಟ್ ಫಾರ್ವಡ್, ಕೃಷ್ಣಲೀಲಾ ಸಿನಿಮಾದಲ್ಲೂ ಅವರು ನಟಿಸಿದ್ದರು.

ರಷ್ಯಾದ ಹುಡುಗ ರಾಯನ್ ಎಂಬುವವರನ್ನು ಸ್ನೇಹಾ ಆಚಾರ್ಯ ಪ್ರೀತಿಸಿ ಮದುವೆ ಆಗಿದ್ದಾರೆ. 2018ರಲ್ಲಿ ಹಿಂದು ಸಂಪ್ರದಾಯದಂತೆ ಇವರ ವಿವಾಹ ಜರುಗಿತ್ತು. ಮದುವೆ ಆದ ಮೇಲೆ ಸ್ನೇಹಾ ಆಚಾರ್ಯ ಅವರು ಪತಿ ರಾಯನ್ ಜೊತೆ ವಿದೇಶದಲ್ಲೇ ನೆಲೆಸಿದ್ದಾರೆ. ಅಲ್ಲಿದ್ದರೂ ಅವರಿಗೆ ಭಾರತೀಯ ಸಂಸ್ಕøತಿ , ಆಚಾರ-ವಿಚಾರಗಳು ಇಷ್ಟ.

ಡ್ಯಾನ್ಸ್ ಎಂದ್ರೆ ಸ್ನೇಹಾ ಆಚಾರ್ಯ ಅವರಿಗೆ ತುಂಬಾ ಇಷ್ಟ. ಹಲವು ರಿಯಾಲಿಟಿ ಶೋಗಳಲ್ಲಿ ಭಾಗವಹಿಸಿದ್ದಾರೆ. ತಮ್ಮದೇ ಆದ ಡ್ಯಾನ್ಸ್ ಕಂಪನಿ ಮಾಡುವ ಉದ್ದೇಶ ಹೊಂದಿದ್ದಾರೆ.