Samantha: ಬಾಕ್ಸ್ ಆಫೀಸ್​ನಲ್ಲಿ ಮುಗ್ಗರಿಸಿದ ಶಾಕುಂತಲಂ, ಥಿಯೇಟರ್​ಗೆ ಬರ್ತಿಲ್ಲ ಜನ, ವೀಕೆಂಡ್​ನಲ್ಲೂ ಮಾಡಲಿಲ್ಲ ಹಣ!

ಗುಣಶೇಖರ್ ನಿರ್ದೇಶನದ ಶಾಕುಂತಲಂ ಸಿನಿಮಾದಲ್ಲಿ ಸ್ಟಾರ್ ನಾಯಕಿ ಸಮಂತಾ ಪ್ರಯೋಗಾತ್ಮಕ ಪಾತ್ರ ನಿರ್ವಹಿಸಿದ್ದಾರೆ. ಪೀರಿಯಡ್ ಡ್ರಾಮಾ ಆಧಾರಿತ ಚಿತ್ರವು ಏಪ್ರಿಲ್ 14 ರಂದು ಬಿಡುಗಡೆಯಾಗಿದ್ದು, ಮೊದಲ ದಿನ ಮಿಶ್ರ ಪ್ರತಿಕ್ರಿಯೆಯನ್ನು ಪಡೆದುಕೊಂಡಿದೆ.

ಶಾಕುಂತಲಂ ಸಿನಿಮಾ ಬಗ್ಗೆ ಭಾರೀ ನಿರೀಕ್ಷೆ ಇತ್ತು. ಆದರೆ ಮೊದಲ ದಿನದ ಫಲಿತಾಂಶಗಳು ನಿರೀಕ್ಷಿತ ಮಟ್ಟದಲ್ಲಿಲ್ಲ. ಮೊದಲ ದಿನಕ್ಕೆ ಹೋಲಿಸಿದರೆ ಎರಡನೇ ದಿನ ಅರ್ಧದಷ್ಟು ಕಲೆಕ್ಷನ್ ಕುಸಿತ ಕಂಡಿದೆ. ಮೂರನೇ ದಿನದ ಕಲೆಕ್ಷನ್ ಕೊಂಚ ಸ್ಥಿರವಾಗಿದೆ.

ಭಾನುವಾರ ವಾರಾಂತ್ಯವಾದ್ದರಿಂದ ಚಿತ್ರಮಂದಿರಗಳಲ್ಲಿ ತುಸು ಜನದಟ್ಟಣೆ ಇತ್ತು. 2ನೇ ದಿನಕ್ಕೆ ಹೋಲಿಸಿದರೆ ಮೂರನೇ ದಿನವೂ ದೊಡ್ಡ ಪ್ರಮಾಣದಲ್ಲಿ ಇಳಿಕೆಯಾಗಿಲ್ಲ ಆದ್ರು ಕಡಿಮೆ ಎನ್ನಲಾಗ್ತಿದೆ. ಎರಡು ತೆಲುಗು ರಾಜ್ಯಗಳಲ್ಲಿ ಒಟ್ಟು 40 ಲಕ್ಷ ನಿವ್ವಳ ಕಲೆಕ್ಷನ್ ಆಗಿದೆ ಎಂದು ವರದಿಯಾಗಿದೆ.

ಬಿಡುಗಡೆಗೂ ಮುನ್ನವೇ 18 ಕೋಟಿ ಪ್ರೀ ರಿಲೀಸ್ ಬ್ಯುಸಿನೆಸ್ ಮಾಡಿ 19 ಕೋಟಿ ಬ್ರೇಕ್ ಈವ್ ಗುರಿಯೊಂದಿಗೆ ಫೀಲ್ಡ್​ಗೆ ಎಂಟ್ರಿ ಕೊಟ್ಟಿದೆ. ಹೀಗಾಗಿ ಇನ್ನೂ 16 ಕೋಟಿ ಬಂದರೆ ಈ ಸಿನಿಮಾ ಕ್ಲೀನ್ ಹಿಟ್ ಎಂದೇ ಹೇಳಬಹುದು. ರಜಾ ದಿನಗಳಲ್ಲೂ ಜನ ಥಿಯೇಟರ್​ಗೆ ಬರಲಿಲ್ಲ ಕಲೆಕ್ಷನ್ ಕೂಡ ಕಡಿಮೆ ಇದೆ.

ಈ ಸಿನಿಮಾದ ಥಿಯೇಟ್ರಿಕಲ್ ಬ್ಯುಸಿನೆಸ್ ನೋಡುವುದಾದ್ರೆ, ನಿಜಾಮ್ ನಲ್ಲಿ 4 ಕೋಟಿ, ಸೀಡೆಡ್ ನಲ್ಲಿ 1.50 ಕೋಟಿ, ಆಂಧ್ರದಲ್ಲಿ 5.00 ಕೋಟಿ, ಎಪಿ, ತೆಲಂಗಾಣದಲ್ಲಿ 10.50 ಕೋಟಿ, ಉಳಿದಂತೆ ಭಾರತದಲ್ಲಿ 1.20 ಕೋಟಿ, ಇತರೆ ಭಾಷೆಗಳಲ್ಲಿ 4.00 ಕೋಟಿ, 1.80 ಕೋಟಿ ರೂ. ವಿದೇಶದಲ್ಲಿ, ವಿಶ್ವದಾದ್ಯಂತ ಒಟ್ಟು ವ್ಯಾಪಾರ 18 ಕೋಟಿ ಇದೆ.

ಗುಣ ಟೀಮ್ ವರ್ಕ್ಸ್ ಮತ್ತು ಶ್ರೀ ವೆಂಕಟೇಶ್ವರ ಕ್ರಿಯೇಷನ್ಸ್ ಬ್ಯಾನರ್ಗಳು ಜಂಟಿಯಾಗಿ ನಿರ್ಮಿಸಿರುವ ಈ ಚಿತ್ರದಲ್ಲಿ ಪ್ರಕಾಶ್ ರಾಜ್, ಗೌತಮಿ, ಮಧುಬಾಲಾ, ಅದಿತಿ ಬಾಲನ್, ಅನನ್ಯ ನಾಗೆಲ್ಲ, ಜಿಸ್ಸು ಸೇನ್ ಗುಪ್ತಾ ಮತ್ತು ಇತರರು ಪ್ರಮುಖ ಪಾತ್ರಗಳನ್ನು ನಿರ್ವಹಿಸಿದ್ದಾರೆ. ಈ ಚಿತ್ರವು ತೆಲುಗು ಜೊತೆಗೆ ಹಿಂದಿ, ತಮಿಳು, ಕನ್ನಡ ಮತ್ತು ಮಲಯಾಳಂನಲ್ಲಿ ಬಿಡುಗಡೆಯಾಗಿದೆ.

ಅಲ್ಲು ಅರ್ಜುನ್ ಮಗಳು ಅಲ್ಲು ಅರ್ಹಾ ಈ ಚಿತ್ರದ ಮೂಲಕ ಮೊದಲ ಬಾರಿಗೆ ಪ್ರೇಕ್ಷಕರ ಮುಂದೆ ಬಂದಿದ್ದಾರೆ. ಶಕುಂತಲೆ ಪಾತ್ರದಲ್ಲಿ ಸಮಂತಾ ಮತ್ತು ದುಶ್ಯಂತ ಪಾತ್ರದಲ್ಲಿ ದೇವ್ ಮೋಹನ್ ನಟಿಸಿದ್ದರೆ, ಭರತು ಪಾತ್ರದಲ್ಲಿ ಅಲ್ಲು ಅರ್ಹಾ ಕಾಣಿಸಿಕೊಂಡಿದ್ದಾರೆ. ಇದರೊಂದಿಗೆ ಎಲ್ಲರ ಗಮನ ಈ ಮಗುವಿನ ಮೇಲೆ ಬಿದ್ದಿದೆ ಅರ್ಹಾ ರೋಲ್ ಬಗ್ಗೆ ಪಾಸಿಟಿವ್ ಟಾಕ್ ಬಂದಿದೆ.