Tiger Prabhakar: ಕರುನಾಡ ಟೈಗರ್ ಮೂರನೇ ಪತ್ನಿ ಯಾರು ಗೊತ್ತಾ? ಅವರಿಗೊಬ್ಬ ಮಗನೂ ಇದ್ದಾನೆ!

ಸ್ಯಾಂಡಲ್‍ವುಡ್‍ನಲ್ಲಿ ಟೈಗರ್ ಪ್ರಭಾಕರ್ ತುಂಬಾನೇ ಖ್ಯಾತಿ ಪಡೆದಿದ್ದರು. ತಮ್ಮ ಅದ್ಭುತ ನಟನೆ ಮೂಲಕ ಗಮನ ಸೆಳೆದಿದ್ದರು. ಅವರು ಇಲ್ಲ ಅಂದ್ರೂ ಈಗಲೂ ಜನ ಅವರ ನಟನೆ ನೆನೆಸಿಕೊಳ್ತಾರೆ.

ಪ್ರಭಾಕರ್ ಅವರು ಸಿನಿಮಾದಲ್ಲಿ ಮಾತ್ರ ಯಶಸ್ಸು ಕಂಡರು. ಆದ್ರೆ ನಿಜ ಜೀವನದಲ್ಲಿ ಯಾಕೋ ಸೋತು ಬಿಟ್ಟರು. ಅದುವೆ ಮದುವೆ ವಿಷಯದಲ್ಲಿ. 1974 ರಲ್ಲಿ ಪ್ರಭಾಕರ್ ಆಲ್ಫೋನ್ಸೋ ಮೇರಿ ಅವರನ್ನು ಮದುವೆಯಾದರು.

ಆಲ್ಫೋನ್ಸೋ ಮೇರಿ ಅವರೊಂದಿಗೆ ಡಿವೋರ್ಸ್ ಪಡೆದರು. 1985ರಲ್ಲಿ ನಟಿ ಜಯಮಾಲಾ ಅವರನ್ನು ಪ್ರೀತಿಸಿ ಮದುವೆಯಾದರು. ಆದ್ರೆ ಅವರ ಜೊತೆಯೂ ಜೀವನ ಮಾಡಲು ಆಗಲಿಲ್ಲ. ಮೂರನೇಯದಾಗಿ ರೇಂಜರ್ ಚಿತ್ರದ ಸಹನಟಿ ಅಂಜು ಅವರನ್ನು ಮದುವೆಯಾದರು.

ಪ್ರಭಾಕರ್ ದುರಾದೃಷ್ಟವೋ ಏನೂ, 3ನೇ ಮದುವೆ ಸಹ ಹೆಚ್ಚು ದಿನ ಉಳಿಯಲಿಲ್ಲ. ಅಂಜು ಅವರು ಪ್ರಭಾಕರ್ ಅವರಿಂದ ದೂರ ಆದ್ರು. ಅಂಜು ತಮಿಳು, ತೆಲುಗು, ಮಲಯಾಳಂ ಚಿತ್ರರಂದಲ್ಲಿ ಸ್ಟಾರ್ ನಟಿಯಾಗಿ ಮಿಂಚಿದ್ದಾರೆ.

ಅಂಜು ಹಾಗೂ ಪ್ರಭಾಕರ್ ದಂಪತಿಗೆ ಒಬ್ಬ ಮಗ ಇದ್ದಾರೆ. ಅದು ತುಂಬಾ ಜನಕ್ಕೆ ಗೊತ್ತಿಲ್ಲ. ಮಗನ ಹೆಸರು ಅರ್ಜುನ್ ಪ್ರಭಾಕರ್ ಅಂತ. ಅರ್ಜುನ್ ಮೂರು ತಿಂಗಳ ಮಗುವಾಗಿದ್ದಾಗಲೇ ಮಗನನ್ನು ಕರೆದುಕೊಂಡು ಬೆಂಗಳೂರು ಬಿಟ್ಟು ಚೆನ್ನೈಗೆ ಬಂದಿದ್ದರು ನಟಿ ಅಂಜು.

ಮಗ ಅರ್ಜುನ್ ಗೆ ತಂದೆ ಪ್ರೀತಿ ಸಿಗಲಿಲ್ಲ. ಅರ್ಜುನ್‍ಗಾಗಿ ಚಿತ್ರರಂಗದಿಂದ ದೂರ ಉಳಿದು ಮಗನನ್ನು ಸಾಕಿದ್ದಾರೆ. ತಂದೆ ಇಲ್ಲ ಅನ್ನೋ ನೋವನ್ನು ಮರೆಸಿದ್ದಾರೆ. ಅರ್ಜುನ್ ಪ್ರಭಾಕರ್ ಫುಟ್‍ಬಾಲ್ ಕೋಚ್ ಆಗಿದ್ದಾರೆ.ಅಮೆರಿಕದ ಕಂಪನಿಯೊಂದಕ್ಕೆ ತರಬೇತಿ ನೀಡುತ್ತಿದ್ದಾರೆ.

ಸಿನಿಮಾದಿಂದ ದೂರ ಉಳಿದಿದ್ದ ನಟಿ ಈಗ ಪೋಷಕ ಪಾತ್ರಗಳಲ್ಲಿ ನಟಿಸುತ್ತಿದ್ದಾರೆ. ಸಿನಿಮಾವೊಂದರಲ್ಲಿ ಅಂಜು ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಸಿನಿಮಾ ಶೂಟಿಂಗ್ ಆರಂಭವಾಗಲಿದೆ.

ಅರ್ಜುನ್ ಅವರು ಪ್ರಭಾಕರ್ ಹುಟ್ಟುಹಬ್ಬದಂದು ಚರ್ಚ್‍ಗೆ ತೆರಳಿ ಕ್ಯಾಂಡಲ್ ಹಚ್ಚಿ, ಬಡವರಿಗೆ ಅನ್ನದಾನ ಮಾಡ್ತಾರಂತೆ. ಚಿಕ್ಕವಯಸ್ಸಿನಿಂದ ಇದನ್ನು ರೂಢಿ ಮಾಡಿಕೊಂಡಿದ್ದಾರಂತೆ.