Actor Zaid khan: ನಾನು ಗೆದ್ದಿರೋದು ಕನ್ನಡಿಗರಿಂದಲೇ ಎಂದ ಝೈದ್ ಖಾನ್! ಹಿಂದಿ ಬಿಗ್ ಆಫರ್ ತಿರಸ್ಕರಿಸಿದ ಜಮೀರ್ ಪುತ್ರ

ಇತ್ತೀಚೆಗೆ ಬಿಡುಗಡೆಯಾಗಿದ್ದ ಬನಾರಸ್ ಚಿತ್ರವು ಪ್ರೇಕ್ಷಕರ ಮನ ಗೆದ್ದಿತ್ತು. ಮೊದಲ ಸಿನಿಮಾದಲ್ಲಿ ಝೈದ್ ಖಾನ್ ಅದ್ಭುತವಾಗಿ ನಟಿಸಿದ್ದಾರೆ ಎಂಬ ಮಾತುಗಳು ಕೇಳಿ ಬಂದಿದ್ದವು. ಚಿತ್ರವೂ ಚೆನ್ನಾಗಿ ಮೂಡಿ ಬಂದಿದೆ.

ಬನಾರಸ್ ಚಿತ್ರವು 5 ಭಾಷೆಗಳಲ್ಲಿ ಬಿಡುಗಡೆ ಆಗಿತ್ತು. ಎಲ್ಲಾ ಭಾಷೆಗಳಲ್ಲಿ ಮೆಚ್ಚುಗೆ ಪಡೆದಿದೆ. ಈಗ ಬನಾರಸ್ ಚಿತ್ರದ ನಾಯಕ ಕನ್ನಡಿಗರು ಮೆಚ್ಚುವ ಕೆಲಸ ಮಾಡಿದ್ದಾರೆ.

ಝೈದ್ ಖಾನ್ ಅವರ ಬನಾರಸ್ ಚಿತ್ರದ ನಟನೆ ನೋಡಿ ಬಾಲಿವುಡ್ ನಿಂದ ದೊಡ್ಡ ಆಫರ್ ಬಂದಿದೆ. ಹಿಂದಿಯ ಖ್ಯಾತ ನಿರ್ದೇಶಕರೋರ್ವರು ಒಂದು ಸಿನಿಮಾ ಮಾಡಲು ಇವರನ್ನು ಸಂಪರ್ಕಿಸಿದ್ದಾರಂತೆ. ಅಲ್ಲದೇ ಪ್ರಸಿದ್ಧ ನಟಿ ಸಹ ಇರಲಿದ್ದಾರಂತೆ.

ಆದ್ರೆ ನಟ ಝೈದ್ ಖಾನ್ ಅವರು ಈ ಆಫರ್ ನ್ನು ತಿರಸ್ಕರಿಸಿದ್ದಾರೆ. ಯಾಕಂದ್ರೆ ಆ ನಿರ್ದೇಕರ ಜೊತೆ ಮಾತನಾಡಿದಾಗ ಸಿನಿಮಾ ಇಷ್ಟ ಆಗಿತ್ತಂತೆ. ಆದ್ರೆ ಆ ಚಿತ್ರವನ್ನು ಕನ್ನಡದಲ್ಲೂ ಮಾಡುವಂತೆ ಝೈದ್ ಖಾನ್ ಹೇಳಿದ್ದಾರೆ. ಅದನ್ನು ನಿರ್ದೇಶಕರು ಒಪ್ಪಿಲ್ಲ. ಅದಕ್ಕೆ ರಿಜೆಕ್ಟ್ ಮಾಡಿದ್ದಾರಂತೆ.

ಝೈದ್ ಕಾನ್ ಅವರು ಆ ನಿರ್ದೇಶಕ ಬಳಿ ಈ ರೀತಿ ಹೇಳಿದ್ದಾರಂತೆ. ನೀವು ನನಗೆ ಚಾನ್ಸ್ ಕೊಡಲು ಕಾರಣ ಕನ್ನಡದ ಬನಾರಸ್ ಚಿತ್ರ. ಕನ್ನಡಲ್ಲೇ ಸಿನಿಮಾ ಮಾಡಲ್ಲ ಅಂದ್ರೆ, ನನಗೆ ಹಿಂದಿ ಸಿನಿಮಾ ಬೇಡ ಎಂದಿದ್ದಾರೆ.

ನನಗೆ ಕನ್ನಡ ಸಿನಿಮಾ ರಂಗ ಇಷ್ಟ. ನಾನು ಕನ್ನಡ ಚಿತ್ರರಂಗವನ್ನು ಬಿಟ್ಟು ಹೋಗುವುದಿಲ್ಲ. ಇಲ್ಲೇ ಒಳ್ಳೆಯ ಸಿನಿಮಾಗಳನ್ನು ತೆಗೆಯುವುದಾಗಿ ನಟ ಝೈದ್ ಖಾನ್ ಹೇಳಿದ್ದಾರೆ.

ನಟ ಝೈದ್ ಖಾನ್ ಕನ್ನಡ ಪ್ರೀತಿ ಕೇಳಿ ಎಲ್ಲರೂ ಬೆರಗಾಗಿದ್ದಾರೆ. ಕನ್ನಡಕ್ಕಾಗಿ ದೊಡ್ಡ ಆಫರ್ ನ್ನೇ ತಿರಸ್ಕರಿಸಿದ್ದಾರೆ. ಇದರಲ್ಲೇ ಅವರ ಕನ್ನಡ ಪ್ರೇಮ ಗೊತ್ತಾಗುತ್ತೆ ಎಂದು ಅಭಿಮಾನಿಗಳು ಹೇಳಿದ್ದಾರೆ.

ಝೈದ್ ಖಾನ್ ಅವರಿಗೆ ಕನ್ನಡದ ಮೇಲಿರುವ ಪ್ರೀತಿ ಕೇಳಿ ಎಲ್ಲರೂ ಹೊಗಳಿದ್ದಾರೆ. ಈ ರೀತಿ ನಟ ಕನ್ನಡಕ್ಕೆ ಬೇಕು ಎಂದಿದ್ದಾರೆ. ಇನ್ನಷ್ಟು ಚಿತ್ರಗಳಲ್ಲಿ ಝೈದ್ ಖಾನ ನಟಿಸಲಿದ್ದಾರೆ.