Flop Bollywood Movies: 2022ರಲ್ಲಿ ಫ್ಲಾಪ್ ಆದ ಸ್ಟಾರ್ ನಟರ ಸಿನಿಮಾಗಳಿವು

ಕೊರೋನಾದಿಂದಾಗಿ ಮುಚ್ಚಿದ್ದ ಚಿತ್ರಮಂದಿರಗಳು 2022ರಲ್ಲಿ ಬಹಳಷ್ಟು ನಿರೀಕ್ಷೆ ಇಟ್ಟುಕೊಂಡು ತೆರೆಯಲ್ಪಟ್ಟಿತು. ದೊಡ್ಡ ದೊಡ್ಡ ಸಿನಿಮಾಗಳು ಸಹ ಬಿಗ್ ಸ್ಕ್ರೀನ್​ನಲ್ಲಿ ಬಿಡುಗಡೆಯಾಗಿವೆ. ಕೆಲವು OTTಯಲ್ಲಿ ಬಂದಿತು. ಆದರೆ ಈ ಕೆಲವು ಸಿನಿಮಾಗಳ ವಿಚಾರದಲ್ಲಿ ನಿರ್ಮಾಪಕರು ಮತ್ತು ನಟರ ನಿರೀಕ್ಷೆ ನಿಜವಾಗಲಿಲ್ಲ. ಈ ಪಟ್ಟಿಯಲ್ಲಿ ರಣವೀರ್ ಸಿಂಗ್‌ನಿಂದ ಹಿಡಿದು ಅಕ್ಷಯ್ ಕುಮಾರ್‌ವರೆಗಿನ ನಟರ ಸಿನಿಮಾಗಳ ಹೆಸರುಗಳಿವೆ. ಈ ಬಾರಿ ಅನೇಕ ಬಾಲಿವುಡ್ ಚಿತ್ರಗಳು ಪ್ರೇಕ್ಷಕರನ್ನು ಮೆಚ್ಚಿಸುವಲ್ಲಿ ಸೋತುಹೋದವು.

ಜಯೇಶ್‌ಭಾಯ್ ಜೋರ್ದಾರ್: ರಣವೀರ್ ಸಿಂಗ್ ಅವರ ಜಯೇಶ್‌ಭಾಯ್ ಜೋರ್ದಾರ್ ಸಿನಿಮಾ ಬಿಡುಗಡೆಗೆ ಮುನ್ನ ಸಾಕಷ್ಟು ಸುದ್ದಿ ಮಾಡಿತು. ಆದರೆ ಬಿಡುಗಡೆಯಾದಾಗ ಪ್ರೇಕ್ಷಕರು ನಿರಾಸೆಯಿಂದ ಹೊರಬಂದರು. ಪ್ರೇಕ್ಷಕರು ಈ ಸಿನಿಮಾದಲ್ಲಿ ಯಾವುದೇ ವಿಶೇಷತೆ ಕಾಣಲಿಲ್ಲ. ಇದರಿಂದಾಗಿ ಸಿನಿಮಾ ನಿರೀಕ್ಷೆಗಿಂತ ಕಡಿಮೆ ಪ್ರೇಕ್ಷಕರನ್ನು ಗಳಿಸಿತು. ಸಿನಿಮಾ ಫ್ಲಾಪ್ ಆಯಿತು.

ಢಾಕಡ್: ಕಂಗನಾ ರಣಾವತ್ ತಮ್ಮ 'ಢಾಕಡ್' ಸಿನಿಮಾದಿಂದ ಪ್ರೇಕ್ಷಕರನ್ನು ಮೆಚ್ಚಿಸಲು ವಿಫಲರಾಗಿದ್ದಾರೆ. ಹಾಗಾಗಿ ಈ ವರ್ಷದ ಸೂಪರ್ ಫ್ಲಾಪ್ ಚಿತ್ರಗಳ ಪಟ್ಟಿಗೆ ಈ ಸಿನಿಮಾ ಕೂಡಾ ಸೇರಿಕೊಂಡಿತು.

ವಿಕ್ರಮ್-ವೇದಾ: ಹೃತಿಕ್ ರೋಷನ್ ಮತ್ತು ಸೈಫ್ ಅಲಿಖಾನ್ ಅಭಿನಯದ ವಿಕ್ರಮ್-ವೇದಾ ಚಿತ್ರ ಬಿಡುಗಡೆಯಾಗಿ ಹಾಡು ಸ್ವಲ್ಪ ಹಿಟ್ ಆದರೂ ಸಿನಿಮಾ ಫೇಲ್ ಆಯಿತು. ಈ ಸಾಹಸಮಯ ಚಿತ್ರವು ಪ್ರೇಕ್ಷಕರನ್ನು ಥಿಯೇಟರ್‌ಗಳಿಗೆ ಆಕರ್ಷಿಸಲು ವಿಫಲವಾಗಿದೆ.

ಫೋನ್ ಭೂತ್: ಕತ್ರಿನಾ ಕೈಫ್, ಇಶಾನ್ ಖಟ್ಟರ್ ಮತ್ತು ಸಿದ್ಧಾಂತ್ ಚತುರ್ವೇದಿ ಅಭಿನಯದ ಹಾರರ್-ಕಾಮಿಡಿ ಫೋನ್ ಭೂತ್ ನಿರೀಕ್ಷಿಸಿದ ಮಟ್ಟದಲ್ಲಿ ಹಿಟ್ ಆಗಲಿಲ್ಲ. ಪ್ರೇಕ್ಷಕರು ಈ ಸಿನಿಮಾವನ್ನು ಬೇಗನೆ ತಿರಸ್ಕರಿಸಿದರು.

ಸಾಮ್ರಾಟ್ ಪೃಥ್ವಿರಾಜ್: ಅಕ್ಷಯ್ ಕುಮಾರ್ ಮತ್ತು ಮಾನುಷಿ ಚಿಲ್ಲರ್ ಅಭಿನಯದ 'ಸಾಮ್ರಾಟ್ ಪೃಥ್ವಿರಾಜ್' ವರ್ಷವಿಡೀ ಸಿನಿಮಾ ಬಿಡುಗಡೆಗೂ ಮುನ್ನ ಸಾಕಷ್ಟು ಹವಾ ಸೃಷ್ಟಿಸಿತು. ಆದರೆ ಚಿತ್ರ ಬಿಡುಗಡೆಯಾದಾಗ ಪ್ರೇಕ್ಷಕರು ಥಿಯೇಟರ್‌ ಕಡೆ ಬರಲಿಲ್ಲ.

ರಕ್ಷಾಬಂಧನ್: ಅಕ್ಷಯ್ ಕುಮಾರ್ ಅವರ ಈ ಸಿನಿಮಾ ಪೋಸ್ಟರ್ ರಕ್ಷಾಬಂಧನದ ಸಂದರ್ಭ ಬಿಡುಗಡೆಯಾಗಿ ಭಾರೀ ಮೆಚ್ಚುಗೆ ಪಡೆಯಿತು. ಆದರೆ ಸಿನಿಮಾ ಹಿಟ್ ಆಗಲಿಲ್ಲ.