ಒಂಟೆ ಮೇಲೆ ‘ತ್ರಿವಿಕ್ರಮ‘ನ ಥ್ರಿಲ್ಲಿಂಗ್ ಫೈಟ್; ಜ್ಯೂ.ರವಿಚಂದ್ರನ್​ ಸಿನಿಮಾದಿಂದ ಹೊಸ ಪ್ರಯತ್ನ

2020ಕ್ಕೆ ಸ್ಯಾಂಡ ಲ್​ವುಡ್​ ನಲ್ಲಿ ಬಹುಕೋಟಿ ವೆಚ್ಚದಲ್ಲಿ ನಿರ್ಮಾಣ ಆಗುತ್ತಿರುವ ಸಿನಿಮಾಗಳ ಪೈಕಿ, ಕ್ರೇಜಿಸ್ಟಾರ್ ರವಿಚಂದ್ರನ್ ಅವರ ಪುತ್ರ ವಿಕ್ರಮ್ ರವಿಚಂದ್ರನ್ ಅಭಿನಯದ ತ್ರಿವಿಕ್ರಮ ಸಿನಿಮಾ ಕೂಡ ಒಂದು.

ರೋಸ್, ಮಾಸ್ ಲೀಡರ್ ಸಿನಿಮಾಗೆ ಆಕ್ಷನ್ ಕಟ್ ಹೇಳಿದ ಸಹಾನಾ ಮೂರ್ತಿ ನಿರ್ದೇಶನದಲ್ಲಿ ಮೂಡಿ ಬರುತ್ತಿರುವ ಚಿತ್ರಕ್ಕೆ ಉದ್ಯಮಿ ಸೋಮಣ್ಣ (ರಾಮ್ಕೋ) ಬಂಡವಾಳ ಹಾಕಿದ್ದಾರೆ. ಈಗಾಗಲೇ ಈ ಚಿತ್ರವು ಹಲವು ವಿಶೇಷತೆಗಳಿಂದ ಕೂಡಿದ್ದು ಸ್ಯಾಂಡಲ್​​ವುಡ್​ ಮಾತ್ರವಲ್ಲ ಇತರ ಚಿತ್ರರಂಗಗಳ ಗಮನ ಸೆಳೆತ್ತಿಯುತ್ತಿದೆ.

ಇನ್ನು ಚಿತ್ರದ ಪ್ರತಿ ಸಿಕ್ವೀಲ್ ಶೂಟಿಂಗ್​ನಲ್ಲೂ ಹೊಸತನ, ಹೊಸ ಪ್ರಯತ್ನವೇ ಈ ಕುತೂಹಲಕ್ಕೆ ಕಾರಣವಾಗಿದೆ. ಇದಕ್ಕೆ ಮತ್ತೊಂದು ಉದಾಹರಣೆ ಎಂದರೆ ಚಿತ್ರದಲ್ಲಿ ಮಾಡಿರುವ ಸಾಹಸ ಚಿತ್ರೀಕರಣ. ಸೌತ್ ಇಂಡಿಯಾದ ಮೊಸ್ಟ್ ಹ್ಯಾಪನಿಂಗ್ ಫೈಟ್ ಮಾಸ್ಟರ್ ಗಳು ಸಾಹಸ ದೃಶ್ಯಗಳನ್ನ ಸೆರೆ ಹಿಡಿದಿದ್ದಾರೆ.

ಈ ಹಿಂದೆ ಚಿತ್ರಗಳಲ್ಲಿ ಹಾಡುಗಳ ಮೆಕಿಂಗ್​ಗೆ ಹೆಚ್ಚಿನ ಪ್ರಾಮುಖ್ಯತೆ ಹಾಗೂ ಹೆಚ್ಚಿನ ಹಣ ಖರ್ಚು ಮಾಡಲಾಗುತ್ತಿತ್ತು. ಆದರೆ ಬದಲಾದ ಟ್ರೆಂಡ್​ನಲ್ಲಿ ಸಿನಿಮಾಗಳ ಸಾಹಸ ದೃಷ್ಯಗಳಿಗೆ, ಕ್ಲೈಮ್ಯಾಕ್ಸ್ ಸೀನ್​​ಗಳಿಗೆ ಹೆಚ್ಚಿನ ಪ್ರಾಮುಖ್ಯತೆ ನೀಡಲಾಗುತ್ತಿದೆ.

ಇನ್ನೂ ತ್ರಿವಿಕ್ರಮ ಸಿನಿಮಾದಲ್ಲಿ ಸೌತ್ ಇಂಡಿಯಾ ಸಿನಿಮಾಗಳಲ್ಲೇ ನೋಡಿರದ ವಿಶೇಷ ದೃಶ್ಯಗಳು ಇರಲಿದೆಯಂತೆ. ಅದುವೇ ಒಂಟೆ ಮೇಲಿನ ಫೈಟ್ ಹಾಗೂ ಒಂಟೆಗಳ ಮೂಲಕ ನಡೆಯೋ ಚೇಸಿಂಗ್ ಸೀನ್.

ಬೈಕ್​ಗಳ ಮೇಲೆ ನೀರಿನ ಒಳಗೆ, ಆಕಾಶದಲ್ಲಿ, ಕುದುರೆ, ಆನೆಗಳ ಮೇಲೆ ಸಮುದ್ರದಲ್ಲಿ ಹೀಗೆ ನಾನಾ ಬಗೆಯ ಫೈಟ್ ಸೀನ್​ಗಳನ್ನ ತೆರೆ ಮೇಲೆ ನೋಡಿರುತ್ತೇವೆ. ಆದರೆ ಇದೇ ಮೊದಲ ಬಾರಿಗೆ ಒಂಟೆಗಳ ಮೇಲೆ ಫೈಟ್ ಸೀನ್ ಶೂಟ್ ಮಾಡಲಾಗಿದೆ, ಅಷ್ಟೇ ಅಲ್ಲ ಒಂಟೆಗಳನ್ನ ಬಳಸಿ ಚೇಸಿಂಗ್ ಸೀನ್ ಕೂಡ ಶೂಟ್ ಮಾಡಲಾಗಿದೆ.

ಸೈರಾ, ದಬಾಂಗ್, ಬಾಡಿಗಾರ್ಡ್, ಪೊಕಿರಿ ಸೇರಿದಂತೆ ಹಲವು ಸೂಪರ್ ಹಿಟ್ ಚಿತ್ರಗಳಿಗೆ ಸಾಹಸ ನಿರ್ದೇಶನ ಮಾಡಿರುವ ವಿಜಿ ಮಾಸ್ಟರ್, ಒಂಟೆ ಮೇಲಿನ ಸಾಹಸ ದೃಶ್ಯಗಳ ನಿರ್ದೆಶನ ಮಾಡಿದ್ದಾರೆ.

ಇನ್ನೂ ಈ ದೃಶ್ಯಗಳ ಶೂಟಿಂಗ್​ಗಾಗಿಯೇ ಸುಮಾರು 15 ದಿನ ತೆಗೆದುಕೊಳ್ಳಲಾಗಿದೆಯಂತೆ.ತಿವಿಕ್ರಮ ಚಿತ್ರದಲ್ಲಿ ನಟ ವಿಕ್ರಮ್ ನಾಯಕಿಯಾಗಿ ಆಕಾಂಕ್ಷ ಶರ್ಮಾ ಕಾಣಿಸಿಕೊಂಡಿದ್ದಾರೆ.

ಹಾಸ್ಯ ನಟ ಸಾಧು ಕೋಕಿಲಾ,ಬಾಲಿವುಡ್ ಖ್ಯಾತ ನಟ ರೋಹಿತ್ ರಾಯ್ ಸೇರಿದಂತೆ ಇಡೀ ಚಿತ್ರದಲ್ಲಿ ನಟಿಸಿದ್ದಾರೆ.