Samantha: ಪುಷ್ಪ 2 ಸಿನಿಮಾ ಆಫರ್ ರಿಜೆಕ್ಟ್ ಬಗ್ಗೆ ಸಮಂತಾ ಸ್ಪಷ್ಟನೆ, ಸ್ಯಾಮ್ ಅಭಿಮಾನಿಗಳು ಗರಂ

ಅನಾರೋಗ್ಯದಿಂದ ಚೇತರಿಸಿಕೊಂಡ ಬಳಿಕ ಮತ್ತೆ ಸಾಲು ಸಾಲು ಸಿನಿಮಾಗಳಲ್ಲಿ ನಟಿ ಸಮಂತಾ ರುತ್ ಪ್ರಭು ಬ್ಯುಸಿ ಆಗಿದ್ದಾರೆ. ತೆರೆ ಮೇಲೆ ಸ್ಯಾಮ್ ನೋಡಲು ಅಭಿಮಾನಿಗಳು ಕಾತುರದಿಂದ ಕಾಯ್ತಿದ್ದಾರೆ. ಸಮಂತಾ ಕೈಯಲ್ಲಿ ಅನೇಕ ಸಿನಿಮಾಗಳಿವೆ.

ಬಾಲಿವುಡ್ನಲ್ಲಿ ಸಿನಿಮಾ, ಸೀರಿಸ್ ಮಾಡ್ತಿರುವ ಸಮಂತಾ ಟಾಲಿವುಡ್ ಆಫರ್ಗಳನ್ನು ರಿಜೆಕ್ಟ್ ಮಾಡ್ತಿದ್ದಾರೆ ಎನ್ನುವ ಆರೋಪ ಕೇಳಿ ಬಂದಿದೆ. ಇತ್ತೀಚಿಗೆ ಸ್ಯಾಮ್ ಪುಷ್ಪ-2 ಸಿನಿಮಾ ಆಫರ್ ಕೂಡ ತಿರಸ್ಕರಿಸಿದ್ದಾರೆ ಎನ್ನುವ ಸುದ್ದಿ ಕೂಡ ಹರಡಿದೆ. ಈ ವದಂತಿಗೆ ಇದೀಗ ನಟಿ ಸಮಂತಾ ಉತ್ತರಿಸಿದ್ದಾರೆ.

ಪುಷ್ಪ-2 ಸಿನಿಮಾ ತಂಡದಿಂದ ನನಗೆ ಯಾವುದೇ ಆಪರ್ ಬಂದಿಲ್ಲ ಎಂದು ಸಮಂತಾ ಹೇಳಿದ್ದಾರೆ. ಪಿಂಕ್ವಿಲ್ಲ ವೆಬ್ಸೈಟ್ಗೆ ಪ್ರತಿಕ್ರಿಯೆಸಿದ ಸಮಂತಾ ಇದೆಲ್ಲಾ ಶುದ್ಧ ಸುಳ್ಳು ಎಂದಿದ್ದಾರೆ. ಈ ಮೂಲಕ ವದಂತಿಗೆ ಸ್ಯಾಮ್ ತೆರೆ ಎಳೆದಿದ್ದಾರೆ.

ಪುಷ್ಪ-2 ಸಿನಿಮಾ ತಂಡದಿಂದ ಸಮಂತಾಗೆ ಯಾವುದೇ ಆಫರ್ ಬಂದಿಲ್ಲ ಎಂದು ಹೇಳಲಾಗ್ತಿದೆ. ಸಮಂತಾ ಕೂಡ ನನ್ನನ್ನು ಯಾರು ಭೇಟಿಯಾಗಿಲ್ಲ, ಇದೆಲ್ಲಾ ವದಂತಿ ಎಂದಿದ್ದು, ಸಮಂತಾ ಬಗ್ಗೆ ಇಲ್ಲಸಲ್ಲದ ಗಾಸಿಪ್ ಹಬ್ಬಿಸುತ್ತಿರುವವರು ಯಾರು ಎಂದು ಅಭಿಮಾನಿಗಳು ಗರಂ ಆಗಿದ್ದಾರೆ.

ಪುಷ್ಪ: ದಿ ರೂಲ್​ನಲ್ಲಿ ರಶ್ಮಿಕಾ ಮಂದಣ್ಣ ಜೊತೆ ನಟಿ ಸಮಂತಾ ರುತ್ ಪ್ರಭು ಕೂಡ ಮಹತ್ವದ ಪಾತ್ರವನ್ನು ನಿರ್ವಹಿಸಲಿದ್ದಾರೆ ಎನ್ನುವ ಮಾತುಗಳು ಕೇಳಿಬಂದಿತ್ತು. ಸಮಂತಾಗಾಗಿ ಹಾಡಿನ ಜೊತೆ ಕೆಲ ಸೀನ್​ಗಳನ್ನು ಸಹ ನಿರ್ದೇಶಕ ಸುಕುಮಾರ್ ಪ್ಲಾನ್ ಮಾಡಿದ್ದಾರೆ ಎನ್ನಲಾಗಿತ್ತು. 

ಪುಷ್ಪ ನಾಯಕ ನಟ ಅಲ್ಲು ಅರ್ಜುನ್ ಖುದ್ದು ಸಮಂತಾ ಅವರನ್ನು ಊ ಅಂಟವಾಗೆ ಹಾಡಿಗೆ ನೃತ್ಯ ಮಾಡಲು ಒಪ್ಪಿಸಿದ್ದಾರೆ ಎಂದು ಈ ಹಿಂದೆ ವರದಿಯಾಗಿತ್ತು. 3 ನಿಮಿಷದ ಹಾಡಿಗೆ ಸಮಂತಾ 5 ಕೋಟಿ ರೂಪಾಯಿ ಚಾರ್ಜ್ ಮಾಡಿದ್ದಾರೆ ಎನ್ನಲಾಗಿದೆ.

ಕಳೆದ ವರ್ಷ ಕ್ರಿಟಿಕ್ಸ್ ಚಾಯ್ಸ್ ಅವಾರ್ಡ್ಸ್​ನಲ್ಲಿ ಮಾಧ್ಯಮ ಸಂವಾದದ ವೇಳೆ ಮಾತಾಡಿದ್ದ ಸಮಂತಾ, ಊ ಅಂಟವಾ ಹಾಡನ್ನು ಜನ ತಾನು ಸ್ವೀಕರಿಸಿದ ರೀತಿ, ತೋರಿದ ಪ್ರೀತಿಗೆ ಫಿದಾ ಆಗಿರೋದಾಗಿ ಹೇಳಿದ್ದರು. ಜನರು ನನ್ನ ಮೇಲೆ ತೋರುತ್ತಿರುವ ಪ್ರೀತಿಯನ್ನು ನಾನು ವಿವರಿಸಲಾರೆ. 'ಊ ಅಂಟವಾ' ಹಾಡಿ ಇಡೀ ದೇಶದಲ್ಲಿ ಈ ಮಟ್ಟಿಗೆ ಹಿಟ್ ಆಗುತ್ತೆ ಅಂತ ನಾನು ನಿರೀಕ್ಷಿಸಿರಲಿಲ್ಲ' ಎಂದು ಸಮಂತಾ ಹೇಳಿದ್ದರು.

ನಾಗಚೈತನ್ಯ ಜೊತೆ ವಿಚ್ಛೇದನದ ಬಳಿಕ ಸಮಂತಾ ಬಗ್ಗೆ ವದಂತಿಗಳು ಹೆಚ್ಚಾಗಿ ಹರಡುತ್ತಿದೆ. ಸ್ಯಾಮ್ ಹೆಸರು ಹಾಳು ಮಾಡಲು ಕೆಲ ಕಿಡಿಗೇಟಿಗಳು ಈ ರೀತಿ ಸುಳ್ಳು ಸುದ್ದಿ ಹಬ್ಬಿಸುತ್ತಿದ್ದಾರೆ ಎಂದು ಅಭಿಮಾನಿಗಳು ಕಿಡಿಕಾರಿದ್ದಾರೆ. ವಿಜಯ ದೇವರಕೊಂಡ ಜೊತೆಗಿನ ಖುಷಿ ಸಿನಿಮಾಗೂ ಸಮಂತಾ ಡೇಟ್ಸ್ ಕೊಡ್ತಿಲ್ಲ ಎನ್ನುವ ಆರೋಪವಿದೆ

ಸಾಲು ಸಾಲು ಸಿನಿಮಾ ಶೂಟಿಂಗ್​ನಲ್ಲಿ ಬ್ಯುಸಿ ಆಗಿರುವ ನಟಿ ಸಮಂತಾ ಇದೀಗ ಬಾಲಿವುಡ್​ಗೆ ಹಾರಿದ್ದು, ವೆಬ್ ಸೀರಿಸ್ ಒಂದರಲ್ಲಿ ಅಭಿನಯಿಸುತ್ತಿದ್ದಾರೆ. ಬಾಲಿವುಡ್​ನತ್ತ ಮುಖ ಮಾಡಿದ ಮೇಲೆ ಸಮಂತಾ ಸೌತ್ ಸಿನಿಮಾಗಳನ್ನು ರಿಜೆಕ್ಟ್ ಮಾಡ್ತಿದ್ದಾರೆ ಎನ್ನುವ ಆರೋಪ ಸಹ ಕೇಳಿಬಂದಿದೆ.