Abishek Ambareesh: ಅಂಬಿ ಪುತ್ರ ಅಭಿ-ಅವಿವಾ ಮದುವೆ ಡೇಟ್ ಫಿಕ್ಸ್! ಇಲ್ಲಿದೆ ಅಪ್ಡೇಟ್ಸ್

ರೆಬಲ್ ಸ್ಟಾರ್ ಪುತ್ರ ಅಭಿಷೇಕ್ ಅಂಬರೀಶ್ ಮತ್ತು ಅವಿವಾ ಮದುವೆ ಹೊಸ ಅಪ್‌ಡೇಟ್ಸ್ ಏನು ? ಈ ಜೋಡಿಯ ಮದುವೆ ಡೇಟ್ ಫಿಕ್ಸ್ ಆಗಿದಿಯೇ ? ಇಲ್ಲಿದೆ ಒಂದಷ್ಟು ಮಾಹಿತಿ.

ಅಭಿ ಮತ್ತು ಅವಿವಾ ವಿವಾಹದ ದಿನ ಫಿಕ್ಸ್ ಆಗಿದೆ. ಜೂನ್ 5 ಮತ್ತು 6 ರಂದು ವಿವಾಹ ನೆರವೇರಲಿದ್ದು ಬೆಂಗಳೂರಿನ ಅರಮನೆ ಮೈದಾನದಲ್ಲಿಯೆ ವಿವಾಹ ಪ್ಲಾನ್ ಆಗಿದೆ.

ಅಭಿ ಮತ್ತು ಅವಿವಾ ವಿವಾಹದ ತಯಾರಿ ಇನ್ನು ಶುರು ಆಗಿಲ್ಲ. ಈ ತಿಂಗಳ ಕೊನೆಯಲ್ಲಿ ಮದುವೆಯ ತಯಾರಿ ನಡೆಯುತ್ತದೆ.

ಅಭಿಷೇಕ್ ಅಂಬರೀಶ್ ಮತ್ತು ಅವಿವಾ ಮದುವೆಯ ಬಳಿಕ ಆರತಕ್ಷತೆಯನ್ನ ಮಂಡ್ಯದಲ್ಲಿಯೇ ಆಯೋಜನೆ ಮಾಡಲಾಗಿದೆ. ಬೀಗರ ಊಟವನ್ನೂ ಇಲ್ಲಿಯೇ ಪ್ಲಾನ್ ಮಾಡಲಾಗಿದೆ ಅನ್ನುವ ಮಾಹಿತಿ ಇದೆ.

ಅವಿವಾ ಮತ್ತು ಅಭಿಷೇಕ್ ಕಳೆದ ಡಿಸೆಂಬರ್‌ನಲ್ಲಿ ಎಂಗೇಜ್ ಆಗಿದ್ದರು. ಗುರು-ಹಿರಿಯರ ಸಮ್ಮುಖದಲ್ಲಿಯೆ ಈ ಜೋಡಿ ನಿಶ್ವಿತಾರ್ಥ ಮಾಡಿಕೊಂಡಿದ್ದರು.

ಜೂನ್ ತಿಂಗಳಲ್ಲಿ ದಾಂಪತ್ಯ ಜೀವನಕ್ಕೆ ಕಾಲಿಡ್ತಿರೋ ಈ ಜೋಡಿ, ಬಹು ದಿನಗಳ ಸ್ನೇಹಿತರೇ ಆಗಿದ್ದಾರೆ. ಈ ಬಗ್ಗೆ ಎಲ್ಲೂ ಅಭಿ ಹೇಳಿಕೊಂಡಿರಲಿಲ್ಲ. ಅವಿವಾ ಕೂಡ ಏನೂ ಎಲ್ಲೂ ಹೇಳಿರಲಿಲ್ಲ. ಆದರೆ ಇವರ ಸ್ನೇಹ ಎಂಗೇಜ್‌ಮೆಂಟ್ ಟೈಮ್‌ ಅಲ್ಲಿಯೇ ರಿವೀಲ್ ಆಯಿತು.

ಅಭಿಷೇಕ್ ಅಂಬರೀಶ್ ಅಭಿನಯದ ಬ್ಯಾಡ್‌ಮ್ಯಾನರ್ಸ್ ರಿಲೀಸ್‌ಗೆ ರೆಡಿ ಆಗುತ್ತಿದೆ. ಕಾಳಿ ಸಿನಿಮಾವನ್ನ ಕೂಡ ಅಭಿಷೇಕ್ ಈಗಾಗಲೇ ಒಪ್ಪಿಕೊಂಡಿದ್ದಾರೆ.