Samantha: ಯಾರು ನೀವು? ಯಾವ ಸೌತ್? ದಕ್ಷಿಣದ ನಟಿಯರಿಗೆ ಡಿಸೈನರ್ ಬಟ್ಟೆಗಳನ್ನೇ ಕೊಡ್ತಿರ್ಲಿಲ್ಲ! ಸಮಂತಾ ಬಿಚ್ಚಿಟ್ಟ ನೋವಿನ ಕಥೆ

ಸಮಂತಾ ರುಥ್ ಪ್ರಭು ಅವರು ದೇಶಾದ್ಯಂತ ಈಗ ಫೇಮಸ್. ಮೊದಲಾಗಿ ಫ್ಯಾಮಿಲಿ ಮ್ಯಾನ್ 2 ಮೂಲಕ ಫೇಮಸ್ ಆದ ಈ ನಟಿ ನಂತರ ಪ್ಯಾನ್ ಇಂಡಿಯಾ ಸಿನಿಮಾ ಪುಷ್ಪಾದ ಊ ಅಂಟಾವಾ ಹಾಡಿನ ಮೂಲಕ ಸಿನಿ ಪ್ರಿಯರ ಮನಸು ಗೆದ್ದರು.

ಇತ್ತೀಚೆಗೆ ಸಿನಿಮಾ ಹಾಗೂ ಸೌತ್ ನಾರ್ತ್ ಇಂಡಸ್ಟ್ರಿಗಳ ಬಗ್ಗೆ ಮಾತನಾಡಿದ ನಟಿ ದಕ್ಷಿಣದ ನಟಿಯರನ್ನು ಗೌರವದಿಂದ ಕಾಣದ ಕಾಲವಿತ್ತು ಎಂದು ಹೇಳಿದ್ದಾರೆ. ಪ್ರಾದೇಶಿಕ ಸಿನಿಮಾಗಳು ಹೇಗೆ ಇತ್ತೀಚಿನ ವರ್ಷಗಳಲ್ಲಿ ಮುನ್ನೆಲೆಗೆ ಬಂದಿದೆ ಎನ್ನುವುದನ್ನು ರಿವೀಲ್ ಮಾಡಿದ್ದಾರೆ.

ಹಲವಾರು ತಮಿಳು, ತೆಲುಗು, ಕನ್ನಡ ಸಿನಿಮಾಗಳು ಬಾಲಿವುಡ್ ಸಿನಿಮಾಗಳನ್ನು ಸೋಲಿಸುತ್ತಿವೆ ಎಂದು ನಟಿ ಒತ್ತಿ ಹೇಳಿದ್ದಾರೆ. ಈ ಮೂಲಕ ದಕ್ಷಿಣ ಹಾಗೂ ಉತ್ತರ ಭಾರತದ ಸಿನಿಮಾಗಳ ಮಧ್ಯೆ ಇದ್ದಂತಹ ಅಂತರವನ್ನು ವಿವರಿಸಿ ಹೇಳಿದ್ದಾರೆ.

ಭಾರತೀಯ ಸಿನಿಮಾಗಳ ಪಿರಮಿಡ್​ನಲ್ಲಿ ಹಿಂದಿ ಸಿನಿಮಾಗಳು ಮೇಲಿನ ಸ್ಥಾನದಲ್ಲಿದ್ದವು. ಆದರೆ ಕಳೆದ 5 ವರ್ಷಗಳಲ್ಲಿ ಆರ್​​ಆರ್​ಆರ್, ಕೆಜಿಎಫ್ 2, ಪುಷ್ಪಾ: ದಿ ರೈಸ್, ಕಾಂತಾರ ಸೇರಿ ಹಲವಾರು ಸಿನಿಮಾಗಳು ಬಾಕ್ಸ್ ಆಫೀಸ್ ದಿಕ್ಕನ್ನೇ ಬದಲಾಯಿಸಿವೆ. ಮಲಯಾಳಂ ಸಿನಿಮಾಗಳು ಕ್ವಾಲಿಟಿ ಬಾರ್ ಮೀರಿ ಬಂದಿವೆ ಎಂದಿದ್ದಾರೆ.

Gulte ಜೊತೆ ಮಾತನಾಡಿದ ಸಮಂತಾ ಇದು ನಿಜಕ್ಕೂ ಅದ್ಭುತ. ಸೌತ್ ನಟಿಯರಿಗೆ ಡಿಸೈನರ್ ಬಟ್ಟೆಗಳು ಸಿಗದ ಕಾಲವೊಂದಿತ್ತು. ಆ ಸಂದರ್ಭ ನೀವು ಯಾರು? ಸೌತ್ ನಟಿಯಾ? ಯಾವ ಸೌತ್ ಎಂದು ಕೇಳಿ ಅವಮಾನಿಸುತ್ತಿದ್ದರು ಎಂದಿದ್ದಾರೆ.

ನಂತರ ನಸುನಕ್ಕು ಮಾತು ಮುಂದುವರಿಸಿದ ನಟಿ ನಾವು ಅಷ್ಟು ದೂರದಿಂದ ಇಲ್ಲಿಯವರೆಗೆ ಬಂದಿದ್ದೇವೆ. ಇದು ನಿಜಕ್ಕೂ ಅದ್ಭುತ. ಈಗ ನಾವೆಲ್ಲಿರಬೇಕೋ ಅಲ್ಲಿಗೆ ತಲುಪಿದ್ದೇವೆ ಎಂದು ಹೇಳಿದ್ದಾರೆ.

ಸಮಂತಾ ತಮ್ಮ ಕೆರಿಯರ್ ಬಗ್ಗೆ ಮಾತನಾಡಿ ನನ್ನ ಕೆರಿಯರ್ ಹಲವು ಏರಿಳಿತಗಳಿಂದ ಕೂಡಿತ್ತು ಎಂದಿದ್ದಾರೆ. ನಾನು ತೆರೆದ ಪುಸ್ತಕವಾಗಿರಲು ಬೇಗ ನಿರ್ಧಾರ ಮಾಡುವ ಮೂಲಕ ಒಳ್ಳೆಯ ಕೆಲಸ ಮಾಡಿದೆ ಎಂದು ಹೇಳಿದ್ದಾರೆ. ಇದು ತಮ್ಮನ್ನು ಕೆಟ್ಟ ದಿನಗಳಿಗೆ ರೆಡಿ ಮಾಡಿತು ಎಂದಿದ್ದಾರೆ.

ಪುಷ್ಪಾ ಸಿನಿಮಾದ ಊ ಅಂಟಾವಾ ಹಾಡಿನಲ್ಲಿ ಕಾಣಿಸಿಕೊಂಡ ನಂತರ ಸಮಂತಾ ಅವರ ಖ್ಯಾತಿ ಹೆಚ್ಚಾಯಿತು. ಫ್ಯಾಮಿಲಿ ಮ್ಯಾನ್ 2ನಲ್ಲಿ ಸಮಂತಾ ಲೀಡ್ ರೋಲ್​ನಲ್ಲಿ ಕಾಣಿಸಿಕೊಂಡರು. ನಟಿ ಈಗ ಬಿಗ್ ಬಜೆಟ್ ಸಿನಿಮಾ ಶಾಕುಂತಲಂ ಮೂಲಕ ಪ್ರೇಕ್ಷರನ್ನು ತಲುಪಲಿದ್ದಾರೆ.

ಪುಷ್ಪಾ ಸಿನಿಮಾದ ಊ ಅಂಟಾವಾ ಹಾಡಿನಲ್ಲಿ ಕಾಣಿಸಿಕೊಂಡ ನಂತರ ಸಮಂತಾ ಅವರ ಖ್ಯಾತಿ ಹೆಚ್ಚಾಯಿತು. ಫ್ಯಾಮಿಲಿ ಮ್ಯಾನ್ 2ನಲ್ಲಿ ಸಮಂತಾ ಲೀಡ್ ರೋಲ್​ನಲ್ಲಿ ಕಾಣಿಸಿಕೊಂಡರು. ನಟಿ ಈಗ ಬಿಗ್ ಬಜೆಟ್ ಸಿನಿಮಾ ಶಾಕುಂತಲಂ ಮೂಲಕ ಪ್ರೇಕ್ಷರನ್ನು ತಲುಪಲಿದ್ದಾರೆ.