Samantha: ಸಮಂತಾ ಬಾಲಿವುಡ್​ ಎಂಟ್ರಿ ಪಕ್ಕನಾ? ಈ ಹೀರೋಗೆ ಹೂಂ ಅಂದ್ರ ಊ ಅಂಟಾವಾ ಬೆಡಗಿ!

ನಾಗ ಚೈತನ್ಯ ಜೊತೆಗಿನ ವಿಚ್ಛೇದನದ ನಂತರ ಸಮಂತಾ ಚಿತ್ರಗಳಲ್ಲಿ ಬ್ಯುಸಿ ಇದ್ದಾರೆ.ಒಂದಿಲ್ಲೊಂದು ವಿಚಾರವಾಗಿ ಸುದ್ದಿಯಾಗುತ್ತಾರೆ. ಹಿಂದೆಂದಿಗಿಂತಲೂ ಹೆಚ್ಚು ಬೋಲ್ಡ್ ಫೋಟೋಶೂಟ್‌ಗಳನ್ನು ಮಾಡಿಸಿ ಟ್ರೆಂಡಿಂಗ್​ನಲ್ಲಿದ್ದಾರೆ.

ಇದೀಗ ಸಮಂತಾ ಒರಾಮ್ಯಾಕ್ಸ್ ಸ್ಟಾರ್ಸ್ ಇಂಡಿಯಾ ಲವ್ಸ್ ಎಂಬ ಕಂಪನಿಯು ನಮ್ಮ ದೇಶದ ಅತ್ಯಂತ ಜನಪ್ರಿಯ ನಾಯಕಿ ಯಾರು ಎಂದು ಸಮೀಕ್ಷೆ ನಡೆಸಿತು. ಈ ಸಮೀಕ್ಷೆಯ ಪ್ರಕಾರ ಸಮಂತಾ ಎಲ್ಲರನ್ನೂ ಅಚ್ಚರಿಗೊಳಿಸಿ ಅಗ್ರಸ್ಥಾನದಲ್ಲಿ ನಿಂತಿದ್ದಾರೆ. ನಂತರದ ಸ್ಥಾನದಲ್ಲಿ ಆಲಿಯಾ ಭಟ್.. ಮೂರನೇ ಸ್ಥಾನದಲ್ಲಿ ನಯನತಾರಾ., ದೀಪಿಕಾ ಪಡುಕೋಣೆ, ಕಾಜಲ್ ಅಗರ್ವಾಲ್, ಕೀರ್ತಿ ಸುರೇಶ್, ಕತ್ರಿನಾ ಕೈಫ್, ರಶ್ಮಿಕಾ ಮತ್ತು ಪೂಜಾ ಹೆಗ್ಡೆ ಇದ್ದಾರೆ.

ಬಾಲಿವುಡ್​ ನಾಯಕಿಯರನ್ನು ಹಿಂದಿಕ್ಕಿ ಸಮಂತಾ ಅಗ್ರಸ್ಥಾನದಲ್ಲಿರುವುದು ವಿಚಾರ ಹಳೆಯದು. ಈಗಿನ ವಿಚಾರ ಎಂದರೆ ಸಮಂತಾ ಬಾಲಿವುಡ್ನಲ್ಲಿ ಸಿನಿಮಾ ಮಾಡುತ್ತಿರುವುದು. ಈ ಬಗ್ಗೆ ಈಗಾಗಲೆ ಹಲವಾರು ಊಹಾಪೋಹಗಳು ಕೇಳಿ ಬಂದಿದ್ದರೂ ಸಹ ಈ ಬಾರಿ ಸುದ್ದಿ ಸತ್ಯ ಎನ್ನಲಾಗುತ್ತಿದೆ.

ಫ್ಯಾಮಿಲಿ ಮ್ಯಾನ್ ವೆಬ್ ಸೀರೀಸ್ ನಂತರ ಎಲ್ಲರೂ ಅಂದುಕೊಂಡಂತೆ ಹಿಂದಿಯಲ್ಲಿ ಸಮಂತಾಗೆ ಒಳ್ಳೆಯ ಆಫರ್​ ಸಿಕ್ಕಿದೆ. ಅವರಿಗೆ ಸಾಲು ಸಾಲು ಆಫರ್‌ಗಳು ಬರುತ್ತಿವೆ.  ಸಮಂತಾ ದಿನೇಶ್ ಅವರ ವಿಷನ್ ಪ್ರೊಡಕ್ಷನ್‌ನಲ್ಲಿ ಆಯುಷ್ಮಾನ್ ಖುರಾನಾ ಎದುರು ಹಿಂದಿ ಚಿತ್ರರಂಗಕ್ಕೆ  ಪಾದಾರ್ಪಣೆ ಮಾಡಲಿದ್ದಾರೆ ಎನ್ನಲಾಗುತ್ತಿದೆ.

ಸಸ್ಪೆನ್ಸ್ ಮತ್ತು ಕಾಮಿಡಿ ಡ್ರಾಮಾ ಜಾನರ್ ನಲ್ಲಿ ಬರುತ್ತಿರುವ ಈ ಸಿನಿಮಾದ ಸ್ಕ್ರಿಪ್ಟ್ ವರ್ಕ್ ಈಗಾಗಲೇ ಮುಗಿದಿದೆಯಂತೆ. ಎಲ್ಲವೂ ಅಂದುಕೊಂಡಂತೆ ನಡೆದರೆ, ಈ ವರ್ಷಾಂತ್ಯದ ವೇಳೆಗೆ ಈ ಚಿತ್ರದ ಶೂಟಿಂಗ್ ಆರಂಭವಾಗುತ್ತದೆ.  ಸದ್ಯದಲ್ಲೇ ಈ ಸಿನಿಮಾದ ಬಗ್ಗೆ ಅಧಿಕೃತ ಪ್ರಕಟಣೆ ಹೊರಬೀಳಲಿದೆ.

ಸಮಂತಾ ಅವರ ಸಿನಿಮಾಗಳಿಗೆ ಬರುವುದಾದರೆ, ಅವರ ಇತ್ತೀಚಿನ ಚಿತ್ರ ನಯನತಾರಾ ಜೊತೆಗಿನ ಕಾತು ವಾಕುಲಾ ಎರಡು ಕಾದಲ್. ಚಿತ್ರವು ಏಪ್ರಿಲ್ 28 ರಂದು ವಿಶ್ವದಾದ್ಯಂತ ಬಿಡುಗಡೆಯಾಗಿ ಉತ್ತಮ ಪ್ರದರ್ಶನ ನೀಡಿತು.

ಇದೇ ವೇಳೆ ಸಮಂತಾ ಕುರಿತಾದ ಸುದ್ದಿಯೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ವಿಜಯ್ ಜೊತೆಗಿನ ಖುಷಿ ಸಿನಿಮಾದಲ್ಲಿ ನಟಿಸಿದ್ದಕ್ಕೆ ಸಮಂತಾ ಭಾರೀ ಸಂಭಾವನೆ ಪಡೆದಿದ್ದಾರಂತೆ. ಈ ಚಿತ್ರಕ್ಕಾಗಿ ನಿರ್ಮಾಪಕರು ಸಮಂತಾ ಅವರ ಮಾಮೂಲಿ ಸಂಭಾವನೆಗಿಂತ 25% ಹೆಚ್ಚು ಪಾವತಿಸುತ್ತಿದ್ದಾರೆ ಎಂಬ ಸುದ್ದಿ ಇದೆ.

ಟಾಲಿವುಡ್ ಸ್ಟಾರ್ ಹೀರೋಯಿನ್ ಸಮಂತಾ ಸದ್ಯ ಸೂಪರ್ ಬ್ಯುಸಿಯಾಗಿದ್ದಾರೆ. ಒಂದೆಡೆ ಚಿತ್ರಗಳು, ಇನ್ನೊಂದೆಡೆ ವೆಬ್ ಸಿರೀಸ್ ಗಳು ಸದ್ದು ಮಾಡುತ್ತಿವೆ.