Actor Ravichandran: ನೇರ ಪ್ರಶ್ನೆಗೆ ಬಣ್ಣ ಬಣ್ಣದ ಕನಸುಗಳನ್ನು ತೆರೆದಿಟ್ಟ ಕನಸುಗಾರ

ನನ್ನಮ್ಮ ಸೂಪರ್ ಸ್ಟಾರ್ ಸೀಸನ್ 2 ಗ್ರ್ಯಾಂಡ್ ಫಿನಾಲೆಯಲ್ಲಿ ಸೃಜನ್ ಲೋಕೇಶ್ ಅವರು ರವಿಚಂದ್ರನ್ ಕೆಲವು ಪ್ರಶ್ನೆಗಳನ್ನು ಕೇಳಿದ್ದಾರೆ. ಅದಕ್ಕೆ ಕ್ರೇಜಿಸ್ಟಾರ್ ಉತ್ತರ ಹೀಗಿತ್ತು ನೋಡಿ.

ರವಿಚಂದ್ರನ್ ಅವರ ಸಿನಿ ಪಯಣದಲ್ಲಿ ಯಾವ ಒಂದು ಕ್ಷಣ ತುಂಬಾ ಭಯಪಡಿಸ್ತು? - ರವಿಬೋಪ್ಪಣ್ಣ ಅನ್ನೋ ಸಿನಿಮಾಗೆ ಜನ ಥಿಯೇಟರ್ ಒಳಗೆ ಬರದಿದ್ದಾಗ, ಜೀವನದಲ್ಲಿ ಮೊದಲ ಬಾರಿ ನನಗೆ ತುಂಬಾ ಭಯ ಆಯ್ತು. ಸಿನಿಮಾ ನೋಡಿ ಚೆನ್ನಾಗಿಲ್ಲ ಅಂದ್ರೆ ಒಂದು ಲೆಕ್ಕ. ಸಿನಿಮಾ ನೋಡದೇ ಜನ ತಿರಸ್ಕಾರ ಮಾಡಿದ್ರು ಅದಕ್ಕೆ ಬೇಸರವಾಯ್ತು ಎಂದು ರವಿಚಂದ್ರನ್ ಅವರು ಹೇಳಿದ್ದಾರೆ.

ಪ್ರೇಮಲೋಕದ ರವಿಚಂದ್ರನ್ ಈಗ ನಿಮ್ಮ ಮುಂದೆ ಬಂದ್ರೆ ನೀವು ಏನ್ ಹೇಳ್ತೀರಿ?- ಐ ಲವ್ ಯು. ಅವನು ಮಗುವಾಗಿದ್ದಾಗ ಗೆಲ್ತಾ ಇದ್ದ. ಬೆಳೆಯೋಕೆ ಶುರುಮಾಡಿದಾಗ ಸೋತ ಎಂದು ರವಿಚಂದ್ರನ್ ತಮ್ಮ ಬಗ್ಗೆಯೇ ಹೇಳಿದ್ದಾರೆ.

ನಿಮ್ಮ ಕೆಲಸದಲ್ಲಿ ನಿಮಗೆ ನೀವೇ ಬೆನ್ನು ತಟ್ಟಿಕೊಂಡ ಮೂಮೆಂಟ್ ಯಾವುದು?- ಏಕಾಂಗಿ, ಪೇಜ್ ಟು ಪೇಜ್ ಪ್ರತಿಯೊಂದನ್ನು ನಾನೇ ಮಾಡಿದ್ದೆ. ನನಗೆ ತುಂಬಾ ಇಷ್ಟವಾದ ಸಿನಿಮಾ ಏಕಾಂಗಿ. ಅದನ್ನು ಯಾವುತ್ತೂ ಮರೆಯಲ್ಲ ಎಂದು ರವಿಚಂದ್ರನ್ ಹೇಳಿದ್ದಾರೆ.

ಏಕಾಂಗಿ ಬಗ್ಗೆ ನಿಮ್ಮ ಅಭಿಪ್ರಾಯವೇನು?- ನಾನು ಯಾವಾಗಲೂ ಕೋಪಿಸಿಕೊಳ್ಳುವುದು ನನ್ನ ಮೇಲೆ. ನಾನು ಅಂದುಕೊಂಡ ರೀತಿ ಸಿನಿಮಾ ಮಾಡಿದ್ನಾ ಅದೇ ನನ್ನ ಗೆಲುವು. ಆ ಲೆಕ್ಕದಲ್ಲಿ ನಾನು ಏಕಾಂಗಿ ಸಿನಿಮಾ ಸೋತಿಲ್ಲ ಎಂದು ರವಿಮಾಮ ಹೇಳಿಕೊಂಡಿದ್ದಾರೆ.

ನಿಮ್ಮ ಬಯೋಗ್ರಫಿ ಬರೆಯಬೇಕು ಅಂದ್ರೆ ಏನ್ ಹೆಸರು ಇಡ್ತೀರಿ?- ಬಯ್ಯೋ ಗ್ರಫಿ ಅಂತ ಇಡ್ತೀನಿ. ನನಗೆ ನಾನೇ ಬೈಕೊಂಡು ಬರೆಯುತ್ತೇನೆ ಎಂದು ರವಿ ಸರ್ ಹೇಳಿದ್ದಾರೆ.

ರವಿಚಂದ್ರನ್ ಪತಿಯಾಗಿ?- ರವಿಚಂದ್ರನ್ ಅವರು ತಮ್ಮ ಪತ್ನಿಗೆ ಸರಿಯಾಗಿ ಟೈಮ್ ಕೊಡೋಕೆ ಆಗಲಿಲ್ವಂತೆ. ನಾನು ಒಳ್ಳೆಯ ಗಂಡ ಅಲ್ಲ. ಆಗ ನಾನೊಬ್ಬ ಬ್ಯುಸಿ ವ್ಯಕ್ತಿ ಆಗಿದ್ದೆ. ಈಗ ನಾನು ನನ್ನ ಹೆಂಡ್ತಿಗೆ ತುಂಬಾ ಸಮಯ ಕೊಡ್ತೇನೆ ಎಂದು ಹೇಳಿದ್ದಾರೆ ರವಿಚಂದ್ರನ್.

ರವಿಚಂದ್ರನ್ ಅಪ್ಪನಾಗಿ?- ಈ ವರ್ಷದಲ್ಲಿ ಮಗನಿಗಾಗಿ ಸಿನಿಮಾ ಮಾಡ್ತಾರಂತೆ. ನನ್ನ ಮಕ್ಕಳಿಗೆ ನಾನು ಏನೂ ಮಾಡಿಲ್ಲ ಎನ್ನುವ ಕೊರಗು ಇದೆ ಎಂದು ರವಿಚಂದ್ರನ್ ಹೇಳಿದ್ದಾರೆ.