Samantha Ruth Prabhu: ಸಮಂತಾ ಉಟ್ಟಿದ್ದ ಸಿಂಪಲ್ ವೈಟ್ ಸೀರೆ ಬೆಲೆಗೆ ಐಫೋನ್ ಕೊಳ್ಬೋದು

ಟಾಲಿವುಡ್ ನಟಿ ಸಮಂತಾ ರುಥ್ ಪ್ರಭು ಅವರು ಶಾಕುಂತಲಂ ಸಿನಿಮಾದ ಟ್ರೈಲರ್ ಲಾಂಚ್​​ನಲ್ಲಿ ಸುಂದರವಾರ ಬಿಳಿ ಸೀರೆ ಉಟ್ಟುಕೊಂಡಿದ್ದರು. ಅತ್ಯಂತ ಸಿಂಪಲ್ ಆಗಿದ್ದ ಸೀರೆ ಫೋಟೋ ವೈರಲ್ ಆಗಿದೆ.

ಸ್ಟಾರ್ ನಟಿಯರು ದುಬಾರಿ ಸೀರೆಗಳನ್ನು ಉಡುತ್ತಾರೆ. ಇನ್ನು ಸಿನಿಮಾ ಸಂಬಂಧಿಸಿದ ಇವೆಂಟ್​ಗಳಾದರೆ ಅಷ್ಟೇ ಬಿಡಿ. ಸೀರೆ ಬೆಲೆ ರೇಂಜ್ ಹೆಚ್ಚಾಗುತ್ತದೆ. ಸಮಂತಾ ಶಾಕುಂತಲಂ ಸಿನಿಮಾ ಟ್ರೈಲರ್ ಲಾಂಚ್​ನಲ್ಲಿ ಉಟ್ಟ ಬಿಳಿ ಸೀರೆಯ ಬೆಲೆ ಎಷ್ಟು ಗೊತ್ತಾ?

ಈ ಸೀರೆ ದೇವನಾಗಿರಿ ಎಂಬ ಬ್ರ್ಯಾಂಡ್​ನದ್ದು. ಸೀರೆಯಿಂದ ಹಿಡಿದು ಇಯರಿಂಗ್ಸ್, ನಟಿ ಧರಿಸಿದ್ದ ಕನ್ನಡಕ ಎಲ್ಲವೂ ಕೂಡಾ ಈ ಸೀರೆಗೆ ಹೊಂದಿಸಿದ ಸ್ಟೈಲ್​ನ ಭಾಗ.

ಬಾರ್ಡರ್​ನಲ್ಲಿ ಬಿಳಿ ಬಣ್ಣದ ಎಂಬ್ರಾಯ್ಡರಿಯನ್ನು ಕಾಣಬಹುದು. ಅತ್ಯಂತ ಸರಳವಾದ ವೈಟ್ ಕಲರ್ ಸೀರೆಯಲ್ಲಿ ವೈಟ್ ಕಲರ್ ಎಂಬ್ರಾಯ್ಡರಿ ಕ್ಲಾಸೀ ಲುಕ್ ಕೊಟ್ಟಿದೆ.

ಈ ಸೀರೆಗೆ ನಟಿ ಸ್ಲೀವ್ಲೆಸ್ ವೀ ಹ್ಯಾಂಗಿಂಗ್ ನೆಕ್ ಬ್ಲೌಸ್ ಧರಿಸಿದ್ದರು. ಆಗ್ರಾನ್ಝಾ ಮೆಟಿರೀಯಲ್ ಸೀರೆಗೆ ಸೆರಗನ್ನು ಹರವಿ ಬಿಟ್ಟಿದ್ದರು ಸಮಂತಾ.

ಈ ಸೀರೆಯ ಬೆಲೆ 50 ಸಾವಿರ ರೂಪಾಯಿ ಎಂದು ಹೇಳಲಾಗಿದೆ. ಇದರೊಂದಿಗೆ ಆ್ಯಸಸರೀಸ್ ಎಲ್ಲವೂ ಸೇರಿ ಸಮಂತಾ ಈ ಸೀರೆ ಸ್ಟೈಲ್​ಗೆ 70 ಸಾವಿರ ಖರ್ಚು ಮಾಡಿದ್ದಾರೆ.

ಸಮಂತಾ ಕೈಯಲ್ಲಿದ್ದ ಜಪಮಾಲೆ ಎಲ್ಲರ ಗಮನ ಸೆಳೆದಿತ್ತು. ಆದರೆ ಅದೂ ಕೂಡಾ ಈ ಸೀರೆಗೆ ಹೊಂದಿಕೆಯಾಗುವ ಫ್ಯಾಷನ್ ಬೀಟ್ಸ್ ಎಂದು ಹೇಳಲಾಗುತ್ತಿದೆ.

ಏನೇ ಆದ್ರೂ ಇಷ್ಟು ಸಿಂಪಲ್ ಆಗಿರೋ ಸೀರೆಗೆ ಇಷ್ಟೊಂದು ಹಣ ಕೊಟ್ಟಿರೋದನ್ನು ಕೇಳಿರೋ ನೆಟ್ಟಿಗರು ಛೇ ಒಂದು ಐಫೋನ್ ಬರ್ತಿತ್ತಲ್ಲ ಎನ್ನುತ್ತಿದ್ದಾರೆ.