Shashi Kumar Birthday: ನಟ ಶಶಿಕುಮಾರ್ ಅವರ ಜನ್ಮದಿನ, ಪೋಷಕ ಪಾತ್ರದಲ್ಲೂ ಮಿಂಚಿದ ಹೀರೋ!

ಸ್ಯಾಂಡಲ್‍ವುಡ್‍ನಲ್ಲಿ ಮಿಂಚಿದ್ದ ನಟ ಶಶಿಕುಮಾರ್ ಇಂದು ತಮ್ಮ 57ನೇ ಹುಟ್ಟು ಹಬ್ಬವನ್ನು ಆಚರಿಸಿಕೊಳ್ಳುತ್ತಿದ್ದಾರೆ. ಒಂದು ಕಾಲದಲ್ಲಿ ಶಶಿಕುಮಾರ್ ಸಿನಿಮಾ ಅಂದ್ರೆ ತುಂಬಾ ಅಚ್ಚು ಮೆಚ್ಚು.

ಶಶಿಕುಮಾರ್ ಅವರು ಮೊದಲ ಚಿತ್ರ 'ಚಿರಂಜೀವಿ ಸುಧಾಕರ'. ರಾಘವೇಂದ್ರ ರಾಜ್‍ಕುಮಾರ್ ಅಭಿನಯದ ಸಿನಿಮಾದ ಮೂಲಕ ತಮ್ಮ ಸ್ಯಾಂಡಲ್‍ವುಡ್ ಪ್ರಯಾಣ ಆರಂಭಿಸಿದ್ದರು.

1989 ರಲ್ಲಿ ಅವರು ವಿ. ರವಿಚಂದ್ರನ್, ಪೂನಂ ಧಿಲ್ಲೋನ್ ಮತ್ತು ಶಂಕರ್ ನಾಗ್ ಅವರೊಂದಿಗೆ C.B.I ಶಂಕರ್ ನಟಿಸಿದ ಯುದ್ಧಕಾಂಡದ ಮೂಲಕ ಜನಪ್ರಿಯರಾದರು.

1990 ರಲ್ಲಿ ರಾಣಿ ಮಹಾರಾಣಿ ಮತ್ತು ಬಾರೆ ನನ್ನ ಮುದ್ದಿನ ರಾಣಿ ಎರಡು ಯಶಸ್ವಿ ಚಿತ್ರಗಳು ಕೊಟ್ಟಿದ್ದಾರೆ. ಈ ಸಿನಿಮಾಗಳ ಮೂಲಕ ಶಶಿಕುಮಾರ್ ಅಗ್ರ ನಾಯಕನಾಗಿ ಗುರುತಿಸಿಕೊಂಡರು.

ಹಲವಾರು ಹಿಟ್ ಚಿತ್ರಗಳಲ್ಲಿ ಒಟ್ಟಿಗೆ ನಟಿಸಿದ ಶಶಿಕುಮಾರ್ ಮತ್ತು ಮಾಲಾಶ್ರೀ ಅವರು ಕನ್ನಡ ಚಿತ್ರರಂಗದ ಸಾರ್ವಕಾಲಿಕ ಜನಪ್ರಿಯ ಜೋಡಿಗಳಲ್ಲಿ ಒಬ್ಬರು ಎಂದು ಪರಿಗಣಿಸಲ್ಪಟ್ಟರು.

1998 ರಲ್ಲಿ ಬೆಂಗಳೂರು ಟರ್ಫ್ ಕ್ಲಬ್ ಬಳಿ ಕಾರು ಅಪಘಾತ ಆಯ್ತು. ಶಸ್ತ್ರಚಿಕಿತ್ಸೆಗಳು ಅವರ ಲುಕ್ ಬದಲಾಯಿಸಿದವು. ಆದ ಕಾರಣ ಶಶಿಕುಮಾರ್ ಗೆ ಸಿನಿಮಾ ಅವಕಾಶಗಳು ಕಡಿಮೆ ಆದವು.

ಕೆಲವು ವರ್ಷಗಳ ಕಾಲ ಅವರು ಯಜಮಾನ, ಹಬ್ಬ, ಕನಸುಗಾರ, ಸ್ನೇಹಲೋಕ ಮತ್ತು ಯಾರಿಗೆ ಸಲುಗೆ ಸಂಬಳದಂತಹ ಬಹುತಾರಾಗಣಗಳಲ್ಲಿ ಪೋಷಕ ಪಾತ್ರಗಳಲ್ಲಿ ನಟಿಸಿದ್ದಾರೆ.

ಶಶಿಕುಮಾರ್ ಅವರು ಚಿತ್ರದುರ್ಗವನ್ನು ಪ್ರತಿನಿಧಿಸುವ 13 ನೇ ಲೋಕಸಭೆಯ ಸದಸ್ಯರಾಗಿದ್ದರು. ಮತ್ತು ಜನತಾ ದಳ ಟಿಕೆಟ್‍ನಲ್ಲಿ ಸ್ಪರ್ಧಿಸಿದ್ದರು. 2006 ರಲ್ಲಿ ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್ ಸೇರಿದರು. ಅವರು ಚಿತ್ರದುರ್ಗ ಕ್ಷೇತ್ರದ ಸಂಸದೀಯ ಚುನಾವಣೆಯಲ್ಲಿ ಯಶಸ್ವಿಯಾಗಿ ಸ್ಪರ್ಧಿಸಿ ಗೆದ್ದಿದ್ದಾರೆ.