Tollywood: ನಿರ್ಮಾಪಕರ ಪಾಲಿಗೆ ಚಿನ್ನದ ಮೊಟ್ಟೆಗಳು ಈ ಐವರು ನಟಿಯರು; ಟಾಲಿವುಡ್​ನ ಡೈಮೆಂಡ್ಸ್​​ಗೆ ಭಾರೀ ಡಿಮ್ಯಾಂಡ್

ಟಾಲಿವುಡ್​ನ ಅತ್ಯಂತ ಜನಪ್ರಿಯ ನಟಿಯರಲ್ಲಿ ಸಮಂತಾ ರುತ್ ಪ್ರಭು ಕೂಡ ಒಬ್ಬರಾಗಿದ್ದಾರೆ. 2010 ರಲ್ಲಿ ಬಣ್ಣದ ಲೋಕಕ್ಕೆ ಕಾಲಿಟ್ರು. ಸಾಲು ಸಾಲು ಹಿಟ್ ಸಿನಿಮಾ ನೀಡಿದ ನಟಿ ಅಂದಿನಿಂದಲೂ ಬಹು ಬೇಡಿಕೆಯರ ಸಾಲಿನಲ್ಲಿ ಮೊದಲಿದ್ದಾರೆ. 'ಈಗ', 'ನೀತನೆ ಎನ್ ಪೊನ್ವಸಂತಂ' ಮತ್ತು 'ಮಹಾನಟಿ' ಸೇರಿದಂತೆ ಅನೇಕ ಹಿಟ್ ಚಿತ್ರಗಳನ್ನು ನೀಡಿದ್ದಾರೆ.

ಸಮಂತಾ ಅದ್ಭುತ ಅಭಿನಯಕ್ಕೆ ಹಲವು ಪ್ರಶಸ್ತಿಗಳನ್ನು ಒಲಿದು ಬಂದಿದೆ. ತನ್ನ ನಟನಾ ಕೌಶಲ್ಯದ ಜೊತೆಗೆ ಸಮಂತಾ ತನ್ನ ಫ್ಯಾಶನ್ ಸೆನ್ಸ್​ಗೂ  ಹೆಸರುವಾಸಿಯಾಗಿದ್ದಾರೆ. ತನ್ನದೇ ಟ್ರೆಂಡ್ ಕ್ರಿಯೇಟ್ ಮಾಡಿದ್ದಾರೆ. ಅನೇಕರು ಸಮಂತಾ ಸ್ಟೈಲ್ ಕಾಪಿ ಮಾಡ್ತಾರೆ.

ಟಾಲಿವುಡ್ ನಲ್ಲಿ ತನ್ನದೇ ಆದ ಛಾಪು ಮೂಡಿಸಿರುವ ಮತ್ತೊಬ್ಬ ನಟಿ ಅಂದ್ರೆ ಅದು ಕನ್ನಡತಿ ರಶ್ಮಿಕಾ ಮಂದಣ್ಣ. ಇದೀಗ ನ್ಯಾಷನಲ್ ಕ್ರಶ್ ಆಗಿ ಮಿಂಚುತ್ತಿದ್ದಾರೆ. ಕನ್ನಡದ ಕಿರಿಕ್ ಪಾರ್ಟಿ ಸಿನಿಮಾ ಮೂಲಕ ಚಿತ್ರರಂಗಕ್ಕೆ ರಶ್ಮಿಕಾ ಎಂಟ್ರಿ ಕೊಟ್ಟಿದ್ದಾರೆ.

ರಶ್ಮಿಕಾ 2016ರಲ್ಲಿ ತಮ್ಮ ಕೆರಿಯರ್ ಆರಂಭಿಸಿದ್ರು. ಟಾಲಿವುಡ್​ಗೆ ಎಂಟ್ರಿ ಕೊಟ್ಟ ರಶ್ಮಿಕಾ ಗೀತಾ ಗೋವಿಂದ್, ಡಿಯರ್ ಕಾಮ್ರೇಡ್ ಮತ್ತು ಸುಲ್ತಾನ್ ನಂತಹ ಅನೇಕ ತೆಲುಗು ಚಿತ್ರಗಳಲ್ಲಿ ನಟಿಸಿದ್ದಾರೆ. ಸೌತ್​​ನಲ್ಲಿ ರಶ್ಮಿಕಾ ಭಾರೀ ಅಭಿಮಾನಿ ಬಳಗ ಹೊಂದಿದ್ದಾರೆ.

ಸೋಷಿಯಲ್ ಮೀಡಿಯಾದಲ್ಲಿ ಸೆನ್ಸೇಷನ್ ಕೂಡ ಆಗಿದ್ದಾರೆ. ರಶ್ಮಿಕಾ ಮಂದಣ್ಣಗೆ ಆಫರ್​ಗಳ ಸುರಿಮಳೆಯಾಗಿದೆ. ಈಗಾಗಲೇ ಸಾಲು ಸಾಲು ಸಿನಿಮಾ ಶ್ರೀವಲ್ಲಿ ಕೈಯಲ್ಲಿದೆ. ರಶ್ಮಿಕಾ ಮಂದಣ್ಣ ನಿರ್ದೇಶಕರ ಮೊದಲ ಆಯ್ಕೆಯಾಗಿದ್ದಾರೆ.

ಟಾಲಿವುಡ್ ನಲ್ಲಿ ಸದ್ದು ಮಾಡುತ್ತಿರುವ ಮತ್ತೊಬ್ಬ ನಟಿ ಪೂಜಾ ಹೆಗಡೆ. ಪೂಜಾ 2014ರಲ್ಲಿ ಸಿನಿಮಾಗೆ ಎಂಟ್ರಿ ಕೊಟ್ಟ ನಟಿ ಅಂದಿನಿಂದ ಹಿಂತಿರುಗಿ ನೋಡಲಿಲ್ಲ. 'ಅರವಿಂದ ಸಮೇತ ವೀರ ರಾಘವ್', 'ಅಲ ವೈಕುಂಠಪ್ರೇಮುಲು' ಮತ್ತು 'ರಾಧೆ ಶ್ಯಾಮ್' ಮುಂತಾದ ಅನೇಕ ತೆಲುಗು ಚಿತ್ರಗಳಲ್ಲಿ ನಟಿಸಿದ್ದಾರೆ. ಪೂಜಾ ಕೂಡ ಫ್ಯಾಷನ್ ಐಕಾನ್ ಆಗಿದ್ದಾರೆ.

ಟಾಲಿವುಡ್​ನಲ್ಲಿ ಛಾಪು ಮೂಡಿಸುತ್ತಿರುವ ಮತ್ತೊಬ್ಬ ನಟಿ ಕೀರ್ತಿ ಸುರೇಶ್. ಕೀರ್ತಿ 2013ರಲ್ಲಿ ನಟನೆಗೆ ಕಾಲಿಟ್ಟಿದ್ದು, ದಕ್ಷಿಣದಲ್ಲಿ ಉದಯೋನ್ಮುಖ ತಾರೆಯಾಗಿ ಮಿಂಚುತ್ತಿದ್ದಾರೆ. 'ಮಹಾನಟಿ', 'ನೇನು ಲೋಕಲ್' ಮತ್ತು 'ರಂಗ್ ದೇ' ನಂತಹ ಅನೇಕ ತೆಲುಗು ಚಿತ್ರಗಳಲ್ಲಿ ಕೆಲಸ ಮಾಡಿದ್ದಾರೆ. ಕೀರ್ತಿ ತನ್ನ ಸಾಂಪ್ರದಾಯಿಕ ಫ್ಯಾಷನ್ ಆಯ್ಕೆಗಳಿಗೆ ಹೆಸರುವಾಸಿಯಾಗಿದ್ದಾರೆ. ಸಾಂಪ್ರದಾಯಿಕ ಉಡುಗೆಗಳಿಗೆ ಟ್ರೆಂಡ್ಸೆಟರ್ ಆಗಿದ್ದಾರೆ.

ಬಾಹುಬಲಿ ಖ್ಯಾತಿಯ ತಮನ್ನಾ ಭಾಟಿಯಾ ಹಲವು ವರ್ಷಗಳಿಂದ ಟಾಲಿವುಡ್​ನಲ್ಲಿ ಪ್ರಮುಖ ನಟಿಯಾಗಿದ್ದಾರೆ. 2005ರಲ್ಲಿ ನಟನಾ ಜಗತ್ತಿಗೆ ಕಾಲಿಟ್ಟರು. 'ಬಾಹುಬಲಿ', '100% ಲವ್' ಮತ್ತು 'ಸೈರಾ ನರಸಿಂಹ ರೆಡ್ಡಿ' ಮುಂತಾದ ಅನೇಕ ತೆಲುಗು ಚಿತ್ರಗಳಲ್ಲಿ ಕೆಲಸ ಮಾಡಿದ್ದಾರೆ. ಮಿಲ್ಕಿ ಬ್ಯೂಟಿ ಕೂಡ ಫ್ಯಾಷನ್ ಐಕಾನ್ ಆಗಿದ್ದಾರೆ.