Shivarajkumar: ಶಿವರಾಜ್​ಕುಮಾರ್ ಹಳೆ ಫ್ಯಾಮಿಲಿ ಫೋಟೋ ವೈರಲ್! ಹೀಗಿದ್ರು ನೋಡಿ ಶಿವಣ್ಣ ಪತ್ನಿ ಗೀತಾ

ಸ್ಯಾಂಡಲ್​ವುಡ್ ನಟ, ಹ್ಯಾಟ್ರಿಕ್ ಹೀರೋ ಶಿವರಾಜ್​ಕುಮಾರ್ ಹಾಗೂ ಗೀತಾ ಅವರ ಜೋಡಿ ಕನ್ನಡ ಸಿನಿಮಾ ಇಂಡಸ್ಟ್ರಿಯಲ್ಲಿ ಫೇಮಸ್. ರಾಜ್ ಕುಟುಂಬದ ಕುಡಿ ಶಿವರಾಜ್​ಕುಮಾರ್ ಅವರು ಗೀತಾ ಅವರನ್ನು ಮದುವೆಯಾಗಿ ಇಬ್ಬರು ಹೆಣ್ಮಕ್ಕಳ ಪ್ರೀತಿಯ ತಂದೆಯೂ ಹೌದು.

ಸಿನಿಮಾದ ಜೊತೆ ಜೊತೆಗೇ ಫ್ಯಾಮಿಲಿ ಕೂಡಾ ಲೈಫ್ ಬ್ಯಾಲೆನ್ಸ್ ಮಾಡಿಕೊಂಡು ಸೈ ಎನಿಸಿಕೊಂಡ ಕೆಲವೇ ನಟರಲ್ಲಿ ಶಿವರಾಜ್​ಕುಮಾರ್ ಕೂಡಾ ಒಬ್ಬರು. ಈಗ ಸೋಷಿಯಲ್ ಮೀಡಿಯಾದಲ್ಲಿ ಅವರ ಹಳೆಯ ಫ್ಯಾಮಿಲಿ ಫೋಟೋ ವೈರಲ್ ಆಗಿದೆ.

ಪತ್ನಿ ತಮಗಾಗಿ ಕೂದಲು ಕಟ್ ಮಾಡಿ ನನಗೆ ಸಾಥ್ ಕೊಟ್ಟಿದ್ದರು ಎನ್ನುವುದನ್ನು ಶಿವರಾಜ್​ಕುಮಾರ್ ಅವರು ಈ ಹಿಂದೆ ನೆನಪಿಸಿಕೊಂಡಿದ್ದರು. ಅಪ್ಪು ಹೆಸರು ಬಂದಾಗೆಲ್ಲ ಕಣ್ಣಂಚು ಒರೆಸಿಕೊಳ್ಳುವ ಶಿವಣ್ಣ ಅಪ್ಪಟ ಫ್ಯಾಮಿಲಿ ಮ್ಯಾನ್.

1986ರಲ್ಲಿ ಶಿವರಾಜ್​ಕುಮಾರ್ ಅವರು ಗೀತಾ ಅವರನ್ನು ಮದುವೆಯಾದರು. ಆಗಿನಿಂದಲೂ ಈ ದಂಪತಿ ಸ್ಯಾಂಡಲ್​ವುಡ್​ನಲ್ಲಿ ಫೇಮಸ್. ಗೀತಾ ಅವರು ಪ್ರೊಡಕ್ಷನ್ ಕಂಪೆನಿ ನಡೆಸುತ್ತಿದ್ದಾರೆ.

ಶಿವರಾಜ್​ಕುಮಾರ್ ಅವರು ತಮ್ಮ ಪತ್ನಿ ಗೀತಾ ಹಾಗೂ ಇಬ್ಬರು ಮಕ್ಕಳೊಂದಿಗೆ ಅಪ್ಪಾಜಿ ಜೊತೆಗೆ ಪೋಸ್ ಕೊಟ್ಟ ಕ್ಷಣ ಹೇಗಿತ್ತು ನೋಡಿ.

ಶಿವಣ್ಣ ಹಾಗೂ ಗೀತಾ ದಂಪತಿಗೆ ಇಬ್ಬರು ಹೆಣ್ಣುಮಕ್ಕಳು. ನಿರುಪಮಾ ರಾಜ್​ಕುಮಾರ್ ಹಾಗೂ ನಿವೇದಿತಾ ರಾಜ್​ಕುಮಾರ್. ಅವರ ಹಳೆಯ ಫ್ಯಾಮಿಲಿ ಫೋಟೋದಲ್ಲಿ ಗೀತಾ ಅವರು ತುಂಬಾ ಡಿಫರೆಂಟ್ ಆಗಿ ಕಾಣಿಸುತ್ತಿದ್ದಾರೆ.

ಶಿವರಾಜ್​ಕುಮಾರ್ ಅವರು ಈಗಲೂ ಬ್ಯಾಕ್ ಟು ಬ್ಯಾಕ್ ಹಿಟ್ ಸಿನಿಮಾಗಳನ್ನು ಕೊಟ್ಟು ಬಾಕ್ಸ್ ಆಫೀಸ್​ನಲ್ಲಿ ಚಪ್ಪಾಳೆಗಿಟ್ಟಿಸಿಕೊಂಡಿದ್ದಾರೆ. 60 ವರ್ಷದ ನಟನ ಸಿನಿಮಾಗಾಗಿ ಇಂದಿಗೂ ಪ್ರೇಕ್ಷಕರು ಕುತೂಹಲದಿಂದ ಕಾಯುತ್ತಾರೆ.

ಶಿವರಾಜ್​ಕುಮಾರ್ ಅವರ ಫ್ಯಾಮಿಲಿ ಪಾರ್ವತಮ್ಮ ರಾಜ್​ಕುಮಾರ್ ಅವರ ಜೊತೆ ಫೋಟೋಗೆ ಪೋಸ್ ಕೊಟ್ಟಾಗ ಹೀಗಿತ್ತು ನೋಡಿ. ಗೀತಾ ಶಿವರಾಜ್​ಕುಮಾರ್ ಅವರು ಅತ್ತೆಯ ಹಿಂದೆ ನಿಂತು ಕ್ಯೂಟ್ ಸ್ಮೈಲ್ ಕೊಡುವುದನ್ನು ಇಲ್ಲಿ ಕಾಣಬಹುದು.