Yash-Radhika: ಮಾರ್ಗಿ ಮನಸ್ಸು ಕದ್ದ ರಾಮಾಚಾರಿ! ರಾಜಾಹುಲಿಗೆ 6 ತಿಂಗಳು ಸತಾಯಿಸಿದ್ದ ರಾಧಿಕಾ!?

ಮಂಡ್ಯದ ರಾಜಾಹುಲಿಗೂ ಮೊಗ್ಗಿನ ಮನಸ್ಸಿಗೂ ಲವ್ ಆಗಿದ್ದು ಹೇಗೆ ಅನ್ನೋದು ಅವರ ಅಭಿಮಾನಿಗಳ ಪ್ರಶ್ನೆಯಾಗಿದೆ. ಚಂದನವನದ ಚೆಲುವೆ ರಾಧಿಕಾ ಪಂಡಿತ್ ಮನಸ್ಸು ಗೆಲ್ಲೋದ್ದಕ್ಕೆ ರಾಕಿ ಭಾಯ್ ತುಂಬಾನೇ ಕಷ್ಟ ಪಟ್ಟಿದ್ದಾರಂತೆ

ಸೀರಿಯಲ್ ಮೂಲಕ ಬಣ್ಣದ ಲೋಕಕ್ಕೆ ಎಂಟ್ರಿ ಕೊಟ್ಟ ರಾಧಿಕಾ, ಯಶ್ 2004ರಲ್ಲಿ ನಂದಗೋಕುಲ ಎಂಬ ಧಾರಾವಾಹಿ ಮಾಡ್ತಿದ್ರು. ಶೂಟಿಂಗ್ ಸಮಯದಲ್ಲಿ ಮೊಟ್ಟಮೊದಲ ಬಾರಿಗೆ ಯಶ್ ಮತ್ತು ರಾಧಿಕಾ ಭೇಟಿಯಾಗಿದ್ದರು.

ಇಬ್ಬರು ಸಹ ಒಂದೇ ಕ್ಯಾಬ್ ನಲ್ಲಿ ಓಡಾಡುವಾಗ ಇಬ್ಬರಿಗೂ ಫ್ರೆಂಡ್ ಶಿಪ್ ಆಗಿದೆ. ಬಹಳ ದಿನಗಳ ಕಾಲ ರಾಧಿಕಾ ಒಂದೇ ಕ್ಯಾಬ್ ನಲ್ಲಿ ಬಂದ್ರೂ ಮಾತೇ ಆಡುತ್ತಿರಲಿಲ್ಲವಂತೆ. ಇದೇ ರೀತಿ ಮೊಗ್ಗಿನ ಮನಸ್ಸು ಸಿನಿಮಾದಲ್ಲೂ ನಡೆಯಿತು ಎಂದು ಸ್ವತಃ ಯಶ್ ಹೇಳಿಕೊಂಡಿದ್ರು.

ಕೆಲವು ವರ್ಷಗಳ ನಂತರ ಯೋಗರಾಜ್ ಭಟ್ ನಿರ್ದೇಶನದ ಡ್ರಾಮಾ ಸಿನಿಮಾದಲ್ಲೂ ಕೂಡ ಬೇರೊಬ್ಬ ನಾಯಕಿಯ ಬದಲಿಗೆ ರಾಧಿಕಾರವರಿಗೆ ಚಾನ್ಸ್ ಸಿಕ್ಕಿತ್ತು. ಹೀಗಾಗಿ ಇಬ್ಬರೂ ಪದೇ ಪದೇ ಭೇಟಿಯಾಗುತ್ತಿದ್ರು. ಈ ವೇಳೆ ಸ್ನೇಹ ಕೂಡ ಬೆಳೆದಿದೆ.

ಹಲವು ವರ್ಷಗಳು ಇದೇ ರೀತಿ ನಡೆದುಕೊಂಡು ಬಂದಿತು. ಈ ಸಂದರ್ಭದಲ್ಲಿ ಇಬ್ಬರೂ ಸಹ ಒಬ್ಬರನ್ನೊಬ್ಬರು ಚೆನ್ನಾಗಿ ಅರ್ಥ ಮಾಡಿಕೊಂಡರು. ಅರ್ಥ ಮಾಡಿಕೊಳ್ಳುವ ಹಾಗೆ ರಾಧಿಕಾ ಮಾಡಿದರು ಎಂದು ಯಶ್ ಸಂದರ್ಶನವೊಂದರಲ್ಲಿ ಹೇಳಿದ್ರು.

2000 ರಲ್ಲಿ ಪ್ರೇಮಿಗಳ ದಿನಾಚರಣೆಯಂದು ಯಶ್ ರವರು ರಾಧಿಕಾ ಅವರಿಗೆ ಇಷ್ಟವಾದ ವಸ್ತುಗಳನ್ನು ಒಂದು ಬ್ಯಾಸ್ಕೆಟ್ ನಲ್ಲಿ ಹಾಕಿ ಪ್ಯಾಕ್ ಮಾಡಿ ಅದನ್ನು ಅವರ ಕಾರಿನ ಒಳಗಡೆ ಇಟ್ಟಿದ್ದರಂತೆ. ಈ ರೀತಿ ತಮ್ಮ ಲವ್ ಪ್ರಪೋಸಲ್ ತಿಳಿಯುವಂತೆ ಮಾಡಿದ್ರು.

ಯಶ್ ಅನೇಕ ಬಾರಿ ಫೋನ್ ಮೂಲಕ  ಬಾರಿ ಪ್ರೀತಿ ವಿಷಯ ಹೇಳಿದ್ರು ಕೂಡ ರಾಧಿಕಾ ಒಪ್ಪಿಕೊಂಡಿರಲಿಲ್ಲ, ಸುಮಾರು 6 ತಿಂಗಳುಗಳ ಕಾಲ ಸಮಯಾವಕಾಶ ತೆಗೆದುಕೊಂಡರಂತೆ. ಒಮ್ಮೆ ವರಮಹಾಲಕ್ಷ್ಮಿ ಹಬ್ಬದಂದು ಯಶ್ , ರಾಧಿಕಾರನ್ನು ತಮ್ಮ ಕುಟುಂಬಸ್ಥರಿಗೆ ಪರಿಚಯ ಮಾಡಿಕೊಡಲು ಮನೆಗೆ ಕರೆದುಕೊಂಡು ಹೋಗಿ, ರಾಧಿಕಾರನ್ನು ಇಷ್ಟಪಡುತ್ತಿರುವುದಾಗಿ ತಿಳಿಸಿದ್ದಾರೆ.

ಬಳಿಕ, ಡಿಸೆಂಬರ್ 9 , 2016 ರಲ್ಲಿ ರಾಧಿಕಾ ಇಷ್ಟದಂತೆ ಗೋವಾದಲ್ಲಿ ಇಬ್ಬರ ಮದುವೆ ನಡೆಯಿತು. 2018 ಡಿಸೆಂಬರ್ 2 ರಂದು ರಾಧಿಕಾ ಪಂಡಿತ್ ಮುದ್ದು ಮಗಳು ಐರಾಗೆ ಜನ್ಮ ನೀಡಿದ್ರು. ಒಂದು ವರ್ಷದ ನಂತರ 2019 ರಲ್ಲಿ, ಮಗ ಯಥರ್ವ್ ಕೂಡ ಜನಿಸಿದ.