Vasishta-Haripriya: ವಸಿಷ್ಠ ಸಿಂಹ-ಹರಿಪ್ರಿಯಾ ಮದುವೆ ಆಗಿ 2 ತಿಂಗಳು, ಪತಿಗೆ ವಿಶೇಷ ಅಡುಗೆ ತಯಾರಿಸಿದ ನಟಿ!

ಜನವರಿ 26 ರಂದು ವಸಿಷ್ಠ ಸಿಂಹ ಹಾಗೂ ಹರಿಪ್ರಿಯಾ ಅವರು ಮೈಸೂರಿನ ಗಣಪತಿ ಸಚ್ಚಿದಾನಂದ ಆಶ್ರಮದಲ್ಲಿ ಮದುವೆ ಆಗಿದ್ದರು. ಸಂತೋಷವಾಗಿ ಜೀವನವನ್ನು ಸಾಗಿಸ್ತಾ ಇದ್ದಾರೆ ಈಗ.

ಸ್ಯಾಂಡಲ್‍ವುಡ್‍ನ ಕ್ಯೂಟ್ ಜೋಡಿ ವಸಿಷ್ಠ-ಹರಿಪ್ರಿಯಾ ಮದುವೆ ಆಗಿ 2 ತಿಂಗಳು ಕಳೆದಿದೆ. ಅದಕ್ಕೆ ನಟ ಫೋಟೋಗಳನ್ನು ಶೇರ್ ಮಾಡಿ ಪತ್ನಿಗೆ ಥ್ಯಾಂಕ್ಸ್ ಹೇಳಿದ್ದಾರೆ.

'ಈಗಾಗಲೇ ಎರಡು ತಿಂಗಳು, ಇದು ನಿಜ, ಸಮಯವು ಹಾರಿಹೋಗುತ್ತದೆ ಮತ್ತು ನಾವು ಅದನ್ನು ಅರಿತುಕೊಳ್ಳುವುದಿಲ್ಲ. ನಮ್ಮ ಮದುವೆಯ ಕ್ಷಣಗಳನ್ನು ನೆನಪಿಸಿಕೊಳ್ಳುವುದೇ ಸುಂದರ' ಎಂದು ವಸಿಷ್ಠ ಸಿಂಹ ಹೇಳಿದ್ದಾರೆ.

'ಮದುವೆಯ ನಂತರದ ನಮ್ಮ ಜೀವನವು "ನಾವು" ಅನ್ನು ಕಲಿಯುವತ್ತ ಒಂದು ಉತ್ತಮ ಪ್ರಯಾಣವಾಗಿದೆ. ಇದು ನನ್ನನ್ನು ಹುರಿದುಂಬಿಸಿದಂತಹ ಒಂದು ಕ್ಷಣ ಮತ್ತು ಆದ್ದರಿಂದ ಈ ಚಿತ್ರಗಳನ್ನು ಪೋಸ್ಟ್ ಮಾಡಿದೆ' ಎಂದು ನಟ ಬರೆದುಕೊಂಡಿದ್ದಾರೆ.

ನಾನು ತೆಲಂಗಾಣದಲ್ಲಿ ಶೂಟಿಂಗ್ ಮಾಡುತ್ತಿದ್ದಾಗ, ನೀವು ಶೂಟಿಂಗ್ ಸೆಟ್‍ಗೆ ಅನಿರೀಕ್ಷಿತ ಭೇಟಿ ನೀಡಿ, ನನಗೆ ಮತ್ತು ನನ್ನ ಸಿಬ್ಬಂದಿಗೆ ಅಡುಗೆ ಮಾಡಿದ್ದನ್ನು ಮರೆಯಲು ಸಾಧ್ಯವೇ ಎಂದು ಪತ್ನಿಗೆ ವಸಿಷ್ಠ ಸಿಂಹ ಧನ್ಯವಾದ ಹೇಳಿದ್ದಾರೆ.

ಮನೆಯಿಂದ ದೂರವಿರುವ ಕಾರಣ, ನಾನು ಅಕ್ಷರಶಃ ಮನೆಯ ಊಟ ಇಷ್ಟ ಪಡುತ್ತೇನೆ. ಮತ್ತು ಖಂಡಿತವಾಗಿಯೂ ನಿಮ್ಮನ್ನು ನೋಡಲು ಸಹ ಕಾಯ್ತಾ ಇರ್ತೇನೆ ಎಂದು ವಸಿಷ್ಠ ಸಿಂಹ ಹೇಳಿದ್ದಾರೆ,

ಹರಿಪ್ರಿಯಾ ಪತಿಗಾಗಿ ರೈಸ್ ಬಾತ್ ಮಾಡಿದ್ದಾರೆ. ಜೊತೆಗೆ ಈರುಳ್ಳಿ, ಸ್ವೀಟ್, ಮೊಸರು ಕೊಟ್ಟಿದ್ದಾರೆ. 2 ತಿಂಗಳಿನ ಮದುವೆ ದಿನವನ್ನು ಸಂಭ್ರಮದಿಂದ ಆಚರಿಸಿದ್ದಾರೆ.

ಚಂದನವನದ ಮುದ್ದಾದ ಜೋಡಿ ನಟ ವಸಿಷ್ಠ ಸಿಂಹ ಹಾಗೂ ಹರಿಪ್ರಿಯಾ ಜೋಡಿಯು ಬೆಂಗಳೂರಿನಲ್ಲಿ ಅದ್ಧೂರಿಯಾಗಿ ರಿಸೆಪ್ಷನ್ ಮಾಡಿಕೊಂಡಿದ್ದರು.