Ganesh Daughter Birthday: ಗೋಲ್ಡನ್ ಸ್ಟಾರ್ ಗಣೇಶ್ ಮಗಳ ಹುಟ್ಟುಹಬ್ಬ, ಪ್ರೀತಿಯಿಂದ ವಿಶ್ ಮಾಡಿದ ಅಪ್ಪ!

ನಟ ಗಣೇಶ್ ಅವರು ಪಕ್ಕಾ ಫ್ಯಾಮಿಲಿ ಮ್ಯಾನ್. ಕುಟುಂಬದವರಿಗಾಗಿ ಅವರು ಸದಾ ಸಮಯ ಮೀಸಲಿಡುತ್ತಾರೆ. ಇಂದು ಮಗಳು ಚಾರಿತ್ರ್ಯ ಹುಟ್ಟುಹಬ್ಬಕ್ಕೆ ಅವರು ಶುಭಕೋರಿದ್ದಾರೆ.

ಪುಟ್ಟ ಪುಟ್ಟ ಕಂದಮ್ಮನಿಂದ ಹಿಡಿದು, ಇವತ್ತು ನನ್ನಷ್ಟು ಎತ್ತರವಾಗಿ ನಿಲ್ಲುವವರೆಗೆ ನೀನು ಬೆಳೆದೆ. ಕಾಲವು ಮುಂದೆ ಸಾಗುತ್ತಿದೆ. ಹುಟ್ಟುಹಬ್ಬದ ಶುಭಾಶಯಗಳು ಮಗಳೇ ಎಂದು ಪೋಸ್ಟ್ ಹಾಕಿಕೊಂಡಿದ್ದಾರೆ.

ಗೋಲ್ಡನ್ ಸ್ಟಾರ್ ಗಣೇಶ್ ಅವರು ಸಿನಿಮಾ ಹೊರತಾಗಿ, ಫ್ಯಾಮಿಲಿಗೆ ಹೆಚ್ಚು ಸಮಯ ಮೀಸಲಿಡುತ್ತಾರೆ. ಅಲ್ಲದೇ ಚಾರಿತ್ರ್ಯ ಎಂದ್ರೆ ಗಣೇಶ್ ಅವರಿಗೆ ತುಂಬಾ ಇಷ್ಟ. ಮುದ್ದಿನ ಮಗಳು ಇವರು.

ನಟ ಗಣೇಶ್ ಅವರಿಗೆ ಚಾರಿತ್ರ್ಯ ಮತ್ತು ವಿಹಾನ್ ಎಂಬ ಇಬ್ಬರು ಮುದ್ದಾದ ಮಕ್ಕಳಿದ್ದಾರೆ. ಚಾರಿತ್ರ್ಯಗೆ ಇಂದು 14ನೇ ಹುಟ್ಟುಹಬ್ಬದ ಸಂಭ್ರಮ. ಸಂಜೆ ಬರ್ತ್‍ಡೇ ಪಾರ್ಟಿ ಮಾಡಲು ಸಜ್ಜಾಗಿದ್ದಾರೆ

ನಟ ಗಣೇಶ್ ಮಗಳಿಗೆ ವಿಶ್ ಮಾಡಿರುವ ಫೋಟೋ ಶೇರ್ ಮಾಡಿದ್ದಾರೆ. ಚಾರಿತ್ರ್ಯ ಅವರಿಗೆ ಆತ್ಮೀಯರು, ಸ್ನೇಹಿತರು, ಸಿನಿ ಕಲಾವಿದರು ವಿಶ್ ಮಾಡಿದ್ದಾರೆ.

ಚಮಕ್ ಚಿತ್ರದಲ್ಲಿ ಚಾರಿತ್ರ್ಯ ಅಭಿನಯಿಸಿದ್ದಾರೆ. ಚಾರಿತ್ರ್ಯ ನಟನೆ ನೋಡಿ ಅಭಿಮಾನಿಗಳು  ಮೆಚ್ಚಿಕೊಂಡಿದ್ದರು. ಒಳ್ಳೆ ಭವಿಷ್ಯ ಇದೆ ಎಂದು ಹೇಳಿದ್ದರು.

2017ರಲ್ಲಿ ಚಮಕ್ ಚಿತ್ರ ರಿಲೀಸ್ ಆಗಿತ್ತು. ಅದರಲ್ಲಿ ಅಪ್ಪ ಮತ್ತು ಮಗಳ ಪಾತ್ರವನ್ನು ಗಣೇಶ್, ಚಾರಿತ್ರ್ಯ ನಿರ್ವಹಿಸಿದ್ದರು. ರಶ್ಮಿಕಾ ಮಂದಣ್ಣ ನಾಯಕಿಯಾಗಿ ನಟಿಸಿದ್ದರು..

ಗಣೇಶ್ ಪುತ್ರಿ ಚಾರಿತ್ರ್ಯ ಮತ್ತೆ ಸಿನಿಮಾ ಮಾಡ್ತಾರಾ ಅಥವಾ ತಮ್ಮ ಓದು ಮುಗಿದ ಬಳಿಕ ಸಿನಿಮಾ ಕಡೆ ಒಲವು ತೋರ್ತಾರಾ ನೋಡಬೇಕು. ಆಕೆಯ ಹುಟ್ಟು ಹಬ್ಬವನ್ನು  ಚೆನ್ನಾಗಿ ಮನೆಯವರು ಆಚರಿಸ್ತಾ ಇದ್ದಾರೆ.