Ganavi Lakshman: 'ಮಗಳು ಜಾನಕಿ' ಈಗ ಶಿವಣ್ಣನಿಗೆ ನಾಯಕಿ! ಗಾನವಿ ಹೇಳಿದ 'ವೇದ'ವಾಕ್ಯವೇನು ಗೊತ್ತಾ?

ಟಿ.ಎನ್. ಸೀತಾರಾಮ್ ನಿರ್ದೇಶನದ 'ಮಗಳು ಜಾನಕಿ' ಧಾರಾವಾಹಿಯಲ್ಲಿ ಪ್ರಧಾನ ಪಾತ್ರದಲ್ಲಿ ನಟಿಸಿದ್ದ ನಟಿ ಗಾನವಿ ಲಕ್ಷ್ಮಣ್, ಇದೀಗ ಶಿವರಾಜ್ ಕುಮಾರ್ ಅವರ 'ವೇದ' ಸಿನಿಮಾದಲ್ಲಿ ನಾಯಕಿಯಾಗಿ ಅಭಿನಯಿಸುತ್ತಿದ್ದಾರೆ.

ಕಿರುತೆರೆಯಲ್ಲಿ 'ಜಾನಕಿ' ಆಗಿ ಕನ್ನಡಿಗರ ಮನಸ್ಸು ಗೆದ್ದಿದ್ದ ಗಾನವಿ ಲಕ್ಷ್ಮಣ್ ಚಿತ್ರರಂಗದಲ್ಲೂ ಮಿಂಚಿದ್ದಾರೆ. ತಮ್ಮ ಅದ್ಭುತ ನಟನೆ ಮೂಲಕ ಜನರನ್ನು ಸೆಳೆದಿದ್ದಾರೆ.

ಗಾನವಿ ಅವರು ಈ ಮೊದಲು ರಿಷಬ್ ಶೆಟ್ಟಿ ನಟನೆಯ 'ಹೀರೋ' ಸಿನಿಮಾದಲ್ಲಿ ನಾಯಕಿಯಾಗಿ ಅಭಿನಯಿಸಿದ್ದಾರೆ. ಸಿನಿಮಾದಲ್ಲಿ ತನ್ನ ಪ್ರೀತಿಗಾಗಿ ಗಂಡನನ್ನೇ ಕೊಲ್ಲುವ ಧೈರ್ಯವನ್ನು ಜನ ನೋಡಿ ಶಾಕ್ ಆಗಿದ್ದರು.

ರಿಷಬ್ ಶೆಟ್ಟಿ ನಟನೆಯ 'ಹೀರೋ' ಸಿನಿಮಾದಲ್ಲಿ ಗಾನವಿ ನಟನೆ ಗಮನ ಸೆಳೆದಿತ್ತು. ಅದರ ಮೂಲಕವೇ 'ವೇದ' ಚಿತ್ರದಲ್ಲೂ ನಟನೆ ಮಾಡಲು ಅವಕಾಶ ಸಿಕ್ಕಿದೆ. ಶಿವಣ್ಣನ ಜೊತೆ ಮೊದಲ ಬಾರಿ ತೆರೆ ಮೇಲೆ ಕಾಣಿಸಿಕೊಂಡಿದ್ದಾರೆ.

'ವೇದ' ಸಿನಿಮಾ ಶಿವರಾಜ್ ಕುಮಾರ್ ಅವರ 125ನೇ ಸಿನಿಮಾ. ಈ ಸಿನಿಮಾವನ್ನು ನಿರ್ದೇಶಕ ಹರ್ಷ ತೆರೆಗೆ ತರಲಿದ್ದಾರೆ. ಈ ಸಿನಿಮಾ ಸಹ ಅತಿಮಾನುಷ ಶಕ್ತಿಯ ಕತೆಯುಳ್ಳ ಸಿನಿಮಾ ಆಗಿರಲಿದೆ. ಈ ಸಿನಿಮಾದಲ್ಲಿ ಗಾನವಿಗೆ ನಟಿ ಆಗುವ ಅವಕಾಶ ಸಿಕ್ಕಿದೆ.

ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಅಭಿನಯದ 'ವೇದ' ಸಿನಿಮಾದ ಬಗ್ಗೆ ನಿರೀಕ್ಷೆ ದೊಡ್ಡ ಮಟ್ಟದಲ್ಲಿಯೇ ಇದೆ. ಚಿತ್ರದ ಪೋಸ್ಟರ್ ಕುತೂಹಲ ಕೆರಳಿಸಿವೆ. 1960 ಕಾಲಘಟ್ಟದ ಕಥೆಯುಳ್ಳ ಈ ಸಿನಿಮಾದಲ್ಲಿ ಅದ್ಭುತ ಕಥೆನೆ ಇದೆ. ನಿರ್ದೇಶಕ ಎ.ಹರ್ಷ ಈ ಚಿತ್ರವನ್ನ ಡೈರೆಕ್ಟ್ ಮಾಡುತ್ತಿದ್ದಾರೆ.

ಸ್ವತಃ ಶಿವರಾಜ್ ಕುಮಾರ್ ಅವರು ತಮ್ಮ ಬ್ಯಾನರ್ ಮೂಲಕವೇ ಈ ಚಿತ್ರವನ್ನ ನಿರ್ಮಿಸುತ್ತಿದ್ದಾರೆ. ಶಿವರಾಜ್ ಕುಮಾರ್ ಚಿತ್ರ ಜೀವನದ ಒಟ್ಟು ಸಿನಿಮಾಗಳ ಲೆಕ್ಕದಲ್ಲಿ ಇದು 125 ನೇ ಸಿನಿಮಾ ಆಗಿದೆ.

ಗಾನವಿ ಅವರು ನಟನೆಗೆ ವಿದಾಯ ಹೇಳಬೇಕು ಎಂದುಕೊಂಡಿದ್ದ ಸಮಯದಲ್ಲಿ 'ವೇದ' ಚಿತ್ರ ಸಿಕ್ಕಿದೆ. "ನನಗೆ ತುಂಬಾ ಖಷಿಯಾಗಿದೆ" ಎಂದು ತಿಳಿಸಿದ್ದಾರೆ. ಈ ಸಿನಿಮಾ ಕನ್ನಡ, ತೆಲುಗು, ತಮಿಳಿನಲ್ಲಿ ರಿಲೀಸ್ ಆಗಲಿದೆ.