Samantha: ಸಮಂತಾ ಕೈಗಳಿಂದ ಸುರೀತಿದೆ ರಕ್ತ! ಅಯ್ಯೋ ಸ್ಯಾಮ್​ಗೆ ಏನಾಯ್ತು ಅಂತಿದ್ದಾರೆ ಫ್ಯಾನ್ಸ್

ಟಾಲಿವುಡ್ ಸ್ಟಾರ್ ಹೀರೋಯಿನ್ ಸಮಂತಾ ನಾಗ ಚೈತನ್ಯ ಜೊತೆ ವಿಚ್ಛೇದನದ ಬಳಿಕ ಭಾರೀ ಸುದ್ದಿಯಲ್ಲಿದ್ದಾರೆ. ಸಾಲು ಸಾಲು ಸಿನಿಮಾಗಳು ಸಮಂತಾ ಕೈಯಲ್ಲಿದೆ. ಶೂಟಿಂಗ್ ಅಂತ ಸ್ಯಾಮ್ ಕೂಡ ಮುಂಬೈ ಹಾಗೂ ಹೈದರಾಬಾದ್​ಗೆ ಓಡಾಡ್ತಿದ್ದಾರೆ. ಇದೀಗ ಸಮಂತಾ ಮಾಡಿರುವ ಪೋಸ್ಟ್ ಅಭಿಮಾನಿಗಳಲ್ಲಿ ಆತಂಕ ಮೂಡಿಸಿದೆ.

ಸಮಂತಾ ಶೇರ್ ಮಾಡಿರುವ ಫೋಟೋದಲ್ಲಿ ಕೈಗೆ ಗಾಯಗಳಾಗಿದ್ದು, ಸ್ವಲ್ಪ ರಕ್ತ ಕೂಡ ಬರ್ತಿದೆ. ಈ ಚಿತ್ರ ನೋಡಿ ಎಲ್ಲರೂ ಶಾಕ್ ಆಗಿದ್ದಾರೆ. ಮತ್ತೆ ಸಮಂತಾಗೆ ಏನಾಯಿತು? ಗಾಯಗೊಂಡಿದ್ದು ಹೇಗೆ ಎಂಬ ಪ್ರಶ್ನೆ ಹುಟ್ಟಿಕೊಂಡಿದೆ. ಸಮಂತಾಗೆ ಏನಾಯ್ತು ಅಂತ ಅಭಿಮಾನಿಗಳು ಆತಂಕ ವ್ಯಕ್ತಪಡಿಸಿದ್ದಾರೆ.

ಇತ್ತೀಚೆಗಷ್ಟೇ ಮಯೋಸಿಟಿಸ್​ನಿಂದ ಬಳಲುತ್ತಿದ್ದ ಸಮಂತಾ, ಕೆಲ ತಿಂಗಳುಗಳ ಕಾಲ ಮನೆಯಲ್ಲಿ ರೆಸ್ಟ್ ಮಾಡಿದ್ರು. ಆ ಸಮಸ್ಯೆಯಿಂದ ಚೇತರಿಸಿಕೊಂಡು ಮತ್ತೆ ತಮ್ಮ ಸಿನಿಮಾಗಳ ಸೆಟ್​ಗೆ ಮರಳಿದ್ದಾರೆ. ಇದೀಗ ಶೂಟಿಂಗ್​ನಲ್ಲಿಯೇ ಸಮಂತಾ ಗಾಯಗೊಂಡಿದ್ದಾರೆ ಎಂದು ಹೇಳಲಾಗ್ತಿದೆ. ಫೋಟೋ ಹಂಚಿಕೊಂಡ ನಟಿ ಯಾವುದೇ ಮಾಹಿತಿ ನೀಡಿಲ್ಲ.

ರಾಜ್-ಡಿಕೆ ನಿರ್ಮಿಸುತ್ತಿರುವ ಸಿಡಾಟೆಲ್ ವೆಬ್ ಸರಣಿಯ ಶೂಟಿಂಗ್ ಸೆಟ್​ನಲ್ಲಿ ಸಮಂತಾ ಇದ್ದಾರೆ. ಹೆಚ್ಚಿನ ಆ್ಯಕ್ಷನ್ ದೃಶ್ಯಗಳೊಂದಿಗೆ ಈ ವೆಬ್ ಸೀರಿಸ್ ನಿರ್ಮಿಸಲಾಗ್ತಿದೆ. ಸಮಂತಾ ಅವರ ಆ್ಯಕ್ಷನ್ ಮೋಡ್ ಅದ್ಭುತವಾಗಿರಲಿದೆ ಎಂದು ವರದಿಯಾಗಿದೆ. ಇದೇ ಸಿನಿಮಾದ ಶೂಟಿಂಗ್ ನಲ್ಲಿ ಸಮಂತಾ ಗಾಯಗೊಂಡಿದ್ದಾರಾ? ಅಥವಾ ಶೂಟಿಂಗ್ ಗಾಗಿ ಈ ರೀತಿ ಮೇಕಪ್ ಮಾಡಿದ್ದಾರಾ ಎಂಬುದು ತಿಳಿಯಬೇಕಿದೆ.

ಅದೇ ರೀತಿ ಖುಷಿ ಚಿತ್ರಕ್ಕೆ ಸಮಂತಾ ಡೇಟ್ಸ್ ಕೊಟ್ಟಿದ್ದಾರೆ. ಆಕೆ ವಿಜಯ್ ದೇವರಕೊಂಡ ಜೊತೆ ಸೆಟ್​ಗೆ ಬರಲು ರೆಡಿಯಾಗಿದ್ದಾರೆ. ಮಾರ್ಚ್ ತಿಂಗಳಲ್ಲಿ ಖುಷಿಯ ಸೆಟ್​ನಲ್ಲಿ ಸಮಂತಾ ಸದ್ದು ಮಾಡಲಿದ್ದಾರೆ. ಮಾರ್ಚ್ 8 ರಿಂದ ಸಮಂತಾ ಶೂಟಿಂಗ್​ನಲ್ಲಿ ಭಾಗಿಯಾಗಲಿದ್ದಾರೆ.

ಈ ಹಿಂದೆ ವಿಜಯ್ ದೇವರಕೊಂಡ ಮತ್ತು ಸಮಂತಾ ಮಹಾನಟಿ ಚಿತ್ರದಲ್ಲಿ ಒಟ್ಟಿಗೆ ನಟಿಸಿದ್ದರು. ಇದೀಗ ಅದೇ ಜೋಡಿ ಖುಷಿ ಚಿತ್ರದ ಮೂಲಕ ಮತ್ತೆ ಬರುತ್ತಿದ್ದು, ಇದೊಂದು ಫೀಲ್ ಗುಡ್ ಲವ್ ಸ್ಟೋರಿ ಕೂಡ ಆಗಿರುವುದರಿಂದ ಪ್ರೇಕ್ಷಕರಲ್ಲಿ ಒಂದು ರೀತಿಯ ಕ್ಯೂರಿಯಾಸಿಟಿ ಹೆಚ್ಚಿದೆ.

ಹಿಂದೆ ಪವನ್ ಕಲ್ಯಾಣ್ ಅಭಿನಯದ ಖುಷಿ ಸಿನಿಮಾ ಬ್ಲಾಕ್ ಬಸ್ಟರ್ ಆಗಿತ್ತು. ಇದೀಗ ಅದೇ ಸೀನ್ ಮತ್ತೆ ಅದೇ ಹೆಸರಿನಲ್ಲಿ ರಿಪೀಟ್ ಆಗಲಿ ಎಂದು ವಿಜಯ್ ದೇವರಕೊಂಡ ಅಭಿಮಾನಿಗಳು ಹಾಗೂ ಸಮಂತಾ ಅಭಿಮಾನಿಗಳು ಹಾರೈಸಿದ್ದಾರೆ.

ಶಾಕುಂತಲಂ ಚಿತ್ರದ ಮೂಲಕ ಸಮಂತಾ ತಮ್ಮ ಸಿನಿ ಜರ್ನಿಯಲ್ಲಿ ಮೊದಲ ಬಾರಿಗೆ ಪೌರಾಣಿಕ ಪಾತ್ರವನ್ನು ನಿರ್ವಹಿಸಿದ್ದಾರೆ. ಗುಣಶೇಖರ್ ನಿರ್ದೇಶನದ ಈ ಚಿತ್ರ ಏಪ್ರಿಲ್ 14 ರಂದು ಬಿಡುಗಡೆಯಾಗುತ್ತಿದೆ. ಸಿನಿಮಾ ನೋಡಲು ಅಭಿಮಾನಿಗಳು ಕಾಯ್ತಿದ್ದಾರೆ.