Anita Bhat: ಅನಿತಾ ಭಟ್ ಸಹೋದರ ನಿಧನ, ಅಣ್ಣನ ನೆನಪಲ್ಲಿ ನಟಿ ಭಾವುಕ ಸಂದೇಶ

ಸ್ಯಾಂಡಲ್‍ವುಡ್ ನಟಿ ಅನಿತಾ ಭಟ್ ಅವರ ಸಹೋದರ ನಿಧನರಾಗಿದ್ದಾರೆ. ಸೈಕೋ, ಕನ್ನೇರಿ, ಬೆಂಗಳೂರು 69 ಸೇರಿದಂತೆ ಹಲವು ಸಿನಿಮಾಗಳಲ್ಲಿ ನಟಿಸಿರುವ ಅನಿತಾ ಭಟ್ ಮನೆಯಲ್ಲಿ ದುಃಖ ಮಡುಗಟ್ಟಿದೆ.

ಸಹೋದರನ ಸಾವಿನ ನೋವು ನಟಿ ಅನಿತಾ ಭಟ್ ಅವರನ್ನು ಕಾಡ್ತಿದೆ. ಅಣ್ಣನನ್ನು ನೆನೆದು ಭಾವುಕ ಪೋಸ್ಟ್ ಹಾಕಿಕೊಂಡಿದ್ದಾರೆ. ಬಿಡಿಸಲಾಗದ ಬಂಧ ಕಳಚಿದೆ ಎಂದಿದ್ದಾರೆ.

'ನನ್ನ ಹೃದಯದ ತುಂಡು ನಿನ್ನೆ ಹರಿದಿದೆ. ನನ್ನ ಸಹೋದರ ಹೃದಯ ಸ್ತಂಭನದಿಂದ ನಮ್ಮನ್ನು ಅಗಲಿದ್ದಾರೆ. ನಾವು ಅನುಭವಿಸುತ್ತಿರುವ ನೋವನ್ನು ಯಾವುದೇ ಪದಗಳಲ್ಲಿ ವಿವರಿಸಲು ಸಾಧ್ಯವಿಲ್ಲ' ಎಂದು ಅನಿತಾ ಭಟ್ ಬೇಸರದಲ್ಲಿದ್ದಾರೆ.

'ನಾವು ಒಪ್ಪಿಕೊಳ್ಳಬೇಕಾದ ಕಹಿ ಸತ್ಯವೆಂದರೆ ಅವನು ಹಿಂತಿರುಗುವುದಿಲ್ಲ. ಆತನಿಗೆ ಸದ್ಗತಿ ಸಿಗುವಂತೆ ಅನುಗ್ರಹಿಸಿ. ಈಗ ನಿಮ್ಮ ಆಶೀರ್ವಾದ ಬೇಕು' ಎಂದು ಅವರೊಟ್ಟಿಗಿನ ಫೋಟೋ ಜೊತೆ ಟ್ವೀಟ್ ಮಾಡಿದ್ದಾರೆ.

ನಟಿ ಅನಿತಾ ಭಟ್ ಪೋಸ್ಟ್‌ಗೆ ಅಭಿಮಾನಿಗಳು, ಆಪ್ತರು, ಚಿತ್ರರಂಗದ ಸ್ನೇಹಿತರು ಕಂಬನಿ ಮಿಡಿದಿದ್ದಾರೆ. ನಿಮ್ಮ ಸಹೋದರನ ಆತ್ಮಕ್ಕೆ ಶಾಂತಿ ಸಿಗಲಿ ಎಂದು ಹೇಳಿದ್ದಾರೆ.

ಅನಿತಾ ಭಟ್ ಅವರು ತಮ್ಮ ಸಹೋದರನೊಂದಿಗೆ ಎಲ್ಲಾ ವಿಷಯಗಳನ್ನು ಶೇರ್ ಮಾಡ್ತಾ ಇದ್ರಂತೆ. ನನಗೆ ಯಾವಾಗಲೂ ಬೆಂಬಲವಾಗಿ ನಿಲ್ತಾ ಇದ್ರು ಎಂದಿದ್ದಾರೆ.

ನಟಿ ತಮ್ಮ ಸಹೋದರನ ಸಾವಿನ ನೋವನ್ನು ಮರೆಯಲಾಗದೇ ಸಂಕಟದಲ್ಲಿದ್ದಾರೆ. ಯಾರೇ ಸಮಾಧಾನ ಹೇಳಿದ್ರೂ ಅವರ ಸ್ಥಾನ ತುಂಬುವವರು ಯಾರು ಇಲ್ಲ ಎಂದಿದ್ದಾರೆ.

ಅನಿತಾ ಭಟ್ ಅವರು 15ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಮತ್ತು ಕನ್ನಡದ ಅತಿ ದೊಡ್ಡ ರಿಯಾಲಿಟಿ ಶೋ ಬಿಗ್ ಬಾಸ್ ಸೀಸನ್  2ನಲ್ಲೂ ಸ್ಪರ್ಧಿಸಿದ್ದರು.