Arjun Gowda: ಕೊರೋನಾ ಸೋಂಕಿತರಿಗಾಗಿ ಆಂಬ್ಯುಲೆನ್ಸ್​ ಚಾಲಕನಾದ ಸ್ಯಾಂಡಲ್​ವುಡ್​ ನಟ

ಕೊರೋನಾ ಮೊದಲ ಅಲೆ ಆರಂಭವಾದಾಗ ಸದಾಕಷ್ಟು ಮಂದಿ ಸಿನಿ ಸ್ಟಾರ್​ಗಳು ಸಂಕಷ್ಟದಲ್ಲಿದ್ದವರಿಗೆ ಆಹಾರ ಧಾನ್ಯ ಹಾಗೂ ಊಟ ತಲುಪಿಸುವ ಕೆಲಸ ಮಾಡಿದ್ದರು. ಮತ್ತೆ ಕೆಲವರು ಅಗತ್ಯ ಔಷಧಿಗಳನ್ನು ವಿತರಿಸುವ ಕಾರ್ಯ ಮಾಡಿದ್ದರು.

ಎರಡನೇ ಅಲೆ ಆರಂಭವಾದಾಗಿನಿಂದ ಸ್ಯಾಂಡಲ್​ವುಡ್​ ನಟ ಅರ್ಜುನ್​ ಗೌಡ ಅವರು ಆಂಬ್ಯುಲೆನ್ಸ್​ ಚಾಲಕನಾಗಿ ಕೊರೋನಾ ಸೋಂಕಿತರಿಗೆ ನೆರವಾಗುತ್ತಿದ್ದಾರೆ.

ರುಸ್ತುಂ ಹಾಗೂ ಯುವರತ್ನ ಸಿನಿಮಾಗಳಲ್ಲಿ ನಟಿಸಿರುವ ಅರ್ಜುನ್​ ಗೌಡ ಸದ್ಯ ಆಂಬ್ಯುಲೆನ್ಸ್​ ಚಾಲಕರಾಗಿ ಸಂಕಷ್ಟದಲ್ಲಿರುವ ಕೊರೋನಾ ರೋಗಿಗಳನ್ನು ಆಸ್ಪತ್ರೆ ತಲುಪಿಸುವ ಕೆಲಸ ಮಾಡುತ್ತಿದ್ದಾರೆ.

ಸೋಂಕಿತರನ್ನು ಆಸ್ಪತ್ರೆಗೆ ತಲುಪಿಸುವುದರೊಂದಿಗೆ ಅರ್ಜುನ್​, ಮೃತರ ಅಂತ್ಯಕ್ರಿಯೆಗೂ ನೆರವಾಗುತ್ತಿದ್ದಾರೆ.

ಅರ್ಜುನ್​ ಗೌಡ ಮಾಡುತ್ತಿರುವ ಕೆಲಸ ನೋಡಿದ ರಕ್ಷಿತಾ ಮೆಚ್ಚಿಗೆ ಸೂಚಿಸುತ್ತಾ ತಮ್ಮ ಇನ್​ಸ್ಟಾಗ್ರಾಂ ಸ್ಟೋರೀಸ್​ನಲ್ಲಿ ಪೋಸ್ಟ್​ ಮಾಡಿದ್ದಾರೆ.

ಸದ್ಯ ಅರ್ಜುನ್​ ಗೌಡ ಮಾಡುತ್ತಿರುವ ಕೆಲಸಕ್ಕೆ ನೆಟ್ಟಿಗರಿಂದ ಮೆಚ್ಚುಗೆ ವ್ಯಕ್ತವಾಗುತ್ತಿದೆ.

ಅರ್ಜುನ್​ ಗೌಡ ನಿತ್ಯ ಪಿಪಿಇ ಕಿಟ್​ ಧರಿಸಿ ಆಂಬ್ಯುಲೆನ್ಸ್​ ಹತ್ತಿ ಸೋಂಕಿತರಿಗೆ ಸಹಾಯ ಮಾಡಲು ಹೊರಡುತ್ತಾರೆ.

ಅರ್ಜುನ್​ ಗೌಡ ತಮ್ಮ ಆಂಬುಲೆನ್ಸ್​ ಜೊತೆ ಇರುವ ಚಿತ್ರಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿವೆ.

ಕಳೆದ 3 ದಿನಗಳಿಂದ ಆಂಬ್ಯುಲೆನ್ಸ್ ಚಾಲಕನಾಗಿ ಸೇವೆ ಸಲ್ಲಿಸುತ್ತಿರುವ ಅರ್ಜುನ್​ ಉಚಿತವಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. 

ಕೊರೋನಾದಿಂದ ಸಾವನ್ನಪ್ಪಿದವರ ಅಂತ್ಯ ಸಂಸ್ಕಾರಕ್ಕೆ ನೆರವಾಗುತ್ತಿರುವ ನಟ 20ಕ್ಕೂ ಹೆಚ್ಚು ಶವಗಳ ಅಂತ್ಯಕ್ರಿಯೆಗೆ ಸಹಾಯಕ ಮಾಡಿದ್ದಾರೆ.