Vasishta Simha: ಟಗರು ಚಿಟ್ಟೆ ವಸಿಷ್ಠ ಸಿಂಹಗೆ ಬರ್ತ್​ಡೇ ಸಂಭ್ರಮ, ಲವ್ ಲಿ ಚಿತ್ರದ ಟೀಸರ್ ಬಿಡುಗಡೆ

ಚಿಟ್ಟೆ, ಸ್ಯಾಂಡಲ್‍ವುಡ್ ನ ಚಿಟ್ಟೆ ಅಂದ್ರೆ ಅದು ನಟ ವಸಿಷ್ಠ ಸಿಂಹ. ಟಗರು ಖ್ಯಾತಿಯ ವಸಿಷ್ಠ ಸಿಂಹಗೆ ಇಂದು ಹುಟ್ಟು ಹಬ್ಬದ ಸಂಭ್ರಮ ಇಂದೇ ಅವರ ಮುಂದಿನ ಚಿತ್ರ ಲವ್ ಲಿ ಚಿತ್ರದ ಟೀಸರ್ ಬಿಡುಗಡೆ ಮಾಡಲಿದ್ದಾರೆ.

ಟಗರು ಚಿತ್ರದಲ್ಲಿ ಡಾಲಿ-ಚಿಟ್ಟೆ ಜೋಡಿ ಮೋಡಿ ಮಾಡಿತ್ತು. ಎಲ್ಲರೂ ಅಂದಿನಿಂದ ವಸಿಷ್ಠ ಸಿಂಹರನ್ನು ಚಿಟ್ಟೆ ಎಂದೇ ಕರೆಯುತ್ತಾರೆ. ಈ ಚಿತ್ರಕ್ಕೆ ಬೆಸ್ಟ್ ಸಪೋರ್ಟಿಂಗ್ ಅವಾರ್ಡ್ ಕೂಡ ಬಂದಿತ್ತು.

ಇನು ರಾಜಾಹುಲಿ ಚಿತ್ರದಲ್ಲೂ ವಸಿಷ್ಠ ಸಿಂಹ ಜಗ್ಗನ ಪಾತ್ರವನ್ನು ಅಚ್ಚು ಕಟ್ಟಾಗಿ ನಿರ್ವಹಿಸಿದ್ರು. ಅಲ್ಲೂ ಜಗ್ಗನ ಪಾತ್ರದಲ್ಲಿ ಕನ್ನಡಿಗರ ಮನ ಗೆದ್ದಿದ್ರು.

ಮೈಸೂರಿನ ವಸಿಷ್ಠ ಸಿಂಹ ಅವರು, ಶಾರದ ವಿಲಾಸ ಶಾಲೆ ಮತ್ತು ಸದ್ವಿದ್ಯಾ ಶಾಲೆಯಲ್ಲಿ ಓದಿದ್ದಾರೆ. ಬಸವನಗುಡಿಯ ನ್ಯಾಷನಲ್ ಕಾಲೇಜಿನಲ್ಲಿ ಪದವಿಯನ್ನು ಪೂರ್ಣಗೊಳಿಸಿದ್ದಾರೆ.

2011 ರಲ್ಲಿ, ವಸಿಷ್ಟ ಅವರು ಸಾಫ್ಟ್ ವೇರ್ ಇಂಜಿನಿಯರ್ ಕೆಲಸವನ್ನು ತೊರೆದರು ಮತ್ತು ನಟನಾಗಿ ಕನ್ನಡ ಚಿತ್ರರಂಗಕ್ಕೆ ಪ್ರವೇಶಿಸಲು ನಿರ್ಧರಿಸಿದರು.

ಕೆಜಿಎಫ್ ನಲ್ಲಿ ಕಮಲ್ ಆಗಿ, ಕವಚದಲ್ಲಿ ವಾಸುದೇವ್ ಆಗಿ, ದಯವಿಟ್ಟು ಗಮಿನಿಸಿ ಎಂದು ಹಲವು ಕನ್ನಡ ಚಿತ್ರಗಳಲ್ಲಿ ಈ ಚಿಟ್ಟೆ ಮೋಡಿ ಅಭಿಮಾನಿಗಳನ್ನು ಗಳಿಸಿಕೊಂಡಿದ್ದಾರೆ.

ವಸಿಷ್ಠ ಸಿಂಹ ಹಲವಾರು ಚಿತ್ರಗಳಲ್ಲಿ ನೆಗೆಟಿವ್ ರೋಲ್ ಮಾಡಿದ್ದಾರೆ. ಆ ಪಾತ್ರಗಳಿಗೆ ಜೀವ ತುಂಬಿದ್ದಾರೆ. ವಿಲನ್ ಪಾತ್ರ ಆದ್ರೂ ಅಬ್ಬಾ ಹೇಗೆ ಮಾಡಿದ್ದಾರೆ ಅನ್ನೋ ರೀತಿ ನಟನೆ ಮಾಡಿ ಸೈ ಅನಿಸಿಕೊಂಡಿದ್ದಾರೆ.

ತಮ್ಮ ಹುಟ್ಟುಹಬ್ಬದ ದಿನವೇ ವಸಿಷ್ಠ ಸಿಂಹ ಅಭಿನಯಿಸಿರು ಲವ್ ಲಿ ಚಿತ್ರದ ಟೀಸರ್ ಬಿಡುಗಡೆ ಮಾಡಲಿದ್ದಾರೆ. ಹ್ಯಾಪಿ ಬರ್ತ್ ಡೇ ವಸಿಷ್ಠ ಸಿಂಹ ಅವರೇ.